Monday , 21 May 2018
News update
Home >> Article

Article

हरिण मारेको आरोपमा सलमान खानलाई ५ वर्षको जेल सजाय


२० वर्ष पुरानो कालो हरिणको शिकार गरेको मामलामा बलिउड कलाकार सलमान खानलाई ५ वर्षको जेल सजाय तोकिएको छ। जोधपुर अदालतले सलमानलाई ५ वर्ष जेल सजाय तोकेको हो।

सलमानलाई अदालतबाट हिरासतमा लिइएको छ। उनलाई जोधपुरको सेन्ट्रल जेलमा राखिने भएको छ। उनलाई १० हजार जरिवाना पनि तोकिएको छ। सलमान योसँगै वितग २० वर्षमा पटकपटक जेल गएका छन्।

सन् १९९८ मा जोधपुरको ग्रामीण इलाकामा दुई हरिणको शिकार गरेको आरोपमा सलमान लगायत पाँचजना विरुद्ध वैष्णोइ समाजले मुद्दा हालेको थियो। सलमान खानले सन् १९९८ को सेप्टेम्बर २६ र २८ मा दुई काला हरिणको शिकार गरेको आरोप लागेको थियो।

उनलाई हरिणको शिकार गर्ने उक्साएको आरोप लागेका अभिनेता सैफ अलि खानलाई भने सफाइ दिइएको छ। सलमान खानले यो सजायविरुद्ध अपील गर्नसक्ने छन्। र, यसका लागि पहल गर्ने उनका वकीलहरूले बताएका छन्।

सलमान खानका साथै अभिनेता सैफअलि खान, अभिनेत्री सोनाली बेन्द्रे, तब्बू र नीलमविरुद्ध मुद्दा चलाइएको थियो।

जोधपुर अदालतले बिहीबार सलमान खानलाई दोषी करार गरेको हो भने अन्यलाई सफाइ दिएको छ। सलमान खानका वकीलले अदालतमा तीन वर्षभन्दा कमको सजाय माग गरेका थिए।

सलमान लगायत अन्य कलाकार २० वर्ष पहिले ुहम साथ(साथ हैुं फिल्म सुटिङका लागि जोधपुर गएका बेला शिकार खेलेका थिए। यो मुद्दा भारतको वन्यजन्तु कानुन अन्तर्गत दर्ता गरिएको थियो।

जसमा दोषी पाइएकालाई छ वर्ष सम्मको जेल सजायको प्रावधान रहेको छ। सलमान खानले भने आफूमाथि लगाइएको आरोप निराधार रहेको बताउँदै आएका थिए। उनका वकीलले सलमानलाई फसाइएको बताएका छन्। सलमान खान आफ्नी दुई बहिनीसँग जोधपुर अदालत पुगेका थिए।

 

धुर्मुसले भने : जमिनका हिसाबले चितवन रंगशालाका लागि उत्कृष्ट ठाउँ

नारायण ढुंगाना,
चितवन, २० चैत : धुर्मुस–सुन्तली फाउण्डेसनले चितवनको भरतपुर महानगरपालिका वडा नम्बर २० मा क्रिकेट रंगशालाको सम्भाव्यता अध्ययन गरेको छ।

आज ईन्जिनियर सहित आएको फाउण्डेसनको समुहले भरतपुर महानगरपालिकाका प्रमुख रेणु दाहाल र उपप्रमुख पार्वती शाहको सहभागितामा स्थलगत रुपमा रंगशाला बनाउन सकिने या नसकिनेबारे सम्भाव्यता अध्ययन गरेको हो ।
फाउण्डेसनले बनाउन लागेको ‘भगवान बुद्ध अन्तर्राट्रिय क्रिकेट रंगशाला’का लागि भरतपुर महानगरपालिकाले जग्गा दिने थाहा पाएपछि पत्र आउनुभन्दा पहिले नै सम्भाव्यता अध्ययनका लागि चितवन आएको फाउन्डेसनका संस्थापक सिताराम कट्टेल( धुर्मुस)ले बताए।

