Thursday , 19 October 2017
News update
Home >> Article

Article

शिल्पा पोख्रेलको ‘हामी शरणार्थी’भदौ ८मा आउने

यहि भदौ ८ गतेबाट रिलिज हुन लागेको चलचित्र ‘हामी शरणार्थी’को सोमबार राजधानीमा एक भेटघाट कार्यक्रम गरिएको छ ।सत्य घटनामा आधारित चलचित्र ‘हामी शरणार्थी’लाई विजय केरुङले निर्देशन गरेका हुन् ।

कार्यक्रम नायिका शिल्पा पोख्रेलको अनुपस्थिती रहिन ।भुटानबाट लखेटिएर नेपालमा शरण लिएर बसेका शरणार्थीहरुको कथामा यो चलचित्र बनेको उनको भनाई थियो । उनले पूर्वका विभिन्न शिविरमा रहेका शरणार्थीको दुःख र कष्टलाई पर्दामा उतारेको बताए ।

नायिका शिल्पा पोखरेल अर्को एक चलचित्रको छायांकनमा व्यस्त रहेकाले पत्रकार सम्मेलनमा उपस्थित हुन सकिनन् । उनले, आफू यो चलचित्रमा दुई भतिज बोकेर भुटानबाट नेपाल आएकी यूवतीको भूमिकामा देखिएको टेलिफोन कुराकानीमा बताएकी छिन् ।

चलचित्रमा शिल्पा पोखरेलको साथमा जीवन भट्टराइको मुख्य भूमिका छ । चलचित्रमा अर्जुनकुमार पोखरेल, प्रकाश भण्डारी र प्रकाश शिवाकोटीको संयुक्त लगानी रहेको छ ।

चलचित्रमा हिमाल केसीको एक्सन, उत्तमजंग लिम्बुको संगीत, कमल राइको नृत्य, बैजु सिंहको पटकथा तथा संवाद, सौरभ लामाको छायांकन छ ।

रिलिजको नवौं दिन ‘छक्का पञ्जा’ हेर्दा जे भोगियो

ज्ञानेन्द्र तामाङchhakka-panjuaफिल्म ‘छक्का पञ्जा’ रिलिज भएको शनिबार नवौ दिन् । म फिल्मसम्बन्धि खुलेरै चासो राख्ने भए तापनि बजारमा सुपरहिट भइसकेको छक्का पञ्जा हेर्न मौका जुरिरहेको थिएन । शनिबार बिहानै योजना बनाँए । साथीलाई अफर गरेँ : आज फिल्म हेर्न जाऊ ।
दुवैले स्वीकारे । १२ देखि ३ बजेको शो हेर्ने सल्लाह भयो, नारायणगढको इन्द्रदेव सिनेमामा । फिल्मको तडकभडक र पाइरहेको सफलता हेर्दा सहजै टिकट पाइएला जस्तो मलाई लागेन । त्यसैले फोन गरे, इन्द्रदेवका सिनियर स्टाफ हरि दाइलाई । ‘मलाई १२-३ को शोको ३ वटा टिकट चाहियो’ : मैले भने । दाईले ‘माथिको सबै बु भइसक्यो तलको बाँकि होला म राखिदिन्छु’ भन्नुभयो ।
म दंग खाँए, रिलिज भएको ९ दिन भइसक्यो, १२ बजेको शो हेर्न बिहानै फोन गर्दा नि सबै बुक भइसक्यो ?? नेपाली होस या हिन्दी फिल्म हेर्दा मैले भोगेको नयाँ कुरा थियो यो । तैपनि तल नै बसेर हेरौ न भन्ने सोच बनाँए । सबैको सहमति पनि भयो ।
योजना अनुसार पउने १२ तिर हुइकिएँ नारायणगढ, जाने बेलासम्म हामी २ जना भयौ । एक साथी अन्तै ब्यस्त बने, फोन पनि रिसिभ गरेनन् । मसँग महिला साथी थिइन् । उनलाई लिएर लगभग सवा १२ तिर ‘छक्का पञ्जा’ चलिरहेको इन्द्रदेव पुगेँ । बाहिर मानिस यति भीड थियो कि, अगाडि बढ्नै समस्या । काउन्टरमा पुग्न मुस्किल देखिपछि हरिदाईलाई फोन लगाँए । ‘दाइ मैले भनेको टिकट ?’ दाईले २ वटा टिकट राखिसक्नुभएको रहेछ । मैले हामी २ जनामात्रै भएका छौ भन्ने जानकारी दिइसकेको थिएँ ।
मलाई एकछिन हल परिसरमै हेर्न मन लाग्यो । त्यहाँ भीड लागेका सबै टिकट नपाएर बसेका रहेछन् । काउन्टरमा लाइन लाग्नेहरु ३ बजेको शो का लागि टिकट लिइरहेका रहेछन । १२ को शो मा टिकट नपाएका हरु अधिकांश रुष्ट देखिन्थे हलका कर्मचारीहरुसँग । कतिपय युवाहरु त अश्लील बोल्दै तथानाम गाली गर्दै मुख चलाइरहेका देखिए । हल्ला उस्तै, दर्शकहरुमा कौतुहलता उस्तै अनि टिकट नपाएकोमा आक्रोश पनि उस्तै ।
अहो, यस्तो दिन पनि आउदो रहेछ नेपाली फिल्मका लागि मनमनै सोंचे । अचानक पछाडिबाट कसैले धाम मारे । फर्कदा चिनेकै साथी परेछ । ‘लौन टिकट मिलाईदिनुपर्यो । उनले भीडमा चर्कदै भने ।’ म हास्नबाहेक अरु के गर्न सक्थे र । ‘मलाई त बल्ल तल्ल पाँए । अब तपाईलाई कसरी…….’ मेरो कुरा रोक्दै उनले भने : ‘तपाई पत्रकार होइ्न त्यति पनि सक्दैन साथीहरुको लागि ? फिल्म पत्रकार भएपछि त हल्का चल्नुपर्यो नि यार हलतिर नि ।’
भीड थियो, बोल्नुको औचित्य देखिन, हास्दै छड्किए । यो भीडमा आधा दर्जन त्यस्तौ परिचित भेटिए जसले पत्रकारले टिकट मिलाईदिनुपर्छ भन्दै धाप मारे । तर मैले त्यस्तो गर्न कसरी सक्थे, आफ्नो ब्यथा कसलाई थाहा ? आफै त कसैलाई बिहानैदेखि गुहारेर टिकट बुक गरेको छु ।
सयौ बाहिरै थिए, हामी भित्रै प्रवेश गर्यौ । फिल्म सुरु भयो, सबै हास्न थाले, मलाई फिल्मकै संवाद र दृश्यले हास्न बाध्य बनाएन जति हलको बाताबरणले हास्न बाध्य बनाउथ्यो । सबै हासिराकै छन आफु चै किन चुप भन्दै म पनि हासिदिएँ बेलाबेलामा । कतिखेर चै फिल्मको दृश्यले हासो फुटेको पत्तो पाइएन पनि ।
फिल्म सकियो, सबै प्रफुल्लित । आहा, फिल्म हेरेपछि दर्शकको मुहारमा हर्ष सायद पहिलोपटक देखे । केहिलाई सोधे फिल्म कस्तो लाग्यो ? साझा अनि रेडिमेड जवाफ  : ‘बब्बाल, राम्रो, दामी, वाह, वाह, यस्तो हुनुपर्छ नेपाली फिल्म ।’
अनि मैले पनि मनमनै भने हो साच्चै यस्तो हुनुपर्छ नेपाली फिल्म । दिपकराज गिरि, दिपाश्री निरौला लाई स्यालुट गरे मनमनै । फिल्मका सबै पात्रहरु परिचित थिए । सबैलाई दाहोर्याउदै सम्झिए । कति वजनदार अभिनय, कति सुन्दर प्रस्तुति अनि कति लोभ्याउने दृश्यहरु ।
यस्तै सोच्दै हलबाहिर निस्किए । भीड उस्तै ३ बजेको शोको टिकट २ घण्टा अघि नै सकियो रे । फेरी पहिलेकै अवस्था टिकट छैन, केहि चिनेकाले सताउन थाले । हतार हतार निस्किएँ गन्तव्यका लागि । फिल्म हेरेर निस्किदा पनि युद्ध जितेको अनुभव । हैट ।।
भीड थियो । निस्कने बेला टिकट मिलाउने हरि दाईलाई भेट्न पाइएन । भीडले धकेल्दै मलाई बाहिर पुर्याइसकेको थियो । हल सञ्चालक मुक्ति दाईलाई पनि हल प्रवेश गर्ने बेला हात मिलाउन बाहेक पछि देख्न पाइएन । सबैलाई मनमनै धन्यवाद दिदै, फर्किएँ । वाह क्या फिल्म छ छक्का पञ्जा

