Friday , 27 April 2018
News update
Home >> Features

Features

फ्राइडे रिलिज : ‘कोहलपुर एक्सप्रेस’ र ‘ह्याप्पी डेज’

फ्राइडे रिलिज अन्तर्गत यो शुक्रबार अर्थात् आज बाट नेपाली कथानक चलचित्र ‘कोहलपुर एक्सप्रेस’ र ‘ह्याप्पी डेज’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘कोहलपुर एक्सप्रेस’र ‘ह्याप्पी डेज’ को बारे बिस्तृत जानकारी प्रकाशन गरेका छौ ।

‘कोहलपुर एक्सप्रेस’

फ्राइडे रिलिज अन्तर्गत आज बाट देशका प्रमुख सिनेमा घर बाट बहुप्रतिक्षीत चलचित्र ‘कोहलपुर एक्सप्रेस’ प्रदर्शनमा आएको छ।यस चलचित्रलाई विशाल भण्डारीले निर्देशन गरेका हुन् ।

चलचित्रमा प्रियंका कार्की, केकी अधिकारी, ऋचा शर्मा, विनोद न्यौपाने, वुद्धि तामाङ, रविन्द्र झा, कुशाग्र भट्टराई लगायतका कलाकारको मुख्य भूमिका छ ।नायिका केकी अधिकारी सगै भद्र बहादुर शाही, देवी लाल न्यौपाने पण्डित र शिव प्रसाद चौलागाई ‘कोहलपुर एक्सप्रेस’को निर्माताका रुपमा रहेका छन् ।

तीन यूवतीको कथा रहेको यस चलचित्रमा शान बस्नेतको कथा, अर्जुन तिवारीको छायांकन, लोकेश बज्राचार्यको सम्पादन, गम्भिर विष्टको नृत्य राजनराज सिवाकोटी,अर्जुन पोखरेल र कालीप्रसाद बासकोटाको संगीत रहेको छ ।

‘ह्याप्पी डेज’

त्यस्तै फ्राइडे रिलिज अन्तर्गत आज शुक्रबार बाट देशका सिनेमा घर बाट चलचित्र ‘ह्याप्पी डेज’ ’प्रदर्शनमा आएको छ ।चलचित्रलाई मिलन चाम्सले निर्देशन गरेका हुन् ।

‘ह्याप्पी डेज’लाई लन्डन सिने आइ र चाम्स इन्टरटेनमेन्टको ब्यानरमा निर्माण गरिएको हो । चलचित्रमा दयाहाङ राई, प्रियंका कार्की, संजय गुप्ता, विक्की जोशी, शिशिर राणा, रुपा पुन, रिकेश चाम्स लगायतका कलाकारहरुको अभिनय रहेको छ।

साढे २ करोडको बजेटमा निर्माण भएको सिनेमामा बिपी खनाल, भवानी शर्मा, हिराल जोशी, मिलन चाम्स र डा. अशोक खनाल निर्माताका रुपमा रहेका छन् ।यस चलचित्रको छायांकन लन्डनका अलावा नेपाल, वेल्स, इङ्ल्याड, स्कटल्यान्ड लगायतका देशहरुमा गरिएको हो ।

अनमोल केसी र बेनिशा हमालले जिते एनएफडिसी अवार्ड

एनएफडिसी राष्ट्रिय चलचित्र पुरस्कारको छैठौं संस्करण ‘एनएफडिसी राष्ट्रिय चलचित्र पुरस्कार २०७४’ सम्पन्न भएको छ । बिहिबार साँझ काठमाडौंको सुविधासम्पन्न पाँच तारे होटल हायातको प्राँगनमा आयोजना गरिएको अवार्ड समारोहलाई बैशाखको मुसलधारे पानीले स्टेजनै बिथोलिए पनि आयोजक पक्षले अवार्ड सम्पन्न गरेरै छाडेको छ ।

समारोहमा पुरस्कार तर्फ मह सञ्चारद्धारा निर्मित चलचित्र ‘शत्रु गते’ पाँच विधामा आवार्ड चुम्दै सर्वोत्कृष्ट फिल्म बन्न सफल भएको छ । यो चलचित्र अहिले छैटौं हप्तामा प्रदर्शन भईरहेको छ । यस पटकको ‘हिरा सर्वोत्कृष्ट चलचित्र, राष्ट्रिय चलचित्र पुरस्कार’ चलचित्र शत्रु गतेले जितेको हो ।