सोमवार भरतपुर महानगरका प्रमुख रेणु दाहालले चितवनमा सबै सम्भावना रहेको भन्दै पश्चिम चितवनको निर्माणाधिन चित्रवन रंगशालामा उक्त खेलमैदान निर्माणका लागि जग्गा उपलव्ध गराउने घोषणा गरेकी थिईन्।
आज पश्चिम चितवनको निर्माणाधिन चित्रवन रंगशालामा पुगेर टोलीले अध्ययन गरेको हो। सो क्षेत्र चितवनको सदरमुकाम भरतपुर बजारबाट करिव १५ किलोमिटर पश्चिम चितवनमा पर्छ।

स्थलगत निरिक्षकपछि फाउण्डेसनका संस्थापक एबं कलाकार सिताराम कट्टेलले स्थानका हिसाबले महत्वपूर्ण ठाउँ भएको भन्दै प्राविधिक रुपमा र आईसीसीको मापदण्ड अनुसारको भए रंगशाला निर्माण गर्न सकिने बताए।

‘हामी खेलका सबै गतिविधि गर्न सकिने रंगशाला निर्माणको पहलमा छौं, कट्टेलले भने, साझा अबधारणाको परियोजना भएकाले सबैको अपनत्व हुनुपर्छ भनेर लागेका छौं।’ उनले नेपाललाई विश्वसामु चिनाउने र क्रिकेटको देश भनेर पहिचान दिलाउने अभियान भएकाले सबैको साथको खाँचो रहेको औंल्याए।

अध्ययन टोलीमा सहभागि नेपाल ईन्जिनियर्स एसोसिएसनका उपमहासचिव रविभूणष झाले प्राविधिक हिसाबले पनि चितवनको चित्रवन उपयुक्त ठाउँ भएको प्रतिक्रिया दिए।

उनका अनुसार ४० हजार क्षमताको बन्ने रंगशाला न्यूनतम ३०० रोपनीको जग्गा आवश्यक हुने जनाईएको छ । अहिलेसम्म फाउण्डेसनले भक्तपुर, मुलपानी स्टेडियम, भैरहवा, रुपन्दहीको सैनामैनाको ६५ विगाहा क्षेत्रको समेत स्थलगत अवलोकन गरिसकेको छ ।

सो क्रममा बोल्दै भरतपुर महानगरपालिकाका प्रमुख रेणु दाहालले भनिन्, ‘तपाईहरुलाई हार्दिक अनुरोध गर्नु चाहन्छौं, सबै हिसाबले भरतपुर महानगर रंगशालाका लागि बेष्ट हुन सक्छ ।’

उपमेयर पार्वती शाहले भरतपुरमै बनाउनका लागि छिटो निर्णय गर्न आग्रह गर्दै जस्तो सुकै सहयोगका लागि तयार रहेको दावीगरिन्। उनीहरुसँगको अध्ययन टोलीमा वागमती सफाई अभियानका अभियन्ता अर्जुन धरेल, कलाकारहरु मनोज गजुरेल, अर्जुन घिमिरे(पाँडे) र कुमार कट्टेल(जिग्री) सहभागि थिए ।

चितवन सकेर टोली सम्भाव्यता अध्ययनका लागि आज हेटौंडा प्रस्थान गरेको छ । छिट्टै स्थान तय गरेर शिलान्यासको दिनमा उद्घाटनको मिति तोक्ने फाउण्डेसनले जनाएको छ । कलाकारसहितको टोली आउँदा स्थानियहरु उत्साहित थिए । स्थानियबासीले समेत जस्तो सुकै सहयोग गर्नुपरेपनि तयार रहेको प्रतिक्रिया दिए । उनीहरुले जग्गा कति चाहिन्छ त्यही उपलव्ध हुने बताएका छन् ।

सो क्षेत्रमा अहिले रंगशाला निर्माणको काम चलिरहेको छ । त्यसैलाई विस्तार गरेर क्रिकेट स्टेडियमका लागि काम गर्न सकिने वडा नम्बर २० का वडाध्यक्ष मणिलाल तामांगले बताए ।