गोपिकृष्ण हलको दादागिरी कहिले सम्म ? दर्शकको माग अनुसार हल नदिदा ‘गाजलु’ निकालियो

आज बाट प्रदर्शनमा आएको यस बर्षको चर्चित चलचित्र ‘गाजलु’ राजधानीको चावहिलस्थित गोपिकृष्ण हल बाट पहिलो दिनको बिहानी सो बाट नै उतारिएको छ।चलचित्र उतार्नुको कारण चलचित्र न चलेर भने हैन चलचित्र हेर्ने दर्शकको माग अनुसार हाल न दिदा उक्त हललाई अरु सोको लागि चलचित्र न दिएको निर्माता निर्माता रोहित अधिकारीले दिएको जानकारी दिनु भयो ।

gopi halचलचित्र ‘गाजलु’ लाई कृष्ण र ओम हल दिइएको थियो तर दर्शक भने ति हलमा न अट्ने भए पछि निर्माण युनिटले ठुलो हल गोपिमा चलचित्र चलाउन अनुरोध गर्दा सो हल न दिएर सयौ दर्शक फर्किएका थिए ।बिहानी शोमा गोपिकृष्ण हलमा चलचित्र कृष्ण र ओममा हाउफूल थियो तर दर्शक र्फकदा पनि ठूलो हल दिइएको थिएन ।गोपि हलमा ‘हाउसफूल ३’ लगाइएको छ र गाजलु युनिटले आफ्नो हलमा चलाउन अनुरोध गर्दा सो हल नदिनुको मुख्य कारण हाउसफूल ३’लाई गोपिकृष्ण मूभिजले आफै किनेर ल्याएको हो । गोपिकृष्णले आफूले किनेर ल्याएको ‘हाउसफूल ३’लाई दोश्रो हप्तामा पनि ठूलो हलबाट नहटाउने शैली अपनाएपछि निर्माता अधिकारीले यो डिसिजन गर्नुपरेको बताए ।निर्माता अधिकारीले ११ बजेको शोबाट ‘गाजलु’ नचलाउने निर्णय गरिएको बताए । उनले दर्शकलाई गोपिकृष्ण बाहेक अन्य पायक पर्ने हलमा गएर चलचित्र हेर्न आग्रह गरे ।