नेपाल चलचित्र विकाश कम्पनीद्धारा आयोजित एनएफडिसी राष्ट्रिय चलचित्र पुरस्कार समारोहमा विभिन्न २० विधामा प्रतिस्पर्धा भएको थियो । जस अन्तर्गत ‘प्रकाश सर्वोत्कृष्ट, निर्देशक राष्ट्रिय चलचित्र पुरस्कार’ चलचित्र लिली बिलीबाट निर्देशक मिलन चाम्सले प्राप्त गरे । निर्देशक सहित लिली बिलीले विभिन्न चार विधामा पुरस्कार जित्यो । लिली बिली यतीबेला तेस्रो सातामा प्रदर्शन भईरहेको छ ।

यस्तै, अभिनेतातर्फ ‘शिव सर्वोत्कृष्ट अभिनेता, राष्ट्रिय चलचित्र पुरस्कार’ चलचित्र ‘कृ’बाट अनमोल केसीले प्राप्त गरे । अभिनेत्रीतर्फ ‘भुवन सर्वोत्कृष्ट अभिनेत्री, राष्ट्रिय चलचित्र पुरस्कार’ चलचित्र ‘ब्लाइन्ड रक्स’ अभिनेत्री बेनिशा हमालले चुमिन् ।

‘विश्व सर्वोत्कृष्ट नव अभिनेता, राष्ट्रिय चलचित्र पुरस्कार’ चलचित्र ग्याङस्टार ब्लुजबाट आशिरमान देशराज जोशीले, ‘चैत्य सर्वोेत्कृष्ट नव अभिनेत्री, राष्ट्रिय चलचित्र पुरस्कार’ चलचित्र लिली बिलीबाट जसिता गुरुङले जिते ।

यस्तै ‘गोपालराज, सर्वोत्कृष्ट हास्य कलाकार, राष्ट्रिय चलचित्र पुरस्कार’ चलचित्र छक्का पञ्जा–२ बाट केदार घिमिरेले हासिल गरे । ‘नीर सर्वोत्कृष्ट सहअभिनेत्री, राष्ट्रिय चलचित्र पुरस्कार’ चलचित्र ऐश्वर्यबाट प्रशान्त ताम्राकारले, ‘वसुन्धरा सर्वोत्कृष्ट सहअभिनेत्री, राष्ट्रिय चलचित्र पुरस्कार’ ऐश्वर्यबाटै केकी अधिकारीले प्राप्त गरिन् ।

संगीततर्फको प्रतिस्पर्धामा ‘शम्भुजित सर्वोत्कृष्ट संगीतकार, राष्ट्रिय चलचित्र पुरस्कार’ चलचित्र २ रुपैयाँको कुटुमा कुटु…गीतबाट राजनराज शिवाकोटीले, ‘उदित सर्वोत्कृष्ट पाश्र्व गायन, राष्ट्रिय चलचित्र पुरस्कार’ चलचित्र ऐश्वर्यको तिमी रोएको पल…बाट अन्जु पन्तले हासिल गरिन् । ‘किरण सर्वोत्कृष्ट गीतकार, राष्ट्रिय चलचित्र पुरस्कार’ चलचित्र ए मेरो हजुर–२ को गीत कसम हो कसम…बाट डा. कृष्णहरि बरालले चुमे ।

‘वसन्त सर्वोत्कृष्ट नृत्य निर्देशक राष्ट्रिय चलचित्र पुरस्कार’ चलचित्र २ रुपैयाँको कुटुमा कुटु…गीतको नृत्य निर्देशनबाट कविराज गहतराजले, ‘भुटानी सर्वोत्कृष्ट द्वन्द्व निर्देशन राष्ट्रिय चलचित्र पुरस्कार’ चलचित्र कृबाट चन्द्र पन्तले प्राप्त गरे ।यस्तै, ‘शुभ सर्वोत्कृष्ट पाश्र्व संगीत, राष्ट्रिय चलचित्र पुरस्कार’ चलचित्र लिली बिलीबाट एलिस कार्की र ‘प्रदीप सर्वोत्कृष्ट ध्वनि पुनः मुद्रण (मिक्सिङ) राष्ट्रिय चलचित्र पुरस्कार’ चलचित्र शत्रु गतेबाट अमित श्रेष्ठले जिते ।

