Friday , 15 December 2017
News update
Home >> Article >> ‘फिर्के’ रिलिजको मिति घोषणा, यस्तो छ पोष्टर

‘फिर्के’ रिलिजको मिति घोषणा, यस्तो छ पोष्टर


चलचित्र फिर्केको रिलिज मिति घोषणा गर्दै निर्माण पक्षले पहिलो पोष्टर सार्वजनिक गरेको छ । पुष १४ गतेलाई प्रदर्शन मिति घोषणा गर्दै फिल्म ‘फिर्के’का दुई पोस्टर सार्वजनिक भएका हुन् ।

‘ईकुु’को नामले चर्चित सुलेमान शंकरको प्रस्तुतिमा फिर्के बनेको हो । फिल्ममा अर्पण थापा, सुलेमान शंकर, ऋचा शर्मा, क्रिष्टिना पौडेल, बिष्णु सापकोटा, अर्जुन गुरुङ्, उज्ज्वल भण्डारी, पुरन थापा लगायतका कलाकारहरुको अभिनय रहेको छ ।

यो फिल्मलाई तितो सत्य, जिरे खुर्सानी लगायतका टेलिसिरियलमा ‘बेमान’को नामले परिचित रवि डंगोलले निर्देशन गरेका हुन् । उनले यसअघि ६ वटा नेवारी फिल्म पनि निर्देशन गरिसकेका छन् ।

यसअघि ईकु र ईकु २ फिल्मका निर्माता समेत रहेका कलाकार सुलेमान शंकरले ‘फिर्के’मा ईकु भन्दा फरक भूमिकामा अभिनय गरेको बताए । यो फिल्मका निर्माता ओमलाल गुरुङ् र राजेश श्रेष्ठ हुन् । फिल्ममा अभिमन्यू निरबीको लेखन रहेको छ ।

अष्ट महर्जनको द्वन्द्व निर्देशन रहेको ‘फिर्के’मा मित्र डि गुरुङको सम्पादन तथा राम कुमार केसीको छायांकन छ । फिल्मलाई काठमाण्डौ उपत्यकामा गोपाल कायस्थ र मोफसलमा एफ डि कम्पनीले वितरण गर्दैछन् । बिश्व नेपाली र सुवास भुषालको संगीत रहेको यस फिल्ममा दुई गीत रहेका छन् ।

Leave a Reply

Your email address will not be published. Required fields are marked *

*