Sunday , 15 July 2018
News update
Home >> bollywood

bollywood

सनी लियोनको ‘बायोपिक’ चलचित्रको ट्रेलर सार्वजनिक(भिडियो)

पोर्न स्टारबाट बलिउड अभिनेत्री बनेकी सनी लियोनको जीवनमा आधारित चलचित्रको ट्रेलर सार्वजनिक भएको छ । वेब सिरीजका रुपमा आउने ‘करनजित कौरः द अनटोल्ड स्टोरी अफ् सनी लियोन’ मा एडल्ट स्टारबाट बलिउड प्रवेशसम्मको सनीको यात्रालाई समेटिएको छ ।

सनी लियोनको पोर्न इन्डस्ट्रीमा कसरी प्रवेश भयो, विदेशमा उनको बाल्यकाल कसरी बित्यो, विद्यालयमा साथीहरुबाट कसरी अपमानित हुनुपर्यो लगायतका विषयवस्तुलाई यो बायोपिकमा समावेश गरिएको छ ।

यो बायोपिक जुलाई १६ मा जी-फाइभको एपमा रिलिज हुनेछ । सार्वजनिक भएको ट्रेलरमा सनीको बाल्यकाल, परिवार तथा पोर्न स्टारसम्मको यात्रा देखाइएको छ । सनी लियोनले सन् २०११ मा ‘बिग बोस -५’ को माध्यमबाट भारतमा कदम राखेकी थिइन् ।

बिग बोसमा सहभागी भएपछि उनी महेश भट्टद्वारा निर्देशित ‘जिस्म २’ मा अभिनय गर्न पुगिन् । त्यसपछि ‘स्पिलिटभिल्ला’, एकता कपूरको ‘रागिनी एमएमए २’ लगायतका चलचित्रमा अभिनय गरिन् । उनी अभिनित केही चलचित्रले बक्स अफिसमा पनि राम्रै प्रदर्शन गरे ।

रणबीर कपूरको ‘सञ्जू’ले बक्सअफिसमा ‘बाहुबली २’ को रेकड तोड्यो

शुक्रबार बाट प्रदर्शनमा आएको संजय दत्त को बायोपिक चलचित्र ‘सञ्जू’ ले बक्सअफिसमा हंगामा मच्चाइरहेको छ । चलचित्र पहिलो तिन दिनमा १२० करोड कमाएर धेरै रेकड राखन सफल भएको छ ।

चलचित्रले पहिलो दिन ३४.७५ र दोस्रो दिन ३८.६० करोड कमाएको थियो ।चलचित्रले तेस्रो दिनमा ४६.७१ करोडको कलेक्सन बाहुबली को रेकडलाई समेत पछाडी परेको छ । यस अघि शाहरुख खानको फिल्म ‘हैप्पी न्यू ईयर’ ले एक दिनमा दिन ४४.९७करोड को व्यापार गरेको थियो भने ‘बाहुबली 2’ को हिंदी वर्जनले एक दिनमा ४६.५० करोड़को कलेक्सन गरेको थियो ।

यता रणबीर कपूर चलचित्र ‘सञ्जू’ सबै रेकड तोड्दै आईतबार ४६.७१ करोड कमाउदै तीन दिनमा कूल १ सय २० करोड ६ लाखको कमाई गरेको छ । ‘सञ्जू’ को तेस्रो दिनको कमाईले सबै फिल्मलाई पछाडि छाड्दै ‘टप वान’ मा आफ्नो स्थान बनाएको छ ।

राजकुमार हिरानीको निर्देशन रहेको ‘सञ्जू’मा सञ्जय दत्तको भूमिकामा रणबीर कपूरले अभिनय गरेर चौतर्फी प्रशंसा बटुलेका छन् । चलचित्र ‘सञ्जू’ मा सुनील दत्तको भूमिकामा परेश रावल, नरगिसको भूमिकामा मनीषा कोइराला र मान्यता दत्तको भूमिकामा दिया मिर्जा छन् । चलचित्रमा सोनम कपूर र अनुष्का शर्माको पनि बिशेष भूमिका रहेको छ ।

साहरुखको चलचित्र ‘जिरो’को टिजरमा सलमान खान (भिडियो)

बलिउड सुपरस्टार साहरुख खान अभिनित बहुप्रतिक्षित चलचित्र ‘जिरो’को नया टिजर सार्वजनिक गरिएको छ ।इदको अवसर पारे रचलचित्र ‘जिरो’को ‘इद टिजर’ सार्वजनिक गरिएको हो।