‘चेतन सर्वोत्कृष्ट पटकथा लेखक राष्ट्रिय चलचित्र पुरस्कार’ चलचित्र शुत्र गतेबाट दीपकराज गिरी र प्रदीप भट्टराईले, ‘लक्ष्मी सर्वोत्कृष्ट कथा र संवाद राष्ट्रिय चलचित्र पुरस्कार’ शत्रु गतेबाटै हरिवंश आचार्य र प्रदीप भट्टराईले, ‘तुलसी सर्वोत्कृष्ट सम्पादक, राष्ट्रिय चलचित्र पुरस्कार’ शत्रु गतेबाट मित्रदेव गुरुङले हासिल गरे ।

यो वर्षको ‘मह जुरी राष्टिय चलचित्र पुरस्कार चलचित्र भुईं मान्छेबाट अभिनेता रमेश बुढाथोकीले र ‘कुसुमे रुमाल सर्वोत्कृष्ट व्यावसायिक चलचित्र पुरस्कार’ चलचित्र छक्का पञ्जा–२ ले पुन सफल भयो ।‘पुष्कर चलचित्र पत्रकारिता, राष्ट्रिय चलचित्र पुरस्कार’बाट पत्रकार फुलमान बललाई पुरस्कृत गरियो । उनी कान्तिपुर दैनिकका बरिष्ट उप सम्पादक हुन् ।

भूकम्प पछि एउटी गाउँकी युवतीले भोगेको दर्दनाक कथामा चलचित्र ‘द डार्कनेस बेकन’ (भिडियो)

आजको दिनमा नै तीन वर्ष अघिको विनाशकारी भूकम्प गएको थियो । विनाशकारी भूकम्पले एक बालिकाको जीवनमा ल्याएको उतारचढावलाई प्रमुख विषय बनाएर निर्माण गरिएको फिल्म ‘द डार्कनेस बेकन’को ट्रेलर र गीत सार्वजनिक भएको छ । राजधानीमा बुधबार आयोजित कार्यक्रममा फिल्मका कलाकारसँगै चलचित्रकर्मीको उपस्थितिमा ट्रेलर सार्वजनिक गरिएको हो ।

निर्देशक पवन केसीले फिल्मले भूकम्प पछि एउटी गाउँकी युवतीले भोग्ने दर्दनाक कथालाई प्रस्तुत गरिएको बताए । ‘विनाशकारी भूकम्पपछि सिन्धुपाल्चोकको एउटा विकट गाउ तौथलीमा भुकम्पपीडित सन्ध्याको जीवनमा आएको उतारचढावलाई कथात्मक रुपमा हामीले प्रस्तुत गरेका छौं,’निर्देशक केसीले भने, ‘भूकम्पमा आमाबाबु गुमाएपछि काकाकाकीको पालनपोषणमा रहेकी सन्ध्या प्रलोभनमा परेर काकाबाट कसरी बेचिन्छिन् भन्ने दर्दनाक कथालाई फिल्मले देखाउनेछ ।’

फिल्मका कार्यकारी निर्माता राजेश रिजालले भूकम्प पछिको क्रन्दनलाई फिल्ममा देखाउन खोजिएको बताए । ‘भूकम्पकै कथाको फिल्म भएर हामीले भूकम्प गएकै दिनको सम्झनामा वैशाख १२ मै कार्यक्रम राखेका हौं ।’ निर्माता रिजालले भने ।

फिल्मकी प्रमुख कलाकार मरक्युरी श्रेष्ठले फिल्ममा काम गर्दा शुरुमा असजिलो लागे पनि पछि सहज भएको बताइन् ।कार्यक्रममा चलचित्र कलाकार संघका अध्यक्ष रामकेशर बोगटी, पूर्व अध्यक्षद्वय रमेश बुढाथोकी र रविन्द्र खड्काले फिल्मले गहन विषय उठान गरेकाले दर्शकका लागि रुचीकर हुने बताए ।