09062016083752Gajalu-1000x0यो त् भए चलचित्र गाजलुले गोपिकृष्णमा फिल्म न दिनुको कारण तर यस्तो लफडा भने गोपिकृष्ण यो भने पहिलो हैन ।केहि समय अघि चलचित्र कबड्डी चलाउदा पनि हलले यस्तै व्यवहार गरेकोले कबड्डी सो हलमा आफ्नो फिल्म नै हालेको थिएन।आफूले किनेर ल्याएको हिन्दि फिल्म हालेर पैसा कमाउन पल्किएको यस हलले अरुको चलचित्र कसरि हुन्छ न चलोश भन्नको लागि खाली रहेको हल समेत हाउसफूल भन्दै अरु नै फिल्मको टीकट दिने गरेको गुनाशो पटक पटक आउने गरेको छ ।
यस्तै कुरा हुने सम्भावना देखे पछि बिकाश आचार्यले पनि नाई न भन्नु ल ३ गोपिकृष्ण हलमा चलाएका थिएन् ।तेही बेला रिलिज भएको हबल्दार सुन्तली फिल्म टिवीमा प्रोमो बजाए बापत सबै पैसा आफुले पाउने हुदा नाई न भन्नु ल ३ सानो हल दिने हुदा तेती बेला पनि सो हलमा नाई न भन्नु ल ३ दिएको थिएन ।
नेपाल भित्रिने धेरै जसो हिन्दि चलचित्र गोपिकृष्णले नै नेपालको किनेर ल्याएको हुन्छ जसले गर्दा उसले सो फिल्म चलाउन अरु नेपाली चलचित्रलाई राम्रो हल न दिने अनि नेपाली फिल्मको टिकट माग्दा सो फिल्म हाउसफूल भएको भन्दै आफुले वितरण गरेको फिल्मको टिकट दिने गरेको नेपाली फिल्मका निर्माताले बताउदै आएका छन् ।गोपिकृष्णले नै संचालन गरेको टिवी फिल्मी बाट नेपाली चलचित्रको प्रोमो बजाए बापत लाखौ रुपिया लिने अनि जब नेपाली फिल्म चलाउने बेला आयो आफुलाई फिक्समा दिन बाध्य बनाउने अनि निर्माताले न मान्ने सानो हलमा फिल्म हालेर निर्माता मर्ने गरेको छ ।
यस अघि यस हलले नेपाली फिल्मका निर्मातालाई विभिन्न बहानामा मर्ने गरेको आज गाजलुले भने बरु हलमा चलचित्र न दिने यिनीहरु न झुक्ने निर्णय गरेको छ धेरै चलचित्रकर्मीले यो निर्णयलाई राम्रो भनेका छन् ।हिन्दि फिल्म नेपाल भित्राएर नेपाली फिल्मलाई सधै पेल्ने यस्ता हल बिरुद्द सबै चलचित्रकर्मी एक भएर लाग्ने हो भने भोलिका दिनमा यस हललाई नेपाली फिल्मलाई हेप्न सक्ने छैन ।

बहुप्रतिक्षित चलचित्रको रुपमा हेरिएको चलचित्र ‘गाजलु’ लाई हेमराज वीसीले चलचित्र ‘गाजलु’निर्देशन गरेका हुन् ।चलचित्रमा अहिलेका स्टार नायक अनमोल केसी पूर्व मिस नेपाल श्रृष्टी श्रेष्ठ, सलोन बस्नेत, गौरव पहारी, मेनका प्रधान र ऋतिक शाही लगायतको कलाकारको मुख्य भूमिका रहेको छ ।

रेखा थापा लगायत अन्य ६ जना फिल्मकर्मीहरुलाई सरकारले सम्मान गर्ने

गणतन्त्र दिवसको अबसर पारेर सरकारले ६ जना फिल्मकर्मीहरुलाई सरकारी मानपदवी दिएर सम्मान गर्ने घोषणा गरेको छ । राष्ट्रपति विद्यादेवी भण्डारीबाट प्रबल जनसेवाश्री मानपदवी पाउँनेमा हिरोइन रेखा थापा,सिताराम कट्टेल ( धुर्मुस) , उनको श्रीमती कुञ्जना घिमिरे (सुन्तली ) , हास्य कलाकार वील्सन विक्रम राई र निर्देशक दयाराम दाहालको नाम छ । यस्तै सुप्रवल जनसेवा श्री तर्फ कुशल गीतकारको परिचय बनाएकी प्राज्ञ उन्नती बोहरा शिलाको नाम छ ।
rekha thapa
बिगत लामो समय देखिए नेपाली चलचित्रमा एक छत्र राज गरेकी नायिका रेखा थापाले पचीलो केहि समय देखि सामाजिक काममा पनि आफ्नो सहभागिता उतिनै बढाएकि छिन् । रेखा थापा फाउण्डेशन स्थापना गरेर रेखाले राउटे समुदाय,चेपांग अनि भूकम्प प्रभावित लगायत अन्यलाई निरन्तर सहयोग गरि रहेकी छिन् ।
dhurmus suntali
पछिल्लो केहि बर्ष हाँस्य व्याङ्ग्य टेलिश्रृङ्खला ‘मेरी बास्सै’ बाट दर्शकको मन जितेका ‘धुर्मुस र सुन्तली’को जोडी भूकम्प प्रभावितको बस्ती पुर्ननिर्माण गर्ने कार्यमा सक्रिय छ ।भुकम्पबाट प्रभावितहरुका लागि पहिलो नमुना बस्ती निर्माण गरेर पुन: दोस्रो बस्ती निर्माणमा लागेका ‘धुर्मुस र सुन्तली’ले पचीलो समय हाँस्य व्याङ्ग्य भन्दा पनि सामाजिक कामले अझै चर्चामा रहेका छन् ।
dayaram dahal
लामो समय देखि नेपाली चलचित्र क्षेत्रमा निर्देशकको रुपमा काम गरेका दयाराम दाहालले पनि यस पाली राष्ट्रपति विद्यादेवी भण्डारीबाट प्रबल जनसेवाश्री मानपदवी पाउने भएका छन् । थुप्रै व्यापारिक हिट फिल्म दिएका दाहाल कुनै बेलाको हिट निर्देशकको रुपमा आफुलाई चलचित्र नगरीमा उभाएका थिए ।
wilasan bikram rai
हाँस्य कलाकार विल्सन विक्रम राई जसले छोटो समयमा नै आफुलाई चिनाउन सफल भए ।पछिल्लो समय राईलाई देश तथा विदेशका कार्यक्रमहरुमा उनको व्यापक माग हुने गर्दछ । वील्सन विक्रम राई समाज सेवामा खुलेर नदेखिए पनि प्रखर अभिनय क्षमताका कारण यो पदवी पाउँन लायक ठहर भएका हुन ।उनले निभाएको ‘तक्मे बुढा’ भूमिका दर्शकमाझ हिट छ ।
unnati bohara
यस्तै गीतकार उन्नती बोहरा शिलाको योगदानको खाता पल्टाएर हेर्ने हो भने उनले पनि नेपाली सांगितिक आकाशलाई धेरै राम्रा गीतहरु रचना गरेर दिएकी छिन् । उनको यसै काम लाई कदर गर्दै राष्ट्रपति विद्यादेवी भण्डारीबाट सुप्रवल जनसेवा श्री पाउने भएकी छिन् ।