साहरुख खानलाई होचो व्यक्तिको भूमिकामा प्रस्तुत गरिएको ‘जिरो’को टिजमा सलमान खान पनि देखिएका छन् ।चलचित्रलाई आनन्द एल रायको निर्देशन गरेका हुन् ।

२०१८ को डिसेम्बर २१ मा रिलिज गर्ने घोषणा गरिएको ‘जिरो’ को लगानी १ सय ६० करोड बताइएको छ । चलचित्र ‘जिरो’मा अनुष्का शर्मा र कट्रिना कैफ मुख्य भूमिकामा रहेका छन् । चलचित्रको अहिले अमेरिकामा छायांकन भैरहेको छ ।

‘यमाला पगला दीवाना …फिर से’को अफिसियल टीजर सार्वजनिक (भिडियो)

धर्मेन्द्र, सनी देओल र बबी देओल अभिनित ‘यमाला पगला दीवाना …फिर से’को अफिसियल टीजर सार्वजनिक भएको छ । ईदको अवसरमा रिलिज गरिएको कमेडी टीजरमा सलमान खानको पनि देख्न सकिन्छ ।

अगस्ट १५ मा रिलिज हुने ‘यमाला पगला दीवाना …फिर से’को यस अघिका २ सिरिज बलिउडमा सफल भै सकेको छ । चलचित्रलाई नवनैत सिंहले निर्देशन   गरेका हुन् ।

चलचित्रमा देओल परिवार सगै कृीति खरबंदा, असरानी, सतीश कौशिक र बिन्नू ढिल्लोंको पनि मुख्य भूमिका रहेको छ ।१५ अगस्टमा ‘यमाला पगला दीवाना …फिर से’ सगै अक्षय कुमारको चलचित्र ‘गोल्ड’ र जोन अब्राहमको चलचित्र ‘सत्यमेव जयते’ रिलिज हुने भएको छ । बलिउडमा यो भिडन्तलाई ठुलै भिडन्तको रुपमा लिएको छ ।

चलचित्र ‘चिमुसीची’को शिर्ष गीतमा नम्रता सापकोटा (भिडियो)

चलचित्र ‘चिमुसीची’को शिर्ष गीत सार्वजनिक भएको छ । साउन ११ गतेलाई प्रदर्शन मिति तय गरिएको म्यूजिकल थ्रिलर चलचित्र ‘चिमुसीची’ सार्वजनिक गीतमा नायिका नम्रता सापकोटालाई फिचरिङ गरिएको छ ।

पहिलो नेपाल आइडलको उत्कृष्ट पाँच पर्न सफल सुजाता पाण्डेको स्वर रहेको यस गीतमा सन्तोष पोखरेलको शब्द रहेको गीतमा करणराज कार्कीको संगीत छ । गीतमा चलचित्रका मुख्य कलाकार सुनिल क्षेत्री र अलिशा शर्माका र शिवराज शर्मा देखन सकिन्छ । गीतमा विक्रम स्वाँरको कोरियोग्राफी रहेको छ ।

चलचित्रमा सुनिल र एलिासको अलवा सुशान्त कार्की, कमली वाइवा, सशांक बस्याल, शेखर सुवेदी, शिवराज खत्री लगायतको मुख्य भूमिका छ ।चलचित्रलाई निर्देशक दिनेश श्रेष्ठले लेखन तथा निर्देशन गरेका हुन् । यस फिल्मको निर्मातामा अरुण कुमार गुरुङ, महेश्वर खत्री, सुबास भुर्तेल, डब बहादुर गुरुङ छन् ।

शिवराज कार्की कार्यकारी निर्मातामा रहेको ‘चिमुसीची’ अनिल पाण्डे र प्रिन्स युवराज कार्की प्रस्तुतकर्ता हुन् । सुरज अधिकारीको संगीत बासु न्यौपानेको छायांकन र भूपेन्द्र अधिकारीको चलचित्रमा सम्पादन रहेको छ ।

श्रीदेवीकी छोरी जाहन्वी कपूर अभिनित चलचित्र ‘धडक’को ट्रेलर सार्वजनिक(भिडियो )

स्वर्गीय श्रीदेवीकी छोरी जाहन्वी कपूरको अभिनय रहेको चलचित्र ‘धडक’को ट्रेलर सार्वजनिक गरिएको छ । चलचित्रमा श्रीदेवीकी छोरी जाहन्वी कपूर सगै साहिद कपुरको भाई इशान खट्टर मुख्य भूमिकामा रहेका छन् ।