फिल्म फेस्टिभललाई लक्षित गरिएको फिल्ममा निर्देशक केसीकै कथा, पटकथा, संवाद छ । फिल्ममा मरक्युरी श्रेष्ठ, प्रल्हाद खरेल, पवन केसी, अस्मिता बस्नेत, शान्ति बस्नेत, सुजता श्रेष्ठ, बैदार लामालगायतको अभिनय छ ।राजेश रिजाल कार्यकारी निर्माता रहेको फिल्ममा अशोककुमार बस्नेतको छायांकन, राजेशकै गीत र संगीत र सन्देश परियारको सम्पादन छ ।

टंक बुढाथोकी र अन्जु पन्तको स्वरमा ‘अल्लारे जोवन’ (भिडियो )

पछिल्लो समय चर्चामा रहेका गायक तथा संगीतकार टंक बुढाथोकीको नयाँ गीतको भिडियो सार्वजनिक गरेका छन् । ‘अल्लारे जोवन’ बोलको आधुनिक गीतमा टंकसँग अन्जु पन्तको स्वर छ । उत्तम भण्डारीको शब्द, संगीतमा तयार भएको गीतमा एरेन्ज तथा मिक्सिङको काम पनि टंकले नै गरेका छन् । गीत ‘स्टुडियो नाइन्’ मा तयार गरिएको हो । गीतको भिडियोमा कोरियोग्राफर तथा मोडल गम्भिर बिष्ट र रोहनी लामाको नृत्य देख्न सकिन्छ । भिडियो गम्भिरले नै निर्देशन गरेका हुन् ।

गायक टंकले यसअघिका गीतजस्तै यो गीतमा पनि केहि फरक पन दिनेप्रयास गरेको बताए । ‘डान्सिङ गीत मन पराउने दर्शकका लागी यो गीत बिशेष हुनसक्छ’, टंकले भने । यस्तै उनले सबैबर्गका दर्शकले गीत मन पराउनेमा बिश्वस्त रहेको बताउँछन् । भिडियो ललितपुरको गोदावरीमा सुवोल थापाले खिचेका हुन् भने नविन निरौलाले सम्पादन गरेका हुन् ।

गायक टंक पछिल्लो समय झापाका १२ बर्षिय एक प्रतिभाशाली गरिब बालक अशोक दर्जीलाई गीत रेकर्ड गराएसँगै प्रशंशाको पात्र बनेका छन् । उनले झापाकै डिजे रुपकको सहयोगमा दर्जीलाई काठमाडौं ल्याएर आफ्नो स्टुडियो ‘स्टुडियो नाइन्’मा ‘मन बिनाको धन ठुलो कि धन बिनाको मन’ बोलको गीत रेकर्ड गराएका थिए । उनका अनुसार यसै साता एक कार्यक्रमका बिच उक्त गीत सार्वजनिक गरिने छ ।

 

बलिउड चर्चित अभिनेता राजपाल यादवलाई ६ महिनाको जेल

दिल्लीको कडकडडूमा आदालतले चेक बाउन्स गरेको आरोपमा बलिउड चर्चित अभिनेता राजपाल यादवलाई ६ महिनाको जेल सजाय तोकीएको छ । अदालतले सोमबार बलिउड अभिनेता राजपाल यादवलाई ६ महिनाको जेल सजाय सुनाएको छ ।

भारतीय मिडियाका अनुसार अदालतले उनलाई तीन लाख पचास हजार रुपैयाँ धरौटीमा जमानत दिएको छ । राजपाल माथी ७ वटा चेक बाउन्स भएको आरोप लागेपछि उनी पछिल्लो समय तनावमा थिए । यादवलाई प्रति चेक एक करोड ६० लाख रुपैयाँ हर्जना तिर्न अदालतले आदेश दिएको छ । राजपाल यादव र उनकी पत्नी राधासहित उनको कम्पनीका सात जनालाई चेक बाउन्स भएको आरोपमा अदालतले दोषी ठहर गरेको र राजपालले अदालतको फैसला आफ्ना लागी स्वीकार्य भएको बताएका थिए ।

यस ममिलामा राजपाल यादव पत्नी राधालाई पनि अदालतले १० लाख रुपैयाँ जरिवाना तिर्न आदेश दिएको छ । अदालतले सजाय सुनाए पछि यादवले मिडियासँग कुराकानी गर्दै अदालतको फैसलाको सम्मान गर्ने बताए । उनले यो मामिलामा उच्च अदालत जाने पनि बताए ।

