Sunday , 15 July 2018
News update
Home >> Videos

Videos

चलचित्र ‘मेरी मामु’ युनिटको आयोजनामा चितवनको सौराहामा रक्तदान तथा नि :शुल्क स्वास्थ्य शिविर(भिडियो)

निर्माता सन्तोष सेनको चलचित्र ‘मेरी मामु’को यति बेला चितवनको विभिन्न ठाउमा छायांकन भैरहेको छ ।छायांकनको अन्तिम अबस्थामा रहेको चलचित्र ‘मेरी मामु’ले शनिबारले चितवनको सौराहामा रक्तदान तथा नि :शुल्क स्वास्थ्य शिविर आयोजना गरेको छ ।

चलचित्रको कथा बस्तुमा नै रक्तदान तथा स्वास्थ्य शिविर आयोजना गर्नु पर्ने हुदा चलचित्र युनिटले रियलमा नै रक्तदान कार्यक्रम गरेको हो ।पछिलो समय चितवनमा रगतको कमि आए पछि नेपाल रेडक्रस सोसाईटी क्षेत्रीय रक्त संचार केन्द्र सग मिलेर चलचित्र युनिटले चलचित्रको लागि छायांकनको लागि रियल रक्तदान कार्यक्रम गरिएको हो ।

चलचित्रका निर्माता सन्तोष सेनले चलचित्र निर्माण गर्दा चाहिने सिनमा रियल रक्तदान गर्दै रगतमा आएको केहि कमीलाई अलि कति भए पनि हाम्रो चलचित्रले सहयोग गर्न पाएको बताए ।हामि फिल्म युनिटका सदस्यहरुले मात्र पनि रगत दान गर्दा ब्लड बैंकमा केहि समयलाई पुग्ने रगत जम्मा हुने हुदा चलचित्र युनिट एउटा ब्यापारको माध्यम मात्र नभएर यहि समाजकै एउटा पाटो रहेको ले हामिले रक्तदान गरेका हौ निर्माता सेनले खुलाए । शिविरमा चलचित्रका निर्माता¸निर्देशक¸कलाकारहरु¸क्यामरा पर्सन लगायत सम्पुर्ण प्रोडक्सन टिमले रक्तदान गरेका थिए । टिमका करिब ३० जना सदस्यहरुले रक्तदान गरेको र आफुले जनहितको लागी पनि सक्दो काम गर्ने निर्माता सेनले जानकारी गराएका छन ।

प्रेम गीत र प्रेम गीत २ जस्ता सफल चलचित्र निमार्ण गरेको ब्यानर आसुसेन फिल्मसलको चौथो प्रस्तुती ‘मेरी मामु’मा कथा तथा निर्देशन यम थापाको रहेको छ । चलचित्रमा निर्माता सेनका छ वर्षिय छोरा आयुव सेनको मुख्य भुमिका रहने छ । बाल मनोबिज्ञानमा पारिवारिक कथा बोकेको चलचित्रमा प्रेम गीत २ नायिका अश्लेशा ठकुरी, नायक सारुक ताम्राकार, नवनायिका कुसुम गुरुङ र दुर्गा मल्लको पनि मुख्य भुमिका रहने छ । नेपालकी पहिली नायिका भुवन चन्द विशेष भुमिकामा रहने छिन ।

चलचित्रमा कल्याण सिंहको संगीत र पुरुषोत्तम प्रधानको छायांकन रहने छ । बनिश शह र भुपेन्द्र अधिकारीको सम्पादन रहने यस चलचित्रमा मेसी नामको गोल्डेन रेटिभ जातको कुकुरको पनि अभियन रहने छ । आशुसेन फिल्मसको यो चौथो चलचित्र मेरी मामु यहि भाद्र १५ गते प्रदर्शन हुदैछ ।

फिल्म प्रचार प्रसारमा चितवन आएको ‘चिँ मुसी चिँ’ युनिटले नारायणी नदि किनारमा गर्यो भव्य कन्सर्ट(भिडियो )

यही साउन ११ गतेदेखी प्रदर्शनमा आउन लागेको चलचित्र ‘चि मुसी चि’ को टोली चितवन आईपुगेको छ । शनिबार फिल्म युनिटले पत्रकार सम्मेलन गरी चलचित्र बारेमा जानकारी गराएको हो । ‘डान्स इन्डिया डान्स सिजन ४’बाट वाहवाहि बटुलेका सुनिल क्षेत्री यसै चलचित्र मार्फत डेब्यु गरेका छन्।