चर्चित हास्य कलाकार धुर्मुस रंगशालाको सम्भावित अध्ययन गर्न चितवन आउँदै


नारायण ढुंगाना,

चितवन, २० चैत : भरतपुर महानगरपालिकाले चासो देखाएपछि धुर्मुस–सुन्तली फाउण्डेसनले रंगशाला निर्माणका लागि चितवनमा पनि सम्भाव्यता अध्ययन गर्न लागेको छ ।

चितवनको भरतपुर महानगरपालिकाले रंगशाला निर्माणका लागि धुर्मुस–सुन्तली फाउण्डेसनलाई जग्गा उपलव्ध गराउने घोषणा गरेपछि आज कलाकार सिताराम कट्टेल(धुर्मुस्)सहितको ईन्जिनियरको टोली सम्भाव्यता अध्ययनका लागि चितवन आउन लागेको कलाकार सिताराम कट्टेलले बताउनुभयो ।

विभिन्न स्थानमा सम्भाव्यता अध्ययनको काम भैरहेको भन्दै कलाकार कट्टेलले आजै चितवनको सम्भावित क्षेत्रको अध्ययन गरिने बताउनुभयो ।

सोमवार भरतपुर महानगरका प्रमुख रेणु दाहालले चितवनमा सबै सम्भावना रहेको भन्दै पश्चिम चितवनको निर्माणाधिन चित्रवन रंगशालामा उक्त खेलमैदान निर्माणका लागि जग्गा उपलव्ध गराउने प्रतिबद्धता जनाएपछि फाउण्डेसनको टोली आज चितवन आउन लागेको हो ।

अध्ययन टोलीमा नेपाल ईन्जिनियर्स एसोसिएसनका उपमहासचिव रविभूणष झा समेत सहभागि हुनुहुन्छ ।
‘हामी खेलका सबै गतिविधि गर्न सकिने रंगशाला निर्माणको पहलमा छौं, कट्टेलले भन्नुभयो, साझा अबधारणाको परियोजना भएकाले सबैको अपनत्व हुनुपर्छ भनेर लागेका छौं ।’

उहाँका अनुसार ४० हजार क्षमताको बन्ने रंगशाला न्यूनतम ३०० रोपनीको जग्गा आवश्यक हुने जनाईएको छ । अहिलेसम्म फाउण्डेसनले भक्तपुर, मुलपानी स्टेडियम, रुपन्दैशीको सैनामैनाको ६५ विगाहा क्षेत्रको समेत स्थलगत अवलोकन गरिरहेको छ ।

‘सैनामैनामा आज देखिएको मासले एकचरण निर्माण सम्पन्न भैरहेको हामीले महसुस गरेका छौं, कट्टेलले भन्नुभयो, हाम्रो यो मल्टिपर्पाेजको अबधारणा हो, सबैले साथ दिने आशा छ ।’

आजै भैरहवाको निर्माणाधिन रंगशालाको अध्ययन गरेर अपरान्ह चितवन पुग्ने कट्टेलले बताउनुभयो । यसअघि फाउण्डेसनले सो विषयमा राखेप तथा प्रधानमन्त्री केपीशर्मा ओलीसँग समेत छलफल गरिरहेको छ ।

चितवनमा आज सम्भाव्यता अध्ययन गरेपछि पनि केन्द्रमा फर्किएर चाँडैनै टुंगोमा पुग्ने र निर्माणको काम अघि बढाउने फाउण्डेसनले जनाएको छ ।

चलचित्र ‘स्वर्ग मेरो गाउँ’बाट रजतपटमा डेब्यु गर्दै मोडल भावना गुरुङ

नेपाली मोडलिंग क्षेत्रमा आफ्नो भिन्दै पहिचान बनाउन सफल मोडल भावना गुरुङको अभिनय रहेको चलचित्र ‘स्वर्ग मेरो गाउँ’ यहि वैशाख ७ गतेबाट रिलिज हुदैछ। ‘स्वर्ग मेरो गाउँ’ बाट भावना नेपाली रजतपट नायिकाको रुपमा डेब्यु गर्दैछिन्।

चितवन घर भएकी भावना फेसन सो,म्यूजिक भिडियो हुदै नेपाली चलचित्र क्षेत्रमा आएकी हुन् । भावनाले अहिले आफै फेसन सो कार्यक्रम आयोजना गर्नु को साथै कार्यक्रमहरुको कोरियोग्राफर समेत गर्ने गरेकी छिन् ।