रंगपत्रकार ज्ञानेन्द्र तामाङ पनि अभिनयमा

Gyanendraरंग पत्रकारहरु अभिनयमा आउनु नौलो कुरा होइन । तर कोहि अभिनयमा जम्ने लक्ष्यका साथ आउछन त कोहि रहर पुरा गर्छन । यसरी अभिनयमा नै स्थापित हुने लक्ष्य बोकेका छन ज्ञानेन्द्र तामाङले । ५ बर्षयता मोफसलबाट रंग पत्रकारितामा क्रियाशिल उनले हालै एक म्युजिक भिडियोमा अभिनय गरेका छन ।
गायक दिपेन्द्र लामाको एक गीतमा अभिनय गर्दै उनले म्युजिक भिडियोमा डेब्यु गरेका हुन । मोडलिङ र अभिनयमा पहिलो अनुभव निकै रमाइलो र उत्साहजनक रहेको उनको भनाई छ । लामो समयदेखि रंग पत्रकारितामै रहेको र कला क्षेत्रसँग नजिक भइरहने भएकाले भिडियो र अभिनय आफुलाई खासै नौलो नभएको पनि उनले बताए । Gyanendra & Dipendraत्यसो त उनलाई यसअघि नै अभिनय अफरहरु नआएको हैन । तर आफु पर्फेक्ट छु भन्ने नलागेकाले उनले काम गरेनन् । अहिले गीतको कन्टेन्ट मन परेको र भिडियोमा न्याय गर्न सक्छु भन्ने लागेर अभिनय गरेको उनको भनाई छ ।
ज्ञानेन्द्रको अभिनय र काम गर्ने शैलीबाट भिडियोका निर्देशकद्धय रमेश बस्नेत र प्रबिन्द काफ्ले प्रभावित भए । कुनै प्रोफेशन कलाकारसँगै काम गरिरहेको अनुभव भएको एक निर्देशक प्रविन्द भन्छन । ज्ञानेन्द्र निकट भविष्यमै अभिनयमा स्थापित हुनेमा दुइ मत नभएको अर्का निर्देशक रमेश बताउछन । उनमा भएको गुण, क्षमता, मिहेनत र अनुशासनले नै यो क्षेत्रमा स्थापित गराउने दुवै निर्देशकको भनाई छ । Gyanendra1गायक दिपेन्द्र लामाको स्वर तथा संगीत रहेको ‘मुटु छिया छिया’ बोलको गीत शुक्रबार धार्मिक स्थल देवघाट आसपासका विभिन्न रमणिय स्थानहरुमा खिचिएको हो । भिडियोमा ज्ञानेन्द्रसँगै मन्जिता श्रेष्ठ, शिशिर केसी र अनुज मरहट्टाको अभिनय छ । भिडियोलाई निर्देशकद्धय रमेश बस्नेत र प्रबिन्द काफ्लेले नै छयांकन गरेका हुन । भिडियो सम्पादन रमेशले गर्नेछन । केहि दिनमा नै भिडियो सार्वजनिक हुनेछ । Prabind

बर्ष २०७२ : भुकम्प र नाकाबन्दीको मारमा नेपाली फिल्म (समिक्षा)