गत अप्रिलमा अदालतले राजपाल यादव र उनकी पत्नी चेक बाउन्स मुद्दामा दोषी करार गरेको थियो । अदालतका अनुसार आरोपीले चेकमा आफ्नो हस्ताक्षर भएको स्वीकारेका थिए ।

चेक बाउन्सको यो मुद्दा सन् २०१० को हो । लक्ष्मी नगर स्थित मुरली प्रोजेक्टस लिमिटेडले प्रीत बिहार थानामा सातवटा चेक बाउन्स भएको उजुरी दर्ता गरेको थियो ।कम्पनीका अनुसार यादवले ‘अता पता लपता’ बनाउन ५ करोड ऋण लिएका थिए । सन् २०१२ मा चलचित्र रिलिज भयो, तर चलचित्र फ्लप हुनपुग्यो । त्यसपछि यादवले फैसा तिरेनन् ।

उजुरीपछि यादवलाई अदालतमा उपस्थित हुन आदेश दिए पनि उनी अदालतमा गएनन् । उनको वकिलले गलत हलफनामा पेश गरेपछि अदालत रुष्ट बनेको थियो ।सन् २०१३ मा यही मामिलामा यादवलाई दिल्ली उच्च अदालतले यादवलाई न्यायीक हिरासतमा पठाएको थियो ।

सञ्जय दत्तको बायोपिक चलचित्र ‘सञ्जु’को टीजरमा रणबीर कपूर दुरुस्तै (भिडियो)


बलिउड अभिनेता सञ्जय दत्तको जीवनमा आधारित बायोपिक चलचित्र ‘सञ्जु’ को अफिसियल टीजर सार्वजनिक भएको छ । यो बर्ष निकै नै चर्चामा रहेको चलचित्र ‘सञ्जु’ सञ्जय दत्तको रणबीर कपूर देखा परेका छन् ।

बायोपिक चलचित्र ‘सञ्जु’को टीजरमा रणबीर कपूरलाई फरक फरक भूमिकामा प्रस्तुत गरिएको छ । टीजर रिलीज अगाडि फिल्मको पोष्टर सार्वजनिक गरिएको थियो ।पोष्टरमा रणबीर कपूर दुरुस्तै सञ्जय दत्त देखिएका छन् ।

चलचित्रलाई राज कुमार हिरानी निर्देशक गरेका हुन् हुन् ।२९ जूनमा रिलिज हुने यस चलचित्रलाई विधु विनोद चोपडाको निर्माण गरेका हुन् ।चलचित्रमा सञ्जय दत्तकी आमा नरगिसको भूमिकामा मनिषा कोइराला देखिएकी छिन् ।

रणबीर र मनिषाको अलावा चलचित्रमा परेश रावल, अनुष्का शर्मा, सोनम कपूर, दीया मिर्जा, विक्की कौशल, जिम सौरभ र बोमन ईरानी लगायत कलाकारको अभिनय रहेको छ ।

टंक बुढाथोकीले भाइरल बालक अशोक दर्जिको गीत रेकर्ड गराए,यूट्यूव ट्रेन्डिङमा अशोकको भिडियो

बाटो बाटोमा गीत गाउदै हिनेर यूट्यूवमा भाइरल भएका बालक अशोक दर्जिको जीवन राता रात बदलिएको छ ।पूर्व बाट संचालनमा आएका केहि यूट्यूवमा अशोकको अन्तरबार्ता र गीत भाइरल भए सगै गायक तथा संगीतकार टंक बुढाथोकी उनको जीवनमा खुसि बनेर आएका छन्।

टंक बुढाथोकी र डीजे रुपकको पहलमा अशोकलाई ‘मन बिनाको धन ठूलो कि धन बिनाको मन’ बोलको आधुनिक गीत गाउन दिएका छन् ।बुढाथोकीको स्टुडियो ९ मा अशोकको गीत रेकर्ड सगै उनको चर्चा झन् चुलिएको छ ।