थुप्रै फेसन सो, म्यूजिक भिडियो र बिज्ञापनहरुमा अभिनय गरेकी भावना गुरुङको अब चलचित्र मार्फत आफ्नो अभिनय हेर्न पाउने भएको छ ।उनले आफ्नो पहिलो डेब्यु चलचित्र ‘स्वर्ग मेरो गाउँ’ बाट आफुले धेरै आशा बोकेकी बताएकी छिन् ।

पछिल्लो समय चलचित्रमा अभिनय गर्ने अफर आउन थाले पछि उनले यस चलचित्र रिलिज पछि चलचित्रको कथा बस्तु हेरेर मात्रै काम गर्ने बताईन ।चलचित्र ‘स्वर्ग मेरो गाउँ’ मा धेरै मेहेनेत गरेको र एकता उत्कृस्ट चलचित्र बनको भन्दै सबैलाई एक पटक हेरेर प्रतिक्रिया दिन अनुरोध समेत गरेकी छिन् ।

शहरबाट गाउँ घुम्न गएका यूवतीहरुले गाउँलाई नै स्वर्ग बनाउनका लागि गरेको कामको कथा बस्तुमा निर्म गरिएको यस चलचित्रमा नरेन खड्का,रामकृष्ण बजगाँइ, भावना गुरुङ, शक्शी लम्साल, सुजता थापा, अष्ट महर्जन लगायतका कलाकारको मुख्य भूमिका रहेको छ ।


चलचित्र ‘स्वर्ग मेरो गाउँ’ लाई पुराना कलाकार तथा निर्माता रामकृष्ण बजगाइँको निर्देशन गरेका हुन् ।गौतमले खिचेको फिल्ममा अष्ट महर्जनको द्वन्द्व निर्देशन छ । गोविन्द राई फिल्मका कोरियोग्राफर हुन् भने सुनिता बरालको कथा छ।

चलचित्र ‘लिली विली’ को यूनिट प्रचार गर्दै चितवनमा, नायक प्रदिप भन्छन्,­ ‘यो पनि मेरो डेब्यू’


नारायण ढुंगाना, चितवन, १२ चैत : पारिश्रमिक धेरै लिने अभिनेताको परिचय बनाएका चलचित्र नायक प्रदिप खड्काले ‘लिली विली’ आफ्नो डेब्यू फिल्म भएको बताएका छन्।

यही चैत ३० बाट देशै भरी प्रदर्शनमा आउन लागेको उक्त चलचित्रको आज चितवनमा भएको पत्रकार भेटघाटका क्रममा उनले यस्तो बताएका हुन्। ‘प्रेमगितको ट्यागलाई छाडेर फेरी डेब्यू गरेको छु, प्रदिपले भने, मेरो हरेक फिल्म डेब्यू हुने गरेको छ ।’
यसअघिको प्रेमगीत एउटा ब्राण्ड थियो, अब लिली विलीमा हिट भएभने प्रदिपको क्रेज बढ्ने पक्का छ । त्यसैले उनको यो फिल्म परीक्षा जस्तै हो।

चलचित्रमा डेब्यू गरेकी नायिका जसिता गुरुङले ईमोसनल र सिम्पल केटीको भूमिका खेलेको बताईन्। उनलाई निर्देशक मिलन चाम्सले सपन ईन्टरटेनमेन्टले बेलायतमा आयोजना गरेको डान्स कम्पिटिसनमा देखेपछि अडिसनबाट छानेर लिएका थिए।

चलचित्रबारे बताउँदै निर्देशक चाम्सले बेलायत, स्कटल्याण्ड र टर्कीको स्तनबुलमा छायाँकन गरेको ‘लिली विली’ नेपाली अडियन्सका लागि नेपाली सिनेमा हो भनेर गर्व गर्न लायकको बनेको दावी गरे।वर्किङ टाईटल क्याची भएपछि नै ‘लिली विली’ नाम जुरेको बताउँदै चाम्स टाईटल बारे भने, ‘सायद कुनै क्यारेटर होला।’