शुसन घिमिरे,चैत्र २०
sushanयस बर्ष बिनाशकारी भुकम्प सँगै नाकाबन्दी का कारण नेपालका हरेक क्षेत्रहरु नराम्रो सँग प्रभाबित भए । अन्य क्षेत्रहरु जस्तै देशले अझै उद्योग मान्न नसकिरहेको फिल्म क्षेत्र पनि त्यति नै प्रभाबित बन्यो । धेरै फिल्महरुले रिलिज मिति हेरफेर गरे भने एकै मितिमा ४ भन्दा बढि सम्म रिलिज भए । बर्षमा करिब ४० फिल्म आवश्यक हुने नेपालमा बार्षिक औसत १२० भन्दा माथि प्रर्दशन हुनु नै दुर्भाग्य हो ,तर यस बर्ष भुकम्प र नाकाबन्दीका कारण मात्र ६७ बटा फिल्म रिलिज भएका छन् ।
बर्षको सुरुवातमा २०७१ चैत्र २६ गते देखि प्रर्दशन भैरहेका दुई फिल्म हबल्दार सुन्तली र नाई नभन्नु ल ३ ले उत्कृष्ट सुरुवात गरेको यस बर्षको सफल व्यवसायिक यात्रा बैशाख दोस्रो सातमै रोकिन पुग्यो । हलमा यि दुई फिल्मले व्यापारलाई माध्यम बनाई रहँदा बैशाख ११ गते देखि अर्को प्रतिक्षित चलचित्र रेशम फिलिलि हलमा आईपुग्यो पहिलो दिन आक्रमक व्यापार सुरुवात सँगै धेरैले यस बर्ष फिल्म उद्योग फष्टाउने र सफल बन्ने अनुमान लगाए । तर सबैको अनुमान बिपरितको दोस्रो दिन अर्थात् बैशाख १२ गते आएको बिनाशकारी भुकम्प सँगै नेपालले ठूलो सँकटको सामना गर्नु पर्यो त्यस सँगै नेपालि फिल्म उद्योगको पनि सँकटका दिन सुरु भए ।
भुकम्प पछिका ४ महिना कुनै पनि फिल्महरु मा हलमा गएनन् र जान सक्ने स्थिती पनि थिएन । यो ४ महिना शुन्य बनेको फिल्म क्षेत्र २०७२ भदौ महिना सँगै फेरि जुर्मुरायो । होस्टल रिर्टन्स को व्यावसायिक सफलता सँगै अगाडि बढेको फिल्म उद्योगमा त्यसपछि रिलिज भएका एकाध फिल्म फल्प भएपनि असोजमा बडा नँ ६ को आक्रमक व्यापारले माथि उठ्न मात्रै के लागेको थियो ,सँबिद्यान जारी भए सँगै देशले अर्को सँकट नाकाबन्दीको सामना गर्नुपर्यो जसबाट फिल्म क्षेत्र अछुतो रहन सकेन । तथापि दशैको अबसरमा रिलजि भएको परदेशि ले आक्रमक व्यापार गर्दै करिब ४ करोड कलेक्सन गर्यो तर अन्य फिल्महरु सुपर फल्प बने । यस बर्ष दशैको अबसरमा ४ फिल्म रिलिज भएका थिए । मुख्य चाडपर्ब समाप्ती सगै फिल्म बिजनेस कमजोर बन्दै गर्दा मँसिरमा कबड्डि कबड्डिको सानदार व्यापारले केहि राहत पायो । करिब दुई महिनाको प्रतिक्षा पछि फेरि माघ २९ गते देखि रिलिज भएको प्रेमगितले आक्रमक व्यापार गर्दै यस बर्षको सुपरहिट फिल्मको रुपमा प्रमाणित गर्यो । कथा बस्तु , गित सँगित सँगै प्रस्तुति दमदार रहेको फिल्म बाट उदाएका प्रदिप खड्का लाई राईजिङ स्टारको रुपमा चित्रित गर्न थालिएको छ । फिल्मले करिब साढे ४ करोड माथि व्यापार गरेको छ ।
prem geet postar प्रेमगितले करिब एक महिना सम्म हलमा व्यापार गरि रहँदा फाल्गुन २१ गते देखि अर्का स्टार अनमोल केसि अभिनित ड्रिम्स हलमा आईपुग्यो । अघिल्ला दुई फिल्म सुपरहिट दिएका अनमोलको लुक्स क्रेज, नयाँ अनुहार सम्राज्ञी राज्य लक्ष्मी शाहको प्रस्तुति सँगै उत्कृष्ट सिनम्याटोग्राफि ड्रिम्स चल्नुका मुख्य कारण हुन् ।
फाल्गुन २१ पछि अबको आशा भनेको चैत्र २६ गते हो ,यो मितिमा दुई प्रतिक्षित फिल्म रामप्यारी र नाई नभन्नु ४ रिलिज हुदैछन् । नाई नभन्नु ल का अघिल्ला ३ सिक्वेल सफल छन् यस कारण पनि नाई नभन्नु ४ लाई प्रतिक्षित फिल्मको रुपमा हेरिएको छ तथापि अघिल्ला सिक्वेलको तुलनामा यसपाली चर्चा निकै कम सँगै गित सँगित कमजोर देखिएको छ । यस फिल्म लाई बिकास आचार्यले निर्देशन गरेका हुन् ।
यहि मितिमा रिलिज हुने राम प्यारी लाई रेखा थापाले निर्माण गरेकि हुन् भने फिल्ममा रेखा नै मुख्य भुमिकामा रहेकि छन् । रेखाले यसअघि निर्माण गरेका सबै फिल्म हिट भएका छन् सँगै साँगितिकर कथा का हिसाबमा पनि त्यतिकै बलिया र सफल छन् । सबिर श्रेष्ठ यसका निर्देशक हुन् । यि दुई फिल्मले राम्रो व्यापार गर्न सके यस बर्षको सुखद अन्त्य हुनेछ ।
यसबर्ष सम्रगमा नेपाली फिल्ममा करिब ३३ करोड ५० लाख रुपैयाँ लगानि भएको छ , जस मध्य करिब २५ प्रतिशत मात्रै लगानि रिकभर भएको छ ।
फिल्म हलमा लगाएर व्याबसायिक बनेर चल्नु मात्रै हैन राम्रो बन्नु अबको आबश्यकता हो । जब सम्म फिल्म चल्नका लागि मात्रै बनाईन्छ र कथा सँरचनामा परिर्बतन गर्दै साहित्यलाई ग्रहण गर्ने बिकास क्रमलाई पछ्याउन सकिदैन तब सम्म नेपाली फिल्म स्तरिय बन्ने अपेक्षा गर्न सकिदैन । फिल्म र साहित्य परिपुरक हुन् , साहित्य माथि टेकेर कथा लेखन गर्न नसक्नु अर्को कमजोरी हो । फिल्ममा पात्र बलियो बन्न नपाउँदै क्लामेक्समा पुग्छ , पात्र कमजोर बनेको फिल्मको क्लाईमेक्स बाट आशा गर्न सकिदैन । मुख्य पात्र को हो र कसले कथा डोर्याउँदै छ भन्ने प्रष्ट नहुँदै फिल्म सकिए सँगै थुप्रै निर्माताहरुको खल्ती रित्तो बनेका छन् । करिब २ घण्टा सम्म दर्शक लाई हलमा बाधेर राख्नु सक्नु पक्कै पनि चानेचुने कुरा हैन , यो बर्ष रिलिज भएका एकाध फिल्महरुले मात्रै दर्शकहरुलाई पर्दाबाट नजर हटाउन दिएनन् ।
यसबर्ष रिलिज भएका प्राय फिल्महरुमा स्टारकास्ट छन् , गित सँगित पनि त्यति नै मजबुत छन् तर पनि फिल्म फल्प भए , आखिर फिल्म के मा कमजोर बन्यो त रु यो प्रश्नको बिषय हो । यो बर्ष राजेश हमाल , आर्यन सिग्देल , सौगात मल्ल , दयाहाङ राई , केकि अधिकारी , प्रियँका कार्की लगाएत स्टारहरु भरिपुर्ण फिल्महरुले पनि पोष्टरमा टास्ने गमको पैसा समेत उठाउन सकेनन् ।
नेपाली फिल्ममा अर्को समस्या भनेको भिजुअल ल्याङ्ग्वेज हो , फिल्म फिल्म जस्तो नभईकन रेडियो मा बजाईने ड्रामा जस्ता बन्ने गरेका छन् जसलाई रेडियो मा बजाउने हो भने पनि हिट हुन्छन् । हलमा पुगेका दर्शकहरु लाई फिल्मको कथा बुझ्नको लागी पर्दामा आँखा लगाई रहनु पर्दैन ।
यिनै कमजोरीहरु लाई सुधार गर्दै फिल्म बितरण लागि मात्रै बनाउने बिकृति लाई अब पनि हामिले छोड्नै पर्दछ । अन्यथा अझै एक दशक नेपाली दर्शकहरुले स्तरिय फिल्म हेर्न पाउँदैनन् ।