नेपालको युट्युब ट्रेन्डिङ शीर्षस्थान देखि ५० भित्र १२ भन्दा बादी अशोक दर्जीको भिडियोहरु परेका छन् । संगीतकार तथा गायक टंक बुढाथोकीले अशोक दर्जीलाई काठमाडौं ल्याएर गीत रेकर्डको लागि तयारी गरि रहदा आफ्नो यूट्यूव मार्फत उनको गीत रेकर्ड गर्न लागेको जानकारी दिए लगतै देश भरिका मिडियामा उनले स्थान पाएका थिए ।

केहि दिन पहिला सम्म सडकमा उभिएर गीत गाउँदै पैसा बटुल्ने उनी अहिले स्कुल भर्ना भएका छन् र उनको स्वरमा पहिलो गीत पनि रेकर्ड भएको छ ।मोरङको उर्लाबारीमा रहेको बेथेल एजुकेसनल एकेडेमीले उनलाई १० कक्षासम्म निशुल्क पढाइदिने भएको छ । अशोकलाई स्कुल ड्रेस र पाठ्यसामग्री उपलब्ध गराइएको छ । उनका दिदीबहिनीको पढाईको जिम्मेवारी पनि स्कुलले लिएको छ ।

अत्यन्त चञ्चल स्वभावका अशोकले सुर र तालमा निकै मिहिनेत गर्नुपर्ने देखिएको तर, भ्वाइस क्वालिटी राम्रो रहेको संगीतकार टंक बुढाथोकीले प्रतिक्रिया दिएक छन् । अशोक अक्षर चिन्दैनन् केवल एक देखि १० सम्म भन्न सक्छन् त्यत्ति हो । अक्षर नचिन्ने भएकाले गीत कन्ठ गराउन गाह्रो परेको बुढाथोकीले बताए ।

केहि दिनमा नै अशोक दर्जीले गाएको गीत सार्वजनिक गर्ने तयारीमा रहेका गायक तथा संगीतकार टंक बुढाथोकीले उनको लागि आफुले जति सक्छु त्यति गर्न तयार रहेको समेत बताए ।

टंक बुढाथोकीको अफिसियल यूट्यूव च्यानल बाट रिलिज गर्न लागिएको ‘मन बिनाको धन ठूलो कि धन बिनाको मन’ बोलको गीतमा शब्द भिम नेपालको रहेको छ ।

मानव सेवा आश्रमको सहयोगार्थ जापानमा ‘साकुरा नाइट ३’हुने

यस बर्ष पनि जापानमा साकुरा नाइट हुने भएको छ । गत दुई वर्ष यता जापानको मुख्य सहरमा हुदै आएको यस नाइटको तेस्रो शृंखला ‘साकुरा नाइट ३’ मेबाट प्रारम्भ हुने आयोजकले जनाएका छन् ।

जापनिजहरुको मुख्य पर्व गोल्डेन विकलाई लक्षित गर्दै कार्यक्रम हुने आयोजक सुर्य कर्पोरेसनले बताएको छ ।कार्यक्रमलाई अघिल्ला शृंखला भन्दा विशेष बनाउने तयारी भईरहेको कर्पोरेसनका ब्राण्ड एम्बेसडर नरेश भट्टराईले बताए । लोकप्रिय सञ्चारकर्मी भट्टराईले कार्यक्रमलाई रोचक र मनोरन्जनात्मक बनाएको बताए ।

‘अघिल्ला शृंखलाबाट हामीलाई यसपटक अझै परिपक्क बनाएको छ’ सञ्चारकर्मी भट्टराई भन्छन ‘यसपटक जापानमा बस्ने नेपालीहरुको लागि गोल्डेन विक हामी विशेष बनाउने छौ ।’ कार्यक्रम नेपालका चर्चित कलाकारहरु आधुनिक गायक हेमन्त शर्मा, पप गायक कमल खत्री, लोक गायक मिलन लामा, आधुनिक तथा पार्श्व गायिका मिलन अमात्य र कमेडियन सन्दिप क्षत्रीले आफ्नो प्रस्तुति दिनेछन ।

