Monday , 21 May 2018
News update
Home >> interview

interview

युवा स्टार प्रदिप खड्काको चलचित्र ‘रोजी’को शुभसाइत सगै छायांकन सुरु (भिडियो )

‘प्रेमगीत’, ‘प्रेमगीत २’,र ‘लिलिबिली’ जस्ता सफल चलचित्र दिएका युवा स्टार नायक प्रदिप खड्काको नया चलचित्र ‘रोजी’को शुभसाइत सगै छायांकन सुरु गरिएको छ ।

बुधबार काठमाण्डौको बालाजुमा रहेको एनएफडीसीको परिसरमा लामो कपाल र दाह्री–जुंगा पालेका यूवा स्टार नायक प्रदिप खड्का हातमा हथकडीसहित अदालत परिसरमा देखिए ।उनले रोजीको हत्या आफूले नै गरेको स्विकार गरेका छन् । चकलेटी लुक्सका धनी उनलाई कैदी गेटअपमा सजिलै चिन्न निकै गाह्रो पर्थ्यो । बुधबारबाट सुरु भएको फिल्म ‘रोजी’ को पहिलो दिनको सुटिङ प्रेमिकाको हत्या आरोपमा अदालतमा प्रदीपलाई उपस्थित गराएसँगै सुरु भएको छ ।

चलचित्रको शुभसाइत समारोहमा नायक प्रदिप खड्कालाई प्रेमिका रोजी राणाको हत्याको आरोप लागेपछि अदालत परिसरमा उभ्याइएको दृश्य खिचिएको थियो । प्रदिपले मुहुर्तमा संवाद बोल्दै भने–‘मैले रोजीलाई मारेको होइन, मुक्ति दिएको हुँ ।’यसमा प्रदीप र परमिता आर एल राणा मिरुना मगर, कर्मा शाक्य, बरुण आरएल राणा, रविन्द्र खड्का, प्रकाश श्रेष्ठलगायतका कलाकारहरुको अभिनय रहनेछ ।

निरक पौडेलको निर्देशनमा गोपीकृष्ण मुभिज र आरोही इन्टरटेन्मेन्टको ब्यानरमा निर्माण हुन लागेको यस चलचित्रमा उद्धव पौडेलको प्रस्तुति रहने छ । आयरा पौडेल र आरोही केसीको निर्माण रहने ‘रोजी’ लाई राजु विक्रम थापाले खिच्नेछन् । केदार भुषालको कथा रहेको चलचित्रलाई मित्र डि गुरुङले सम्पादन गर्नेछन् । चलचित्रमा अर्जुन पोखरेलको संगीत, कबिराज गहतराज र रिशब टोट्लानीको कोरियोग्राफी रहनेछ ।

जेठ ४ मा रिलिज हुने चलचित्र ‘हैरान’ले प्रतिभाको खोजि गर्दै

जेठ ४ गतेबाट प्रदर्शनमा आउन लागेको चलचित्र ‘हैरान’ले प्रतिभाको खोजि गर्ने भएको छ । हैरान च्यालेन्ज अन्तर्गत निर्माण टिमले ’राष्ट्रिय प्रतिभाको खोजि’ गर्ने भएको छ । नृत्य , अभिनय र गायन विधामा प्रतिभाको खोजि वैशाख २० गते झापाबाट अडिसन सुरु हुने भएको छ । प्रतिभालाई प्रोत्साहन गर्ने गरी देशको विभिन्न भागमा राष्ट्रिय प्रतिभाको खोजी अभियान शुरु गर्न लागिएको निर्माण पक्षले जनाएको छ ।

२० गते झापाको विर्तामोडवाट सुरु गरिने अडिसन २१ गते विराटनगर ,२२ गते हेटौंडा, २३ गते चितवन, २४ गते बुटवल, २५ गते नेपालगञ्ज, २६ गते दाङ , २७ गते पोखरा तथा २८ र २९ गते काठमाण्डौंमा हुनेछ । अडिसनमा ८ देखि २५ वर्ष उमेरका प्रतिभाहरुले सहभागिता जनाउन सक्नेछन् ।