शशांक खेतानले निर्देशन रहेको ‘धडक’लाई करण जोहर, हिरू यश जोहर र अपूर्व मेहताले निर्माण गरेका हुन् । ‘धडक’ मराठी फिल्म ‘साइरात’को रिमेकचलचित्र हो। चलचित्रमा जाहन्वी र इशानका अलावा आदित्य कुमार, खराज मुखर्जी र आशुतोष राणाको पनि मुख्य भूमिका छ । फिल्म २० जुलाईमा रिलिज हुँदैछ ।

बहुप्रतिक्षित चलचित्र‘सञ्जु’को ट्रेलर सार्वजनिक (भिडियो)

बलिउड संजय दत्तको जीवनीलाई पर्दामा प्रस्तुत गरिएको बहुप्रतिक्षित चलचित्र‘सञ्जु’को ट्रेलर सार्वजनिक भएको छ ।बुधबार मुम्बइमा एक कार्यक्रमको बिच चलचित्रको ट्रेलर सार्वजनिक गरिएको हो ।

चलचित्रमा संजय दत्तको भूमिकामा नायक रणवीर कपुर देखिएका छन् । रणवीर कपुरलाई संजय दत्तको यूवा अवस्थादेखि हालको अवस्थासम्म फिचरिङ गरिएको छ ।बायोपिक चलचित्र ‘सञ्जु’को ट्रेलरमा रणबीर कपूरलाई फरक फरक भूमिकामा प्रस्तुत गरिएको छ ।

चलचित्रलाई राज कुमार हिरानी निर्देशक गरेका हुन् हुन् ।२९ जूनमा रिलिज हुने यस चलचित्रलाई विधु विनोद चोपडाको निर्माण गरेका हुन् ।चलचित्रमा सञ्जय दत्तकी आमा नरगिसको भूमिकामा मनिषा कोइराला देखिएकी छिन् ।चलचित्रमा रणवीर कपुर, पारेश रावल, मनिषा कोइराला, अनुष्का शर्मा, सोनम कपुर, दिया मिर्जा, विक्की कौसल, वोमन इरानीको मुख्य भूमिका रहेको छ ।

सलमान खानको बहुप्रतिक्षित चलचित्र ‘रेस ३’को ट्रेलर सार्वजनिक(भिडियो)

बलिउड सुपरस्टार सलमान खान अभिनित बहुप्रतिक्षित चलचित्र ‘रेस ३’ को ट्रेलर सार्वजनिक भएको छ । ट्रेलरमा सलमान खानको दमदार भुमिका प्रस्तुत गरिएको छ ।सलमान खानका अलावा ज्याकलीन फर्नान्डिस, अनिल कपूर, डेजी शाह, बबी देओल र साकिब सलीम,दाइसि साहलगायतको मुख्य भूमिका रहेको छ।

सार्वजनिक ट्रेलरको सुरुमा सलमान भन्छन् , ‘ यो रेस जिन्दगिको रेस हो कसैको जिन्दगि लिएर नै समाप्त हुन्छ ।’ट्रेलरमा दमदार एक्शन बाहेक डाइलग्स पनि रहेको छ ।‘रेस ३’ मार्फत पहिलो पटक सलमान खान भिलेनको भूमिका देखादा पर्दैछन् ।यस फिल्ममा उनको रोल पूरै नेगेटिभ भने छैन । उनी ‘रेस ३’ मा साइकोलोजिकल भिलेनको भूमिकामा देखिँदैछन् ।

‘रेस ३’लाई रेमो डिसूजाले निर्देशन गरिरहेका छन्। टिप्स फिल्मस् र सलमान खान फिल्मस् निर्माण रहेको यस चलचित्र इदको अवसरमा १५ जुनमा रिलीज हुदैछ

बलिउड अभिनेत्री करिष्मा कपुरद्धारा मेरिगोल्ड (सयपत्री) ज्वेलर्सको समुद्घाटन

नेपालको सबैभन्दा पुरानो, लोकप्रिय तथा चिरपरिचित गहना पसल तथा शोरुम मेरिगोल्ड(सयपत्री) ज्वेलर्सले दरबारमार्गमा रहेको नयाँ शोरुम भव्यरुपमा समुद्घाटन गरेको छ । मेरिगोल्डको दरबारमार्गमा रहेको नयाँ शोरुम बलिउडकी चर्चित अभिनेत्री करिष्मा कपुरले एक कार्यक्रमका समुद्घाटन बीच गर्नुभएको हो ।