लेखक चलचित्र पत्रकार संघ कास्कीका सचिब हुन् ।

२०७२ को अन्तिम ठुलो भिडन्त ‘राम प्यारी’ र ‘नाई नभन्नु ल ४’,यस बर्ष औलामा गन्न सकिने फिल्म मात्रै फाइदामा

२०७२ सालमा देशमा आएको ठुलो भुकम्प र भारतले गरेको नाकाबन्दीले नेपाली चलचित्र उद्दोगलाई ठुलै नोक्सानी गरेको छ ।नेपालीले चलचित्र राम्रै चल्न थालेको अबस्थामा भुकम्पले देश सगै चलचित्र नगरीमा पनि ठुलै नोक्सानी भयो ।नाई नभन्नु ल ३ र हवल्दार सुन्तलीले राम्रै ब्यबसाय गर्दा गर्दै भुकम्प पछि बिग्रिएको चलचित्र उद्धोगमा भुकम्प पछि दर्शक हलमा जनै डराएका थिए ।
ward number6बिस्तारै भुकम्पको डर हराउदै गए पछि भाद्र बाट मात्रै चलचित्र पुन राम्रो सग लग्न थाले ।हेस्टेल रिटन्स र वडा नम्बर छ चलचित्रले उत्कृस्ट ब्यबसाय गरेको मात्रै के थियो फेरी भारतले लगाएको नाकाबन्दीले चलचित्रलाई असर गर्न थलो ।दशैंमा प्रदर्शनमा आएको परदेशीले सानदार ब्यबसाय गर्न सफल भयो भने अन्य चलचित्र नराम्रो सग फ्लप हुन पुगे ।
KabaddiKabaddi-600x0फेरी चलचित्र सोचे जस्तो चल्न सकेन् मंसिरमा कबड्डी कबड्डीको सुपर हिट प्रदर्शन पछि फेरी चलचित्र चल्न छोडेका थिए ।माघ २९ गते प्रदर्शनमा आएको प्रेम गीत र फागुन २१ गते रिलिज भएको ड्रिम्सले पुन नेपाली फिल्म हेर्ने दर्शकलाई हल सम्म तान्न सफल भयो ।यो बर्ष पनि हातको औलामा गन्न सकिने चलचित्रले मात्रै आफ्नो लगानी उठाएर फाइदा कमाउन सफल भए भने धेरै जसो चलचित्रले आफ्नो पोस्टरको पैसा समेत उठाउन सकेन् ।
chitra 26 namaste filmyअब यो बर्षको दुई बहुप्रतिक्षित चलचित्र ‘राम प्यारी’ र ‘नाई नभन्नु ल ४’को एक साथ ठुलै भिडन्त हुदैछ ।यो बर्ष सम्भावना बोकेका यी दुई चलचित्र नया बर्षको अबसरमा यहि चैत्र २६ गते बाट प्रदर्शनमा आउदै छ ।नेपाली चलचित्र क्षेत्रको स्टार नायिका रेखा थापाको ‘राम प्यारी’ र हिट फिल्मको सिक्वेल ‘नाई नभन्नु ल ४’को यस भिडन्तले अहिले चलचित्र नगरी तातेको छ।
rekha rampiyariआफुले निर्माण गरेको सबै चलचित्र ब्यब्साहिक रुपमा सफल भएकी रेखाको ‘राम प्यारी’र बिकाश आचार्यको सफल चलचित्र नाई नभन्नु ल को सिक्वेल ‘नाई नभन्नु ल ४’दुवै चलचित्रले राम्रो व्यसाय गर्ने लगभग पक्का जस्तै हुदा पनि कुन चलचित्रको कमाई माथि हुन्छ यो भने सबैको चर्चाको बिषय रहेको छ ।यस पाली नया बर्ष सगै चैते दशैँ लगायतको सार्वजनिक बिदा धेरै परेकोले यी दुवै चलचित्रले आफ्नो लगानी सजिलै उठाउने देखिन्छ ।तर दुई चलचित्र सगै भिडन्त हुने भए पछि कसको चलचित्र बढी सफल हेन भन्ने कुरा आउछ यसको लागि भने अब केहि दिन कुर्ने पर्ने देखिन्छ ।
nai n bhannu la 4चलचित्र ‘रामप्यारी’मा रेखा ट्याम्पु चालक महिला बनेकी छिन् भने चलचित्रमा उनि दोहोरो भूमिका देखिदै छैन ।चलचित्रमा सविन श्रेष्ठ, आभाष अधिकारी, आश्मा डीसी पनि मुख्य भूमिकामा रहेका छन् । चलचित्र लाइ सबिर श्रेष्ठले निर्देशन गरेका हुन् । चलचित्र ‘नाई नभन्नु ल ४’मा अनुभव रेग्मी,प्रियंका कार्की,पल शाह, बर्षा राउत,आचल शर्मा सरोज खनाल , मरिचमान श्रेष्ठ,शिशिर भण्डारी,पुष्प आचार्य लगायतको अभिनय रहने छ । चलचित्रलाई विकास आचार्यले ,लेखन निर्देशन तथा निर्माण गरेका हुन् ।

केकी-सबिनको बिहेमा जन्ती बन्दा……….!!