तिनै विधाका विजेतालाई जनही १ लाख नगद र डान्स फिवर मार्फत निर्माण हुने फिल्म तथा म्युजिक भिडियोमा अवसर दिइने छ । साथै टप १५ मा पर्ने सम्पूर्णलाई जनही १० हजार नगद प्रदान गरिने समेत हैरान टिमले जनाएका छन् ।

छनौट चरणमा प्रतियोगिले एउटा हैरानकै र अर्को आफुले नै छनौट गरेको गितमा २ मिनेटमा आफ्नो प्रस्तुति दिनु पर्नेछ । प्रतियोगिताका निर्णायकको रुपमा फिल्म हैरानका कलाकार निश्मा घिमिरे, गायक स्वरुपराज आचार्य, कलाकार निर्मल शर्मा, गायक सत्यराज आचार्य र नृत्य निर्देशक गम्भिर विष्ट रहनेछन् । जेठ ४ मा रिलिज हुने फिल्म ’हैरान’ लाई विश्वकै कान्छा निर्देशक सौगात विष्टले निर्देशन गरेका छन् । डेब्यु फिल्म ‘लभ यु बाबा’ मार्फत नै सौगात विश्वका कान्छा निर्देशक घोषित भएका थिए ।

यिनै सौगात दोस्रो फिल्म लिएर आएका छन् । अघिल्लो फिल्ममा बाबु छोरी बीचको प्रेमलाई देखाइएको थियो भने यसपटक सामाजिक विषयवस्तुलाई समेटिएको निर्माण पक्षले जनाएको छ । फिल्ममा सत्यराज आचार्य , गजित विष्ट , मोहमद वसिम राजा , सागर लम्साल, निश्मा घिमिरे , सरोज खनाल , बुद्धि तामाङ , पुष्कर रेग्मी , एन्जल राई , आरोही शर्मा लगायतको अभिनय रहेको छ । डान्स फेभरको ब्यानरमा निर्मित फिल्ममा मुक्ति घले , सृष्टि घिमिरे , डाक्टर वाई एल लामा निर्माता रहेका छन् भने सम्झना पोखरेल कार्यकारी निर्मात्री रहेकी छिन ।

फिल्ममा कथा तथा कोरियोग्राफीमा गम्भीर बिस्ट , द्वन्दमा चन्द्र पन्त , संगीतमा सत्यराज आचार्य, स्वरूपराज आचार्य ,किरण कडेल , राजन इशान र सन्तोष श्रेष्ठ रहेका छन् । फिल्ममा निरज कडेलको छायाँकन रहेको छ भने उनलाई नवराज उप्रेतीले एसिस्ट गरेका छन् । साथै यसमा अमित श्रेष्ठको मिक्सिङ र ब्याक ग्राउण्ड स्कोर , अनन्त घिमिरेको कलर र भीएफएक्स , प्रितम पाण्डेको सम्पादन रहेको छ ।

अनमोल केसी र बेनिशा हमालले जिते एनएफडिसी अवार्ड

एनएफडिसी राष्ट्रिय चलचित्र पुरस्कारको छैठौं संस्करण ‘एनएफडिसी राष्ट्रिय चलचित्र पुरस्कार २०७४’ सम्पन्न भएको छ । बिहिबार साँझ काठमाडौंको सुविधासम्पन्न पाँच तारे होटल हायातको प्राँगनमा आयोजना गरिएको अवार्ड समारोहलाई बैशाखको मुसलधारे पानीले स्टेजनै बिथोलिए पनि आयोजक पक्षले अवार्ड सम्पन्न गरेरै छाडेको छ ।

समारोहमा पुरस्कार तर्फ मह सञ्चारद्धारा निर्मित चलचित्र ‘शत्रु गते’ पाँच विधामा आवार्ड चुम्दै सर्वोत्कृष्ट फिल्म बन्न सफल भएको छ । यो चलचित्र अहिले छैटौं हप्तामा प्रदर्शन भईरहेको छ । यस पटकको ‘हिरा सर्वोत्कृष्ट चलचित्र, राष्ट्रिय चलचित्र पुरस्कार’ चलचित्र शत्रु गतेले जितेको हो ।