साथै कार्यक्रमको मुनाफाबाट गरिव, दिन दुखि र असाह्यको सहारा बन्दै आईरहेको नेपालको मानव सेवा आश्रमलाई सहयोग गरिने कर्पोरेसनका डाईरेक्टर वासुदेव लामिछानेले जानकारी दिएका छन ।‘हामीले कार्यक्रमलाई मनोरंजनको रुपमा मात्र लिएका छैनौ’ डाइरेक्टर लामिछाने भन्छन ‘हामीले सामाजिक दायित्व पनि निर्वाह गर्ने कोसिस गर्दै छौ ।’अघिल्लो वर्षको साकुरा नाइट २ मार्फत आश्रमलाई १ लाख ११ हजार १११ सहयोग गरिएको थियो । कार्यक्रम मे ३ मा टोकियोबाट सुरु हुनेछ । मे ४ मा नागोया र मे ५ मा ओशाकामा हुनेछ ।

चलचित्र पत्रकार संघको आयोजनामा एक दिने कार्यशाला गोष्ठी सम्पन्न

चलचित्र पत्रकार संघको आयोजनामा भएको एक दिने कार्यशाला गोष्ठीमा सञ्चारकर्मीले पेशागत मर्यादा बढाउन पत्रकार आचारसंहिता पालनामा जोड दिएका छन् । एक दिने कार्यशाला गोष्ठीमा सहभागीहरुले विश्वसनीयता बढाउन संहितामा जोड दिएका हुन् ।काठमाडौंमा भएको कार्यक्रममा कला क्षेत्रको समाचार सम्प्रेषणमा संलग्न एक सय १० जना सञ्चारकर्मी सहभागी थिए ।

अनलाइन पत्रकार संघका संस्थापक अध्यक्ष केपी ढुंगानाले सहभागीहरुलाई अनलाइन पत्रकारिता र आचारसंहिताबारे प्रशिक्षण दिएका थिए भने फोटो पत्रकार संघका अध्यक्ष विकास कार्कीले फोटो पत्रकारितासम्बन्धी प्रशिक्षण दिएका थिए ।

कार्यक्रममा पत्रकार आचारसंहिता, अनलाइन पत्रकारिताको विकास र वर्तमान अवस्था, प्रेस कानुन र विद्युतीय कारोबार ऐन, बढ्दो युट्युबकारिता, त्यसको प्रभाव र चुनौती, फोटो खिच्ने कला र कपिराइट कानुन लगायतका विषयमा छलफल भएको थियो । अनलाइन सञ्चारमाध्यम र सञ्चारकर्मीको संख्यामा उल्लेख्य वृद्धि भए पनि समाचार प्रस्तुति र गुणस्तर सोही रुपमा विश्वसनीय हुन नसकेको टिप्पणी गर्दै ढुंगानाले संहिताको पालनामा जोड दिएका थिए ।

‘पेशाको मर्यादा राखे मात्र पेशामा संलग्नको पनि मर्यादा रहने हो,’ शुक्रवार साप्ताहिकमा नवनियुक्त सम्पादक ढुंगानाले भने, ‘अनधिकृतरुपमा समाचार, तस्बिर, भिजुअल कपी गरेर प्रकाशन–प्रशारण गर्ने र विज्ञापनलाई समाचारको रुपमा प्रस्तुत गर्ने शैलीबाट सञ्चारकर्मी जोगिनुपर्छ ।’संहिताको बेवास्ता गर्दा विद्युतीय कारोबार ऐन, गाली बेइज्जती ऐन लगायतका कानुनअनुसार सजायको भागिदार बन्नुपर्ने उल्लेख गर्दै उनले ‘कानुनको अज्ञानता क्षमा नहुने’ भएकाले दुर्घटनाबाट जोगिन पनि संहिताको विशेष ख्याल गर्न आग्रह गरेका थिए ।

कार्यक्रमका अर्का प्रशिक्षक विकास कार्कीले फोटो र दृश्य खिच्दा अपनाउनुपर्ने सावधानी नअपनाउँदा पत्रकारिताकै खिल्ली उड्ने गरेको भन्दै कुन अवस्थामा कसरी तस्बिर र दृश्य खिच्नेबारे जानकारी गराएका थिए ।‘कलाकार मदनकृष्ण श्रेष्ठको श्रीमतीको देहान्तपछि तस्बिर र दृश्य खिच्दा केही सञ्चारकर्मीले देखाएको व्यवहारले पूरै पत्रकारिता क्षेत्रकै आलोचना भयो,’ कार्कीले भने, ‘कुन अवस्थामा कसरी तस्बिर खिच्ने भन्ने विषयमा फोटो पत्रकार पहिल्यै सजग हुनुपर्छ ।’उनले सामाजिक सञ्जालमा राखिने तस्बिर सार्वजनिक प्रयोगका लागि अनुमति लिनुनपर्ने भन्दै सञ्चारकर्मीलाई सामाजिक सञ्जालको प्रयोगमा सजग हुन आग्रह गरेका थिए ।