नेपालमा छायाँकन नगरेको विषयमा उठेको प्रश्नमा उनले बाहिर भएपनि नेपालको प्रतिनिधित्व गरेको प्रतिक्रिया दिए । चलचित्रमा प्रदीप र जसिता सहित अहिलेको चलेकी नायिका प्रियंका कार्की, सविन श्रेष्ठ र अनुपविक्रम शाहीको मुख्य भूमिका छ।

काफिया फिल्मस्, सुदीप खड्का प्रोडक्सन र चाम्स इन्टरटेनमेन्टको व्यानरमा चलचित्र निर्माण भएको हो।गोविन्द शाही, सुदिप खड्का र चाम्सको यसमा लगानी छ । गायक प्रताप दासले लिली विली नाम नै काफी भएको प्रतिक्रिया दिए। चार वटा गीत रहेको चलचित्रमा २ वटा भने सार्वजनिक भैसकेको छ ।

चलचित्रका निर्माता सुदिप खड्काले फिल्मको क्लाईमेक्स हेर्दा आफु र चाम्स रोएको स्मरण गर्दै भने, ‘नेपाली चलचित्र क्षेत्रलाई एक स्टेप माथि उठाउन लिली विली सफल भएको छ ।’ सफल हुने या असफल, त्यो हेर्न भने चैत्र ३० पर्खिनै पर्छ।

नायिका ऋचा शर्माको चलचित्र ‘सुनकेसरी’ को डरलाग्दो ट्रेलर सार्वजनिक (भिडियो)

नायिका ऋचा शर्माको निर्माण रहेको चलचित्र ‘सुनकेसरी’ को ट्रेलर सार्वजनिक गरिएको छ ।बिहीवार राजधानीमा एक कार्यक्रमका बीच सार्वजनिक हरर फिल्म ‘सुनकेसरी’ ट्रेलर डरलाग्दो बनाइएको छ ।

अर्पण थापा निर्देशन रहेको ‘सुनकेसरी’ ट्रेलर रिलिज कार्यक्रममा अभिनेत्री ऋचाले ‘सुनकेसरी’ लाई स्तरिय हरर फिल्म बनाएको बताइन् । उनी भन्छिन्, ‘अब सेतो साडी लगाएर दर्शक तर्सिदैनन् । हरेक कुरा नेचुरल हुनु पर्छ ।

अष्ट्रेलियन दरबार बुटिक होटलका पहिलो पाहुना र भुतप्रेतबीचको गतिविधीलाई मुख्य कथा बनाइएको छ । सम्पूर्ण छायांकन अष्ट्रेलियामा भएको यो फिल्मको बजेट २ करोड माथि रहेको बताइएको छ ।

चलचित्रमा ऋचाका अलावा भीम न्यौपाने, रबिन्द्र झा, सुनिल पराजुली, तमन्ना शर्मालगायतका कलाकारहरुको अभिनय छ । ऋचाले अष्ट्रेलियामा बस्दै आएका भीम न्यौपानेसँगको सहकार्यमा यो फिल्म निर्माण गरेकी हुन् ।

जेठ ११ गते बाट प्रदर्शन आउने यस चलचित्रमा शर्मिला सापकोटा र धर्मराज अधिकारी सह-निर्माताको रुपमा छन् भने कार्यकारी निर्माताको रुपमा मनोज अधिकारी छन् । चलचित्रमा कालीप्रसाद बाँस्कोटा र विजय अधिकारीको संगीत, रह शर्माको छायांकन र इयान स्कट क्लेमेन्टको सम्पादन छ ।

सर्बत्र तारिफ पाएको चलचित्र ‘पंचायत’ आजबाट देशैभर प्रदर्शन,,

चितवन, २ चैत । शिर्ष राजनीतिक नेताहरुबाट तारिफ पाएको ऐतिहासिक कथा वस्तुमा आधारित चलचित्र ‘पंचायत’ आजदेखि देशभर प्रदर्शनमा आएको छ ।

अमेरिकामा भएको फिल्म फेष्टिबलमा २१७ वटा चलचित्र प्रदर्शन हुँदा उत्कृष्ट अवार्ड र उत्कृष्ट नायिकाको अवार्ड समेत पाउन सफल चलचित्र आजदेखि देशका ६५ भन्दाबढी हलहरुमा प्रदर्शन भैरहेको छ ।