नेपाल चलचित्र विकाश कम्पनीद्धारा आयोजित एनएफडिसी राष्ट्रिय चलचित्र पुरस्कार समारोहमा विभिन्न २० विधामा प्रतिस्पर्धा भएको थियो । जस अन्तर्गत ‘प्रकाश सर्वोत्कृष्ट, निर्देशक राष्ट्रिय चलचित्र पुरस्कार’ चलचित्र लिली बिलीबाट निर्देशक मिलन चाम्सले प्राप्त गरे । निर्देशक सहित लिली बिलीले विभिन्न चार विधामा पुरस्कार जित्यो । लिली बिली यतीबेला तेस्रो सातामा प्रदर्शन भईरहेको छ ।

यस्तै, अभिनेतातर्फ ‘शिव सर्वोत्कृष्ट अभिनेता, राष्ट्रिय चलचित्र पुरस्कार’ चलचित्र ‘कृ’बाट अनमोल केसीले प्राप्त गरे । अभिनेत्रीतर्फ ‘भुवन सर्वोत्कृष्ट अभिनेत्री, राष्ट्रिय चलचित्र पुरस्कार’ चलचित्र ‘ब्लाइन्ड रक्स’ अभिनेत्री बेनिशा हमालले चुमिन् ।

‘विश्व सर्वोत्कृष्ट नव अभिनेता, राष्ट्रिय चलचित्र पुरस्कार’ चलचित्र ग्याङस्टार ब्लुजबाट आशिरमान देशराज जोशीले, ‘चैत्य सर्वोेत्कृष्ट नव अभिनेत्री, राष्ट्रिय चलचित्र पुरस्कार’ चलचित्र लिली बिलीबाट जसिता गुरुङले जिते ।

यस्तै ‘गोपालराज, सर्वोत्कृष्ट हास्य कलाकार, राष्ट्रिय चलचित्र पुरस्कार’ चलचित्र छक्का पञ्जा–२ बाट केदार घिमिरेले हासिल गरे । ‘नीर सर्वोत्कृष्ट सहअभिनेत्री, राष्ट्रिय चलचित्र पुरस्कार’ चलचित्र ऐश्वर्यबाट प्रशान्त ताम्राकारले, ‘वसुन्धरा सर्वोत्कृष्ट सहअभिनेत्री, राष्ट्रिय चलचित्र पुरस्कार’ ऐश्वर्यबाटै केकी अधिकारीले प्राप्त गरिन् ।

संगीततर्फको प्रतिस्पर्धामा ‘शम्भुजित सर्वोत्कृष्ट संगीतकार, राष्ट्रिय चलचित्र पुरस्कार’ चलचित्र २ रुपैयाँको कुटुमा कुटु…गीतबाट राजनराज शिवाकोटीले, ‘उदित सर्वोत्कृष्ट पाश्र्व गायन, राष्ट्रिय चलचित्र पुरस्कार’ चलचित्र ऐश्वर्यको तिमी रोएको पल…बाट अन्जु पन्तले हासिल गरिन् । ‘किरण सर्वोत्कृष्ट गीतकार, राष्ट्रिय चलचित्र पुरस्कार’ चलचित्र ए मेरो हजुर–२ को गीत कसम हो कसम…बाट डा. कृष्णहरि बरालले चुमे ।

‘वसन्त सर्वोत्कृष्ट नृत्य निर्देशक राष्ट्रिय चलचित्र पुरस्कार’ चलचित्र २ रुपैयाँको कुटुमा कुटु…गीतको नृत्य निर्देशनबाट कविराज गहतराजले, ‘भुटानी सर्वोत्कृष्ट द्वन्द्व निर्देशन राष्ट्रिय चलचित्र पुरस्कार’ चलचित्र कृबाट चन्द्र पन्तले प्राप्त गरे ।यस्तै, ‘शुभ सर्वोत्कृष्ट पाश्र्व संगीत, राष्ट्रिय चलचित्र पुरस्कार’ चलचित्र लिली बिलीबाट एलिस कार्की र ‘प्रदीप सर्वोत्कृष्ट ध्वनि पुनः मुद्रण (मिक्सिङ) राष्ट्रिय चलचित्र पुरस्कार’ चलचित्र शत्रु गतेबाट अमित श्रेष्ठले जिते ।