नेपाली गहनाहरुको प्रबद्र्धन र भारतीय बजारमा बिस्तार गर्न अभिनेत्री कपुरको आगमनले सहयोग पुग्ने मेरिगोल्ड ज्वेलर्सको विश्वास छ ।मेरिगोल्ड ज्वेलर्स हाल नेपालमा नै विश्वासिलो, भरपर्दो र चिरपरिचित गहना पसल तथा शोरुमको रुपमा ग्राहकहरुमाझ लोकप्रिय रहेको छ । कम्पनीले नेपाली परम्परागत गहनाहरु, विदेशी डिजाइनका गहनाहरु, नेपाली र विदेशी समिश्रण भएका फ्यूजन डिजाइनका गहनाहरु निर्माण तथा बिक्री गरिरहेको छ ।

नयाँ शोरुम उद्घाटनको अवसर पारेर मेरिगोल्ड ज्वेलर्सका संचालिक ज्योत्सना श्रेष्ठले कम्पनीले उच्च गुणस्तरका गहनाहरु बिक्री गरिरहेको र आगामी दिनमा नेपाली परम्परागत गहनाहरुलाई विश्व बजारमा लैजाने योजनामा रहेको बताउनुभयो ।

‘बलिउड कलाकारहरुको आगमनले नेपाली परम्परागत गहनाहरुको भारतीय बजारमा पनि प्रबद्र्धन र माग बढ्ने अपेक्षा छ,’ उहाँले भन्नुभयो ।
मेरिगोल्ड ज्वेलर्सकी संचालिक श्रेष्ठले बलिउड कलाकार आउँदा नेपालको पर्यटन तथा संस्कृतीको प्रचार प्रसार हुने र नेपाली गहनाहरुको भारतीय बजारमा माग बढ्ने अपेक्षा गरेको बताउनुभयो ।

बलिउड चर्चित अभिनेता राजपाल यादवलाई ६ महिनाको जेल

दिल्लीको कडकडडूमा आदालतले चेक बाउन्स गरेको आरोपमा बलिउड चर्चित अभिनेता राजपाल यादवलाई ६ महिनाको जेल सजाय तोकीएको छ । अदालतले सोमबार बलिउड अभिनेता राजपाल यादवलाई ६ महिनाको जेल सजाय सुनाएको छ ।

भारतीय मिडियाका अनुसार अदालतले उनलाई तीन लाख पचास हजार रुपैयाँ धरौटीमा जमानत दिएको छ । राजपाल माथी ७ वटा चेक बाउन्स भएको आरोप लागेपछि उनी पछिल्लो समय तनावमा थिए । यादवलाई प्रति चेक एक करोड ६० लाख रुपैयाँ हर्जना तिर्न अदालतले आदेश दिएको छ । राजपाल यादव र उनकी पत्नी राधासहित उनको कम्पनीका सात जनालाई चेक बाउन्स भएको आरोपमा अदालतले दोषी ठहर गरेको र राजपालले अदालतको फैसला आफ्ना लागी स्वीकार्य भएको बताएका थिए ।

यस ममिलामा राजपाल यादव पत्नी राधालाई पनि अदालतले १० लाख रुपैयाँ जरिवाना तिर्न आदेश दिएको छ । अदालतले सजाय सुनाए पछि यादवले मिडियासँग कुराकानी गर्दै अदालतको फैसलाको सम्मान गर्ने बताए । उनले यो मामिलामा उच्च अदालत जाने पनि बताए ।

गत अप्रिलमा अदालतले राजपाल यादव र उनकी पत्नी चेक बाउन्स मुद्दामा दोषी करार गरेको थियो । अदालतका अनुसार आरोपीले चेकमा आफ्नो हस्ताक्षर भएको स्वीकारेका थिए ।

चेक बाउन्सको यो मुद्दा सन् २०१० को हो । लक्ष्मी नगर स्थित मुरली प्रोजेक्टस लिमिटेडले प्रीत बिहार थानामा सातवटा चेक बाउन्स भएको उजुरी दर्ता गरेको थियो ।कम्पनीका अनुसार यादवले ‘अता पता लपता’ बनाउन ५ करोड ऋण लिएका थिए । सन् २०१२ मा चलचित्र रिलिज भयो, तर चलचित्र फ्लप हुनपुग्यो । त्यसपछि यादवले फैसा तिरेनन् ।

उजुरीपछि यादवलाई अदालतमा उपस्थित हुन आदेश दिए पनि उनी अदालतमा गएनन् । उनको वकिलले गलत हलफनामा पेश गरेपछि अदालत रुष्ट बनेको थियो ।सन् २०१३ मा यही मामिलामा यादवलाई दिल्ली उच्च अदालतले यादवलाई न्यायीक हिरासतमा पठाएको थियो ।