कार्यक्रममा संघका अध्यक्ष सन्दिप सापकोटाले सञ्चारकर्मी र सञ्चारमाध्यमको विश्वसनीयता बढाउन संघले कार्यशालाको आयोजना गरेको बताउँदै मर्यादित पत्रकारितामा जोड दिएका थिए । कार्यक्रम संयोजक तथा संघका महासचिव अनिल यादवले कला पत्रकारितामा सक्रिय सञ्चारकर्मीको क्षमता बढाउन कार्यक्रमको आयोजना गरिएको बताए ।

पछिल्लो समय विश्वमै धेरै पढिने विधामा मनोरञ्जन समाचार पर्ने उदाहरण दिँदै कान्तिपुर साप्ताहिकमा आबद्ध पत्रकार कृष्ण भट्टराईले आचारसंहिता पालनामा पत्रकार स्वयम् प्रतिबद्ध हुनुपर्नेमा जोड दिएका थिए । चार घण्टासम्म चलेको कार्यशालामा करिब १ सय १० जना संचारकर्मी सहभागी थिए । कार्यक्रममा उनीहरुलाई प्रमाणपत्रको समेत व्यवस्था गरिएको थियो ।

मोडल रञ्जन रिजालले यसरी गरे आत्महत्या (भिडियो )

गायक सुशील पंगेनीको स्वर रहेको ‘तिमी जादैछौ टाढा’बोलको गीतको भिडियो सार्वजनिक भएको छ । पंगेनीको आफ्नै शब्द र संगीत रहेको भिडियोलाई  म्युजीक नेपालको युट्युव च्यालनबाट सार्वजनिक गरिएको हो ।

भिडियोमा चर्चित मोडल रञ्जन रिजाल र अभिनेत्री उषा खनालले अभिनय गरेका छन् । झण्डै एक दशकदेखि फिल्म लेखनमा सक्रिय रहेका पंगेनीको यस गीतमा प्रेमपीडा प्रस्तुत गरिएको छ । फिल्म लेखनका साथै गायन,शब्द रचना र संगीतमा समेत पारंगत पंगेनीले आफूसँग झण्डै दुई सय वटा गीत संगीतसहित ‘स्टक’ रहेको बताउँछन् ।

सानैदेखि गायन तथा लेखनमा दख्खल राख्ने गरेका पंगेनी तिमी जादैछौं टाढा बोलको गीत युवापीढीको सत्य प्रेमघटनामा आधारित रहेको बताउँछन् । झट्ट सुन्दा आफ्नो गीतले प्रेमपीडितलाई आत्महत्या गर्न प्रेरित गर्नेजस्तो देखिए पनि वास्तविकता त्यस्तो नभएको तर्क उनको छ । उनी भन्छन्, ‘गीतमार्फत प्रेममा धोका, घात, पीडा भयो भने कस्तोसम्म दुर्घटना निम्तिन सक्छ भन्दै कसैले कसैलाई धोका नदेओस भन्ने सन्देश प्रभाव गर्न खोजेको हुँ ।’

फिल्म लेखन र गायनसंगीतलाई सँगै अघि बढाउने जमर्के गरेका पंगेनीले जन्जिर, टिचर, एउटा साथी, लक्ष्यलगायत झण्डै एक दर्जन फिल्मको स्क्रिप्ट लेखेका छन् । उनले लेखेको लक्ष्य फिल्ममा समाबेश अन्जु पन्तको स्वरको टेकेर दिलको दैलो बोलको गीत निकै चर्चित भएको थियो । भिडियो शिब बिकले निर्देशन गरेका हुन् । ज्ञानेन्द्र शर्माको छायांकन रहेको गीतको भिडियोलाई निशान शर्माले सम्पादन गरेका हुन् ।