‘चेतन सर्वोत्कृष्ट पटकथा लेखक राष्ट्रिय चलचित्र पुरस्कार’ चलचित्र शुत्र गतेबाट दीपकराज गिरी र प्रदीप भट्टराईले, ‘लक्ष्मी सर्वोत्कृष्ट कथा र संवाद राष्ट्रिय चलचित्र पुरस्कार’ शत्रु गतेबाटै हरिवंश आचार्य र प्रदीप भट्टराईले, ‘तुलसी सर्वोत्कृष्ट सम्पादक, राष्ट्रिय चलचित्र पुरस्कार’ शत्रु गतेबाट मित्रदेव गुरुङले हासिल गरे ।

यो वर्षको ‘मह जुरी राष्टिय चलचित्र पुरस्कार चलचित्र भुईं मान्छेबाट अभिनेता रमेश बुढाथोकीले र ‘कुसुमे रुमाल सर्वोत्कृष्ट व्यावसायिक चलचित्र पुरस्कार’ चलचित्र छक्का पञ्जा–२ ले पुन सफल भयो ।‘पुष्कर चलचित्र पत्रकारिता, राष्ट्रिय चलचित्र पुरस्कार’बाट पत्रकार फुलमान बललाई पुरस्कृत गरियो । उनी कान्तिपुर दैनिकका बरिष्ट उप सम्पादक हुन् ।

टंक बुढाथोकीले भाइरल बालक अशोक दर्जिको गीत रेकर्ड गराए,यूट्यूव ट्रेन्डिङमा अशोकको भिडियो

बाटो बाटोमा गीत गाउदै हिनेर यूट्यूवमा भाइरल भएका बालक अशोक दर्जिको जीवन राता रात बदलिएको छ ।पूर्व बाट संचालनमा आएका केहि यूट्यूवमा अशोकको अन्तरबार्ता र गीत भाइरल भए सगै गायक तथा संगीतकार टंक बुढाथोकी उनको जीवनमा खुसि बनेर आएका छन्।

टंक बुढाथोकी र डीजे रुपकको पहलमा अशोकलाई ‘मन बिनाको धन ठूलो कि धन बिनाको मन’ बोलको आधुनिक गीत गाउन दिएका छन् ।बुढाथोकीको स्टुडियो ९ मा अशोकको गीत रेकर्ड सगै उनको चर्चा झन् चुलिएको छ ।

नेपालको युट्युब ट्रेन्डिङ शीर्षस्थान देखि ५० भित्र १२ भन्दा बादी अशोक दर्जीको भिडियोहरु परेका छन् । संगीतकार तथा गायक टंक बुढाथोकीले अशोक दर्जीलाई काठमाडौं ल्याएर गीत रेकर्डको लागि तयारी गरि रहदा आफ्नो यूट्यूव मार्फत उनको गीत रेकर्ड गर्न लागेको जानकारी दिए लगतै देश भरिका मिडियामा उनले स्थान पाएका थिए ।

केहि दिन पहिला सम्म सडकमा उभिएर गीत गाउँदै पैसा बटुल्ने उनी अहिले स्कुल भर्ना भएका छन् र उनको स्वरमा पहिलो गीत पनि रेकर्ड भएको छ ।मोरङको उर्लाबारीमा रहेको बेथेल एजुकेसनल एकेडेमीले उनलाई १० कक्षासम्म निशुल्क पढाइदिने भएको छ । अशोकलाई स्कुल ड्रेस र पाठ्यसामग्री उपलब्ध गराइएको छ । उनका दिदीबहिनीको पढाईको जिम्मेवारी पनि स्कुलले लिएको छ ।

अत्यन्त चञ्चल स्वभावका अशोकले सुर र तालमा निकै मिहिनेत गर्नुपर्ने देखिएको तर, भ्वाइस क्वालिटी राम्रो रहेको संगीतकार टंक बुढाथोकीले प्रतिक्रिया दिएक छन् । अशोक अक्षर चिन्दैनन् केवल एक देखि १० सम्म भन्न सक्छन् त्यत्ति हो । अक्षर नचिन्ने भएकाले गीत कन्ठ गराउन गाह्रो परेको बुढाथोकीले बताए ।

केहि दिनमा नै अशोक दर्जीले गाएको गीत सार्वजनिक गर्ने तयारीमा रहेका गायक तथा संगीतकार टंक बुढाथोकीले उनको लागि आफुले जति सक्छु त्यति गर्न तयार रहेको समेत बताए ।