गएको फागुन २५ गते भिआईपी९प्रिमियर० शो हुँदा पुर्वप्रधानमन्त्री प्रचण्ड र झलनाथ खनाल लगायत एमाले, काँग्रेस तथा माओवादीका नेताहरुले चलचित्रलाई खुलेर प्रशंसा गरेका थिए ।

विभिन्न स्थानमा भएको च्यारिटी शोमा समेत कथावस्तुलाई दर्शकहरुले मन पराएको उक्त चलचित्रलाई अब आम दर्शकले कत्तिको मन पराउँछन् प्रतिक्षाको घडी बाँकी छ ।

चलचित्रलाई ‘झोला’पछिको सामाजिक विषय समेटिएको उत्कृष्ट चलचित्रको रुपमा दर्शकहरुले मुल्यंकन गरेका छन् । शिवम अधिकारी लेखक तथा निर्देशन रहेको ऐतिहासिक र समाजिक विषय बोकेर चलचित्र पंचायतमा मुख्य भूमिका सरोज खनाल र नीता ढुंगानाको छ ।

गणेश गिरीको प्रस्तुतिमा निर्माण भएको चलचित्रको कार्यकारी निर्मातामा चलचित्र पत्रकार रवि अधिकारी छन् । शुसान्त श्रेष्ठ र शंकर सुवेदी निर्माता रहेको चलचित्रमा रुपा राना, जाहान्वी बस्तेन, गणेश गिरी, राजुबाबु श्रेष्ठ, विशाल पहारी, गीता अधिकारी र किरण थापाको समेत अभिनय छ ।

चलचित्रले मुख्यगरी २०३१ सालको एउटा गाउँमा भएको न्याय प्रणाली, समाजिक व्यवस्था, छाउपडी प्रथालाई सुन्दर ढंगले प्रस्तुत गरेको छ । चलचित्रले छुवाछुत विरुद्ध पनि ससक्त उठान गरेको छ । त्यो बेलाको व्यवस्था भएपनि अहिलेको अबस्थाको चित्रण समेत रहेकाले चलचित्रलाई दर्शकले मनपराउने आशा गरिएको छ ।

‘मंगलम’ले पायो दर्शकको मायाँ

फागुन २७ । शुक्रबार बाट रिलिज भएको फिल्म ‘मंगलम’ हेर्न यतिबेला दर्शकको भिड लागेको छ ।

पारिवारिक कथामा बनेको फिल्मले शुक्रबार बाटै राम्रो व्यापार सुरु गरेको थियो । शनिबार देशभरका अधिशाँक हलहरु हाउसफुल भए । दर्शकहरुलार्इ चलचित्रले भावुक पनि बनायो ।

सिङ्गल थिएटरमा पकड राख्ने छवि ओझाको फिल्मले यसपटक मल्टिप्लेक्समा समेत कब्जा गरेकोदेखियो । फिल्मको कथा र कलाकारको अभिनयको निकै तारिफ आएको छ । विशेष गरि पुस्प खड्का अर्थात ९दिपक० को अभिनयको हाल निकै चर्चा र तारिफ आइरहेको छ ।
फिल्ममा पुष्प खड्का, शिल्पा पोखरेल, पृथ्वीराज प्रसाई, साम्राज्ञी राज्यलक्ष्मी शाह, मिथिला शर्माको अभिनय छ । फिल्मलाई नवल नेपाल ले निर्देशन गरेको हुन । कार्यकारी निर्माता छबिराज ओझा हुन । गोविन्द फुयालले लेखेको फिल्मलाइ कल्पित घिमिरेले खिचेका छन ।

फिल्ममा निर्माताको रुपमा जितेन्द्र साक्य, सकार ओझा, ओम गुरुङ रहेका छन् फिल्ममा सिल्पा पोखरेलको लगानी छ । दिपक शर्माको संगीत , गोविन्द फुयालको कथा र कविराज गहतराजको नृत्य रहेको छ ।