Keki Sabin3ज्ञानेन्द्र तामाङ 

सायद लेख्न ढिला गरें होला । यसै साताको बुधबार फिल्म उद्योगका चलेका दुई अनुहारहरु केकी अधिकारी र सबिन श्रेष्ठ नारायणगढको ब्यस्त सडकमा उत्रिए । केकी दुलहि पहिरनमा निकै चञ्चले देखिन्थिन । सबिन उनलाई भगाउने तयारीमा थिए । संयोग थियो चैत्र ५ गतेबाट रिलिजको तयारीमा रहेको फिल्म ‘भाग सानी भाग’ को स्ट्रिट पब्लिसिटी ।
फिल्म युनिटले दर्शकसँगको प्रत्यक्ष भलाकुसारी भने पनि मैले चाँहि स्ट्रिट पब्लिसिटी नै भन्न रुचाँए । ठुला ब्राण्डेड मदिरा तथा अन्य स्थापित इलेक्ट्रोनिक्स कम्पनीले यसरी नै आफ्नो उत्पादनको प्रचार गरेको मैले यसअघि देखिसकेको थिएँ । फिल्मको प्रचार यसरी गरिएको भने पहिलो पटक नै देखेको हँु । बजारको शहिदचोकमा चितवनका रंगपत्रकारहरुको एक हूल करिब १ घण्टादेखि यताउता रुमल्लिरहेका थिए । तीमध्य म स्वयम पनि एक थिएँ । फिल्म युनिटले अपरान्ह ३ बजेको समय दिए पनि आउन ढिला गरेपछि पत्रकारलाई पर्खनुको बिकल्प थिएन ।
निर्माता चेतन सापकोटा, निर्देशक नवल नेपाल तथा निर्माता सहदेव गौतम केहि ढिला गरेरै भए पनि आइपुगे तर पत्रकारले प्रतिक्षा गरिरहेको फिल्मका मुख्य पात्रद्धय सबिन श्रेष्ठ र केकी अधिकारी आउन निकै ढिला गरे ।
पत्रकारहरुको सानो झुन्ड र चर्को गरि ‘भाग सानी भाग’ को टाइटल गीत घन्किएपछि वरपरका ब्यवसायी र सर्वसाधारणले केहि चासो दिन थाले । बिस्तारै फिल्मको हिरो हिरोइन आउदैछ भन्ने हल्ला सबैतिर फैलिसकेको थियो । त्यसैले बजारमा भीड जम्मा हुन समय लागेन । ड्युटीका प्रहरीले सिटी बजाउदै सडक ब्यवस्थापन गरिरहे । Keki Sabin2अन्तत सबिन र केकी आइपुगे । केकी दुलहि पहिरनमा सजिएकी थिइन । सबिन कालो टिसर्ट र जिन्समा सुगठित शरिर प्रदर्शन गर्दै थिए । रंगिचंगी सजाइएको रिक्सामा केकीलाई बसाइयो , सबिन उनको छेऊमा । फिल्मको नामअनुसार केकीलाई सबिनले भगाउने तयारी गरिएको थियो । शहिद चोकबाट पुलचोकतर्फ रिक्सा अगाडि बढाइयो । केकी प्रेमीसँग भाग्न पाएको दुलहि थिइन, र खुशी थिइन । सबिन पनि खुशी नै देखिन्थे । रिक्साको अघिपछि सयौ सर्वसाधारणको भीड, रंगपत्रकारहरु अधिकांश रिक्साभन्दा अघिल्लो तिर हिडिरहेका ।
म साथी बादलसँगै अघि बढ्दै थिए । होहल्लाका बीच उनले साउती गरे- ‘हामी त हिरो हिरोइनको जन्ती हौ, सबिन र केकी दुलाह दुलहि ।’

मैले यतातिर सोचेकै थिइनँ । थुप्रै फिल्मको प्रमोसनल कार्यक्रममा पुग्ने गरेको मलाई यो पनि सामन्य प्रमोसन नै भन्ने लागिरहेको थियो ।
तर बादलको बातले मलाई रोचक अनुभव गरायो । साच्चै सजिएको रिक्सामा चढेर हात हल्लाउदै गरेका सबिन र केकी दुलाह दुलहि अनि अघिपछिका सयौ मानिस सबै जन्ती, म पनि सबिन र केकीको बिहेको जन्ती बनेछु ।
ख्यालख्यालमै भए पनि चलेको सेलेब्रेटीको जन्ती बन्दा रमाइलो लाग्यो । सायद त्यसबेला त्यहाँ उपस्थित सयौ दर्शकले मैलेजस्तै अनुभव गरे होलान् ।Keki Sabinशहिदचोकबाट पुलचोकसम्म पुगेर फिल्म युनिटले पत्रकार सम्मेलन गरेका थिए । सम्मेलनमा निर्माता चेतन सापकोटा र निर्देशक नवल नेपालले फिल्म नारायणगढकै युवकको कथा भएको र राम्रो बनेकोले एकपटक हेरिदिन आग्रह गरे । केकी र सबिनले पनि फिल्ममा सक्दो मेहनत गरेकाले हेरेर प्रतिक्रिया दिन आग्रह गरे ।