टंक बुढाथोकीको अफिसियल यूट्यूव च्यानल बाट रिलिज गर्न लागिएको ‘मन बिनाको धन ठूलो कि धन बिनाको मन’ बोलको गीतमा शब्द भिम नेपालको रहेको छ ।

मानव सेवा आश्रमको सहयोगार्थ जापानमा ‘साकुरा नाइट ३’हुने

यस बर्ष पनि जापानमा साकुरा नाइट हुने भएको छ । गत दुई वर्ष यता जापानको मुख्य सहरमा हुदै आएको यस नाइटको तेस्रो शृंखला ‘साकुरा नाइट ३’ मेबाट प्रारम्भ हुने आयोजकले जनाएका छन् ।

जापनिजहरुको मुख्य पर्व गोल्डेन विकलाई लक्षित गर्दै कार्यक्रम हुने आयोजक सुर्य कर्पोरेसनले बताएको छ ।कार्यक्रमलाई अघिल्ला शृंखला भन्दा विशेष बनाउने तयारी भईरहेको कर्पोरेसनका ब्राण्ड एम्बेसडर नरेश भट्टराईले बताए । लोकप्रिय सञ्चारकर्मी भट्टराईले कार्यक्रमलाई रोचक र मनोरन्जनात्मक बनाएको बताए ।

‘अघिल्ला शृंखलाबाट हामीलाई यसपटक अझै परिपक्क बनाएको छ’ सञ्चारकर्मी भट्टराई भन्छन ‘यसपटक जापानमा बस्ने नेपालीहरुको लागि गोल्डेन विक हामी विशेष बनाउने छौ ।’ कार्यक्रम नेपालका चर्चित कलाकारहरु आधुनिक गायक हेमन्त शर्मा, पप गायक कमल खत्री, लोक गायक मिलन लामा, आधुनिक तथा पार्श्व गायिका मिलन अमात्य र कमेडियन सन्दिप क्षत्रीले आफ्नो प्रस्तुति दिनेछन ।

साथै कार्यक्रमको मुनाफाबाट गरिव, दिन दुखि र असाह्यको सहारा बन्दै आईरहेको नेपालको मानव सेवा आश्रमलाई सहयोग गरिने कर्पोरेसनका डाईरेक्टर वासुदेव लामिछानेले जानकारी दिएका छन ।‘हामीले कार्यक्रमलाई मनोरंजनको रुपमा मात्र लिएका छैनौ’ डाइरेक्टर लामिछाने भन्छन ‘हामीले सामाजिक दायित्व पनि निर्वाह गर्ने कोसिस गर्दै छौ ।’अघिल्लो वर्षको साकुरा नाइट २ मार्फत आश्रमलाई १ लाख ११ हजार १११ सहयोग गरिएको थियो । कार्यक्रम मे ३ मा टोकियोबाट सुरु हुनेछ । मे ४ मा नागोया र मे ५ मा ओशाकामा हुनेछ ।

गरिबको घर बनाउन बिहेको भोजमा गीत गाउदै गायक मिलन लामा,निकै मार्मिक अन्तरवार्ता (भिडियो)

सलमान खानलाई भेटे भने रुन्थे : नायिका भावना गुरुङ,अन्तर्वार्तामा नायकलाई ‘आई लव यु’ भने पछि (भिडियो)

यहि शुक्रबार बाट देशभरिका मुख्य मुख्य हाल बाट चलचित्र ‘स्वर्ग मेरो गाउँ’ प्रदर्शन हुदैछ । मोडल भावना गुरुङले यसै चलचित्र मार्फत भावना नेपाली रजतपट नायिकाको रुपमा डेब्यु गर्दैछिन्।

रिलिजको मुखमा आएर निकै दौडधुप गरि रहेकी नायिका भावना गुरुङले यस चलचित्र मार्फत आफुले निकै आशा गरेको बताएकी छिन् ।आफ्नो पहिलो डेब्यु भएकोले यस चलचित्र बाट ठुलै आस गरेको बताएकी छिन् ।

फेसन सो र म्यूजिकमा आफ्नो भिन्दै पहिचान गराए पनि आफुले यस चलचित्रमा धेरै मेहेनेत गरेको र चलचित्रको कथा नै उत्कृस्ट रहेको बताउदै ‘स्वर्ग मेरो गाउँ’ बाट आफुले धेरै आशा बोकेकी बताएकी छिन् ।