चलचित्र पंचायतको रेडकार्पेट प्रिमियर : प्रचण्ड–झलनाथ लगायत नेताहरुले गरे तारिफ


नारायण ढुंगाना, काठमाडौ २५ फागुन । आगामी चैत २ गते देशैभर प्रदर्शनमा आउन लागेको ऐतिहासिक विषयवस्तुमा आधारित चलचित्र ‘पंचायत’को आज काठमाडौमा शिर्ष नेताहरुको सहभागितमा रेडकार्पेट ‘प्रिमियर ‘सो’ गरिएको छ ।

पुर्व प्रधानमन्त्री, मन्त्री, विभिन्न दलका नेता, विशिष्ठ कलाकार, पत्रकार, चलचित्रकर्मी लगायत ३०० भन्दा बढीको सहभागितमा शुक्रबार साँझ प्रिमियर सो गरिएको थियो ।

चलचित्र हेरेपछि नेताहरुले उत्कृष्ट फिल्म बनेको भन्दै चलचित्रको कथावस्तु र कलाकारको प्रस्तुतिको भव्य तारिफ गरेका छन् । २०३१ सालमा एउटा गाउँमा भएको न्याय प्रणाली, सामाजिक व्यवस्था तथा सँस्कृतिसँग जोडेर चलचित्र निर्माण गरिएको छ ।

चलचित्र पंचायत हेरेपछि पुर्व प्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल, प्रचण्डले भन्नुभयो, ‘चलचित्रले त्यतीबेलाको सामाजिक साँस्कृतिक चित्रण गर्न सफल भएको छ, कलाकारको प्रस्तुति राम्रो र प्रभावकारी छ ।’उहाँले नाम, कथावस्तु र पात्रको प्रस्तुतिमा अलिकति अन्तरविरोध जस्तो देखिएको प्रतिक्रिया दिनुभयो ।


अर्का पुर्व प्रधानमन्त्री तथा नेकपा(एमाले)का वरिष्ठ नेता झलनाथ खनालले फिल्म यथार्थ, रोचक र मार्मिक भएको उल्लेख गनुयभयो । ‘चलचित्रमा समाजको यथार्थ प्रतिबिम्व छ, विकृति विसंगति जुन ढंगले उजागर गरेको छ, बधाई छ ।’ खनालले भन्नुभयो ।

पुर्व अर्थमन्त्री तथा नेकपा(माओवादी केन्द्र)का नेता वर्षमान पुन, अनन्तले पुरानो इतिहास र समाजलाई हेर्न पाउनु महत्वपूर्ण विषय भएको भन्दै नयाँ पुस्ताले त्यो बेलाको राजनीतिक र सामाजिक परिवर्तन हेर्न पाउनु ठुलो कुरा भएको उल्लेख गर्नुभयो ।

पुर्व उर्जामन्त्री एवं माओवादी केन्द्रका अर्का नेता जनार्दन शर्मा, प्रभाकरले पुरानो भएपनि नेपाली समाजले भोगेको कुरा देखाउन खोजेको भन्दै कलाकारको मेहनतको प्रशंसा गर्नुभयो । उहाँले भन्नुभयो, ‘हृदयविदारक दृष्य प्रस्तुत गरेको छ धेरै राम्रो छ ।’

नेकपा एमालेका युवा नेता योगेश भट्टराईले नेपाली समाज त्यसमाथिपनि ग्रामिणभेगको थुप्रै घटना चलचित्रमा उद्घाटीत भएको प्रतिक्रिया दिनुभयो । चलचित्र ससक्त बनेको उल्लेख गर्नुहुँदै भट्टराईले निर्माण समुहलाई बधाई दिनुभयो ।

नेपाली काँग्रेसका नेता तथा पुर्व संचारमन्त्री मिनेन्द्र रिजालले शक्तिशाली विषयबस्तुमा चलचित्र पंचायत बनेको भन्दै तारिफ गर्नुभयो । चलचित्रमा घटेको घटना अब समाजमा नघटुन् भन्ने सन्देश दिन खोजेको आफुले पाएको रिजालको भनाई थियो ।