नारायणगढबाट

प्रेम गीत सुपर हिट ,चर्चामा निर्देशक सुदर्शन थापा

‘मेरो एउटा साथी छ’ जस्तो सुपर हिट चलचित्र निर्देशन गरेर चर्चामा आएका निर्देशक सुदर्शन थापालाई अहिले प्रदर्शन भैरहेको सुपर हिट चलचित्र प्रेम गीतले चर्चाको शिखरमा पुराएको छ।आफ्नो पहिलो चलचित्र नै सुपर हिट दिएका सुदर्शन थापाक तेस पछिका चलचित्र उत्कृस्ट बने पनि सोचे जति सफल हुन सकेका थिएन् ।तर चलचित्र प्रेम गीत तेस्रो हप्तामा समेत शानदार रुपमा प्रदर्शन हुनुले निर्देशक थापालाई पुन चर्चाको शिखरमा पुराएको छ ।उनले निर्देशन गरेका सिनेमाहरु मेरो लभ स्टोरी, के यो माया हो, धन्दा, मधुमास, बक्स अफिसमा मध्यम रहेता पनि उनको काम को भने सदैभ तारिफ भयो ।
sudrshan thapaराम्रो र उत्कृस्ट चलचित्र निर्माण गर्न कुनै कम्प्रमैज न गर्ने थापाले उच्च प्रबिधिको प्रयोग,सुन्दर दृश्यहरु र मेकिंगमा बिशेष ध्यान दिने थापा अहिले निर्माताहरुको आखामा धेरै नै पर्न थालेका छन् ।चलचित्रको कथाबस्तुले मागेको जस्तो गीत संगीत, लोकेशन ,कलाकार राखेर चलचित्र बनाउना सिपालु निर्देशक सुदर्शन थापालाई बिशेष गरेर लभस्टोरी सिनेमा को किङ्ग निर्देशक भन्दा फरक नपर्ला ।प्रदर्शन नहुदै सबैको आखामा यस चलचित्र राम्रो बनेको छ भनेर सबैले तारिफ गरेको भन्दा राम्रो चलचित्र प्रेम गीत निर्देशन गरेर आफु कुनै निर्देशक भन्दा कम न भएको प्रमाणित गरेर देखाएका छन् ।उनको राम्रो चलचित्र निर्माण गर्न सक्ने खुबीलाई देखेर नै नायिका रेखा थापाले आफुले निर्माण गर्ने नया चलचित्रमा समेत सुदर्शनलाई निर्देशक लिने बताएकी छिन् ।चलचित्र प्रेम गीतको सफलता सगै अहिले सुदर्शनलाई करिब एक दर्जन निर्माताले अफर गरेको थापाले बताए ।सुदर्शन थापाले छिट्टै आफ्नै होम प्रोडक्सनमा चलचित्र निर्माण गर्ने समेत हामी सागको कुराकानीमा बताउनु भयो । चलचित्र ‘प्रेमगीत’को गीत संगीत निकै चलेका नेपाली गीतहरुमा पर्छन । सिनेमा हेर्ने सबैले सिनेमाको प्रस्तुति र सुदर्शनको निर्देशनको तारिफ गरिरहेका छन ।प्रेम कथामा सिनेमा बनाउनमा अब्बल सुदर्शन अबका दिनमा अझै राम्रा राम्रा चलचित्र दिनुको साथै दर्शकको मन जित्न सफल हुदै जानु नमस्ते फिल्मीको तर्फा बाट धेरै धेरै शुभकामना …

गीत गाउदा गाउदै दर्शक बाट घेरिए शिव परिवार

shivaशुक्रबार चितवनमा आयोजन गरिएको”शुभकामना नया युगको’ कार्यक्रममा चर्चित गायक शिव परिवारले गीत गाउदा दर्शक आफ्नो सिट नै छोडेर शिव सगै नाच्न स्टेज पुगेका थिए ।आफुलाई मन पर्ने गायकको गीत प्रत्यक्ष सुन्न र हेर्न पाए पछि शिवका दर्शक शिव सगै नाच्न स्टेज पुगेका थिए।शिवको हरेक गीतमा दर्शकको ताली ,शिटी अनि फेरी गाउन अनुरोध सगै त्यहा जम्मा भएका चार सय भन्दा बढी दर्शक उनको गीतमा झुमेका थिए।शिवले गीत गाउदा गाउदै दर्शक बाट स्टेजमा नै घेरिएक थिए ।
shiva pariwar 3देश बिदेशमा हुने सांगीतिक कार्यक्रममा निकै माग भएका गायक शिवले त्यहा जम्मा भएका आफ्ना दर्शकलाई आफ्नो चर्चित गीत हरु सुनाएर नचाएका थिए।शिवले क्या दामी भो ,गालैको कोटी ,रुपैकी रानी ,पिलायो साथीले ,रोशी खोला ,संगी ,फेसबुक लगायत आफ्ना चर्चित गीत गएका थिए ।शुक्रबार चितवनको क्यान्सर सभा हलमा भुकम्प प्रभावित बिद्द्यालयको पुर्ननिर्माणका लागि “शुभकामना नया युगको’ यस कार्यक्रममा शिवको गीत उनका दर्शक तथा स्रोतले पुर्ण मनोरन्जन लिएका थिए ।
milan lamaत्यस्तै”शुभकामना नया युगको’ कार्यक्रम अर्का चर्चित लोक गायक मिलन लामाले पनि क्यान्सर सभा हलमा उपस्थिति दर्शकलाई गीत मार्फत खुब नचाएका थिए ।मिलन ले आफ्नो चर्चित गीतहरु गएर सबैले नचाएका थिए ।चितवन ग्रिन लियो क्लबको आयोजनामा सम्पन्न सो सास्कृत कार्यक्रमा चर्चित हास्यकलाकार सैलेन्द्र सिम्खडाको हास्य प्रस्तुतिले दर्शकलाई पेट मिची मिची हसाएका थिए ।
drshak
कार्यक्रममा चर्चित र्यापर बालेनको पनि प्रस्तुति रहेको थियो ।उनको प्रस्तुतिमा बिशेष गरेर अहिलेका युवा पुस्ताले खुब मन पराएका थिए । त्यस्तै चितवनमा बसेर पनि गीत संगीतमा आफ्नो भिन्दै स्थान बनाउन सफल गायक अस्मिन घिमिरेले पनि आफ्ना चर्चित गीत गएका थिए ।चर्चित कमेडी कलाकार दिपक थापाको कमेडी नाचले त्यहा उपस्थिति दर्शकले भिन्दै मनोरन्जन दिएका थिए ।कार्यक्रममा अन्य थुप्रै कलाकारको प्रस्तुति रहेको थियो ।”शुभकामना नया युगको’ कार्यक्रम बाट संकलित पैसा भुकम्प प्रभावित बिद्द्यालयको पुर्ननिर्माणका लागि खर्च गरिने चितवन ग्रिन लियो क्लबका अध्यक्ष रोशन पौडेलले जानकारी दिनु भयो ।