चलचित्र रिलिजको अन्तिम चरणमा रहदा भावना विभिन्न मिडियामा अन्तरबार्ता दिदै यहि वैशाख ७ चलचित्र हेर्न अनुरोध गर्नु भएको छ ।’रमाइलो छ ‘लाई अन्तरबार्ता दिदै भावना गुरुङले सानोमा स्कुल जादा ममीको पैसा चोरेको बताउदै अहिले सम्म कसैको मन भने नचोरेको बताउनु भयो ।
कार्यक्रम प्रस्तोता उत्सव रसाइली सग रमाइलो कुराकानी कुरा गर्दै यदि सलमान खानलाई भेटे भने रुन्थे भन्दै मनका कुराहरु खोलेकी थिन ।

शहरबाट गाउँ घुम्न गएका यूवतीहरुले गाउँलाई नै स्वर्ग बनाउनका लागि गरेको कामको कथा बस्तुमा निर्माण गरिएको यस चलचित्रमा नरेन खड्का,रामकृष्ण बजगाँइ, भावना गुरुङ, शक्शी लम्साल, सुजता थापा, अष्ट महर्जन लगायतका कलाकारको मुख्य भूमिका रहेको छ ।

चलचित्र ‘स्वर्ग मेरो गाउँ’ लाई रामकृष्ण बजगाइँको निर्देशन गरेका हुन् ।पबन गौतमले खिचेको फिल्ममा अष्ट महर्जनको द्वन्द्व निर्देशन छ । गोविन्द राई फिल्मका कोरियोग्राफर हुन् भने सुनिता बरालको कथा छ।

प्रदीप खडकाको ‘लिलिबिली’ शनिबार देशभरि हाउसफुल,एक करोडको व्यापार गरेको अनुमान

शुक्रबार बाट प्रदर्शनमा आएको चलचित्र ‘लिलिबिली’ शनिबार नयाँ वर्ष २०७५ सालको पहिलो दिन देश भरिका सबै हलमा हाउसफुलको व्यापार गरेको छ ।सिनेमाले रिलिजको पहिलो दिन ६५ प्रतिशत अकुपेन्सी कायम गरेको थियो । तर, दोस्रो दिन अभिनेता प्रदीप खड्काको क्रेजले सम्पूर्ण हलमा दर्शकको भिड लगायो ।

प्रदीप खड्का अभिनित बहुप्रतिक्षीत चलचित्रको रुपमा हेरिएको ‘लिलिबिली’ले शनिबार राजधानी भित्र र बाहिरका सबै हलमा फिल्म हेर्ने दर्शकको ठुलै भिड लागेको थियो । प्रदीप खड्काको क्रेजका कारण हल-हलमा दर्शकको भीड उर्लिएको छ ।शनिबार दर्शकलाई नयाँ वर्षको शुभकामना दिन र ‘लिलिबिली’ प्रतिक्रिया बुझ्न प्रदीपसँगै अभिनेत्री जसिता गरुङ, निर्देशक मिलन चाम्स, निर्माता गोविन्द शाही उपत्यकाका विभिन्न हलमा पुगे ।

शनिवार दिउँसो साढे १ बजे बडिगार्डसहित प्रदीप खड्का र जसिता गुरुङ राजधानीको गोपीकृष्ण , अष्टनारायण हलमा पुग्दा दर्शकको भीड अनियन्त्रित थियो ।उनीसँग सेल्फी खिच्न र हात मिलाउन युवापुस्ताका दर्शकको ठुलै भिड लागेको थियो । चलचित्र हेर्न आएका दर्शकले टिकट काउन्टरमा भीड थामि नसक्नु थियो ।

दिउँसो गोपीकृष्ण हलले ‘लिलिबिली’ लाई उपलब्ध गराएको ‘गोपी’ र ‘ऊँ’ हल हाउसफुल भएर टिकट नपाएर कयौं दर्शक निराश हुँदै घर समेत फर्किएक थिए ।यता राजधानीको मुख्य मल्टिप्लेक्स क्युएफएक्स अन्तर्गतको सिभिल मल, जय नेपाल, कुमारी हलसँगै विग मुभिज, एफक्यूव, विएसआर मुभिजक सबै शोहरु हाउसफुल भएका थिए ।