चलचित्रको ‘प्रिमियर ‘सो’मा उद्योग मन्त्री मातृकाप्रसाद यादव, पुर्व सभामुख ओनसरी घर्ती मगर, माओवादी केन्द्का नेता नारायण दाहाल, काँग्रेस नेतृ उमा रेग्मी, प्रहरी अधिकारीहरु सर्वेन्द्रनाथ खनाल, रमेश खरेल, छविलाल जोशी, चलचित्र निर्माता नरेन्द्र महर्जन र प्रदिप कुमार उदय, आकास अधिकारी, सोभित बस्नेत जयकिशन बस्नेत लगायत कलाकार र पत्रकारहरुको सहभागिता थियो ।

गणेश गिरी, सुसान्त श्रेष्ठ र शंकर सुवेदीको लगानीमा बनेको चलचित्रको कार्यकारी निर्मातामा रवि अधिकारी हुनुहुन्छ ।

शिवम अधिकारीको लेखन तथा निर्देशन रहेको चलचित्रको मुख्य भूमिकामा रहेका नायक सरोज खनाल र नायिका नीता ढुंगानाले शिर्ष नेताहरुबाट तारिफ पाएकाले सहि चलचित्रमा मेहनत गरेको महसुस भएको प्रतिक्रिया दिए ।

खनाल र ढुंगानासँगै उक्त चलचित्रमा रुपा राना, गीता अधिकारी, गणेश गिरी, विशाल पहारी, किरण थापा, राजुबाबु श्रेष्ठ र रवि अधिकारीको समेत अभिनय छ ।

पंचायतले अमेरिकामा भएको फिल्म फेष्टिवलमा २१७ चलचित्र मध्ये उत्कृष्ट अवार्ड समेत पाईसकेको छ ।

चलचित्र ‘भैरे’को ‘सान्नानीलाई भेट्न आउँदा’ गीत रिलिज

काठमाडौं, अभिनेता दयाहाङ राई अभिनित फिल्म ‘भैरे’ को पहिलो अफिसियल गीत सार्वजनिक भएको छ । शुक्रवार राजधानीमा एक कार्यक्रमका बीच कलाकार र निर्माण टिमको उपस्थितिमा ‘सान्नानीलाई भेट्न आउँदा’ बोलको गीत सार्वजनिक गरियो ।

गीतको भिडियोमा अभिनेता द्वय विक्रान्त बस्नेत, बुद्धि तामाङ र अभिनेत्री वर्षा सिवाकोटीको फिचर छ । बसन्त सापकोटाको शब्द र संगीत रहेको गीतमा यम बराल, बसन्त सापकोटा र मेलिना राईले आवाज भरेका छन् ।

कविराज गहतराजको नृत्य निर्देशन गज्जब छ । उनले गीतमा फरक कन्सेप्ट प्रयोग गरेका छन् । छायाँकार पुरुषोत्तम प्रधानले कलात्मक शैलीमा गीत खिचेका छन् । एभरेष्ट सूर्य बोहराको लेखन र निर्देशन रहेको फिल्मको निर्मातामा प्रेम प्रसाद पौडेल र देवीमाया अधिकारी छन् ।

करुणाकर घिमिरे, सविता गुरुङ र कुमार बस्नेत फिल्मका सह(निर्मातामा छन् । सूर्य थोक्करको द्वन्द्व रहेको फिल्ममा सुरक्षा पन्त, सुनिल थापा, अनुभव रेग्मी, कञ्चन ठकुरी, अंकित पौडेल, सयाहाङ राई, जान्वी बोहरा, जयनन्द लामा, सुरविर पण्डित, अर्जुन गुरुङ लगायतका कलाकारहरुको पनि अभिनय छ । बनिष शाहले फिल्मको सम्पादन सम्हालेका छन् ।
लेख बहादुर पुन कार्यकारी निर्माता रहेको ‘भैरे’ मा बसन्त श्रेष्ठ र रामजी लामिछानेको पनि कोरियोग्राफी रहेको छ । फिल्मको गीतमा अञ्जु पन्त र प्रमोद खरेलले पनि स्वर दिएका छन् ।

नेपालय सिनेमा ईन्टरनेशनलद्वारा निर्मित यो फिल्मको प्रदर्शन मिति वर्ष २०७५ को जेठ १८ गतेलाई तय गरिएको छ ।

गीत हेर्नुहोस् :