यस्तै मोफसलका प्रमुख शहरहरु चितवन पोखरा, विर्तामोड, दमक,धरान र हेटौडा लगायतका ठाउमा पनि ‘लिलिबिली’ हाउसफुल भएको छ ।चितवनका हलहरुमा धेरै दर्शकले टिकट नपाएर फिल्म न हेरी घर गएका इन्द्रदेवका ब्यबस्थापक हरि रेग्मीले जानकारी दिए । चितवनमा मात्रै चलचित्रले १० लाख माथिको कलेक्सन गरेको छ । तेस्तै पोखराका सबै जसो हलमा पनि चलचित्रले हाउसफुलको व्यापार गरेको छ ।

काफिया फिल्मस्, सुदीप खड्का प्रोडक्सन र चाम्स इन्टरटेनमेन्टको व्यानरमा निर्माण भैरहेको सिनेमामा गोविन्द शाही, सुदिप खड्का र निर्देशक चाम्सको लगानी छ । चलचित्रमा सुदिप बरालको छायांकन , चन्द्र पन्तको द्वन्द , अर्जुन जिसीको सम्पादन र कविराज गहतराजको नृत्य निर्देशन रहेको छ ।चलचित्रमा  प्रदीप र जसिताका अलावा प्रियंका कार्की, अनुपबिक्रम शाही, सविन श्रेष्ठ लगायतका कलाकारको अभिनय छ ।

नायक प्रदिप खड्काको प्रेम प्रस्ताव ‘लिलिबिली’को नायिका जसिता गुरुङले किन अस्विकार गरिन् ?

आँचल शर्मा भन्छिन चुम्बन र बेडसिन कहिल्यै दिन्नँ

युवापुस्तामा निकै चर्चामा रहेकी नायिका आँचल शर्माले फिल्ममा वेड सिन र किस सिन नदिने अडान लिएकी छन् । यस्ता दृश्य भएका फिल्मको प्रस्ताव आए आफुले फिल्म नै नखेल्ने उनले बताइन् ।

आइतबार फिल्म ‘शत्रुगते’को प्रेशमिटमा आँचलले भनिन्, ‘मैंले अहिलेसम्म फिल्ममा वेडसिन र किससिन दिएको छैन र, दिंदा पनि दिन्न ।’ चैत ९ गतेदेखि प्रदर्शनमा आउने मल्टीस्टारर फिल्म ‘शत्रुगते’ मा पनि त्यस्ता सिनहरु नरहेको आँचलले प्रष्ट्याइन् । मह जोडीको ब्यानरमा किरण केसीको प्रस्तुती रहेको शत्रुगते मा काम गर्न पाउँनु आफ्नो लागि भाग्यको कुरा रहेको आँचलले बताइन् ।

दुःख लाग्छ केहीले मलाई पलको गलफ्रेण्ड भनेर भन्नुहुन्छ । हामी दुईलाई थाहा छ हामीबीच प्रेम छैन । त्यसैले अब त यो कुरा सामान्य लाग्न थालिसकेको छ ।’ उनी भन्छिन् । आँचल, पलसँग नाम जोडिँदा केही कुरामा फाइदा भएको पनि सुनाउँछिन् ।

प्रदीप भट्टराई निर्देशित ‘शत्रुगते’ मा आँचलको अपोजिटमा नायक पल शाह प्रस्तुत भएका छन् ।चलचित्रमा रमिला आचार्य, यशोदा सुवेदी, नरेन्द्र कंसाकार, दीपकराज गिरी, दीपाश्री निरौला र शिवहरि पौड्याल निर्माताको रुपमा रहेका छन् ।

‘शत्रु गते’मा मदन कृष्ण श्रेष्ठ, हरिवंश आचार्य, दीपकराज गिरी, दीपाश्री निरौला, शिवहरि पौड्याल, किरण केसी, प्रियंका कार्की, पल शाह, आँचल शर्मा, बसुन्धरा भुषाल,राजाराम पौड्याल, अन्जु महर्जन राजु भुजु, मोहितवंश आचार्य, रवि शर्मा, नरेन्द्र कंशाकार लगायतका कलाकारहरुको मुख्य भूमिका छ ।