पत्रकार सम्मेलनमा बोल्दै नायक क्षेत्रीले आफूलाई सुहाउँदो कथा वस्तु भएकाले चलचित्रमा अभिनय गरेको बताउनुभयो । उहाँले आफू डान्सर भएर पहिलो चलचित्र नै म्युजिकल खेल्ने तयारी गरेपनि ‘चि मुसी चि’ को कथा मन परेकोले अभिनय गरेको बताउनुभयो।

यस चलचित्र पश्चात आफू म्युजिकल फिल्म लिएर आउने बताउनुभयो । कार्यक्रममा बोल्दै नवनायिका अलिसा शर्माले सस्सपेन्स र रोमान्टिक चलचित्र बनेकोले दर्शकले मन पराउने विश्वास व्यक्त गर्नुभयो । आफ्नो पहिलो चलचित्र भएकोले आफूले सकेको राम्रो काम गरेको बताउनुभयो।

यस्तै नेपाल आईडलको टप ५ मा पुगेर चर्चामा आएकी गायिका सुजता पाण्डेले आफ्नो प्लेव्याक सिङगिङको चाहनालाई यस चलचित्रले पुरा गरेको बताउनुभयो । आफ्नो स्वरमा रहेको चलचित्रको शीर्ष गीत नै दर्शकहरुले मन पराएको खुशी व्यक्त गर्नुभयो।

चलचित्रका अर्का नायक शुसान्त कार्की पछिल्लो समय आफुले चलचित्रको कथा बस्तु हेरेर काम गरेको भन्दै यस चलचित्रको कथा मन परेर काम गरेको बताए ।यस चलचित्रमा सुनिल र अलिसासंगै नायक शुसान्त कार्की, कमाली वाईवा, शसांक बस्याल र शेखर सुवेदीलगायत कलाकारको अभिनय रहेको छ ।

यस्तै शनिबार साझा नारायणी नदि किनारमा चलचित्र युनिटले प्रमोशनल कन्सर्ट आयोजना गरेको थियो। कन्सर्टमा हजारौ संख्यामा दर्शकको उपस्थिति थियो ।

कन्सर्टमा नव-अभिनेता सुनिल क्षेत्री र नव-अभिनेत्री अलिशा शर्माको दमदार नृत्यबाट क्रेजी दर्शकहरुलाई ‘नेपाल आइडल’ की टप ५ प्रतियोगी सुजाता पाण्डेले पनि उत्तिकै नचाइन् । नायक सुसान्त कार्कीको नृत्य पनि निकै आकर्षक थियो । ‘चिँ मुसी चिँ’ का चारवटा डान्सिङ्ग गीतमा सुनिल, अलिशा र सुसान्तले दमदार नृत्य प्रस्तुत गरेका थिए । गायिका पाण्डेले फिल्मको शिर्ष गीत गाएकी थिइन् ।

अरुण कुमार गुरुङ, महेश्वर खत्री, सुबास भुर्तेल, डब बहादुर गुरुङ निर्माता रहेको ‘चिँ मुसी चिँ’ को कार्यकारी निर्मातामा शिवराज कार्की छन् भने अनिल पाण्डे र प्रिन्स युवराज कार्की प्रस्तुतकर्ता हुन् ।चलचित्रलाई दिनेश श्रेष्ठले निर्देशन गरेका हुन् ।

सुनिल क्षेत्री, सुशान्त कार्की, अलिशा शर्मा, शिवराज कार्की, शेखर अधिकारी, कमली वाइवा, शसांक बस्याललगायतका कलाकारहरुको अभिनय रहेको फिल्ममा सुनिल क्षेत्री र विक्रम स्वाँरको कोरियोग्राफी छ । बासु न्यौपानेले खिचेको फिल्मको सम्पादन भूपेन्द्र अधिकारीले सम्हालेका छन् ।

चलचित्र ‘टिनएज’ को ‘मेरी छोरी’बोलको गीत सार्वजनिक(भिडियो)

यहि श्रावण २५ देखि प्रर्दशनमा आउन लागेको चलचित्र ‘टिनएज’ को गीत सार्वजनिक भएको छ। ‘मेरी छोरी’बोलको सार्वजनिक फेमिली गीतमा राजेश पायल राइ , टिका प्रसाइ र दर्शना महर्जनको आवाज रहेको छ ।

गीतलाइ बिकाश चौधरीले संगीत भरेका हुन् भने गीत हरी उप्रेतीले लेखेका हुन् । दिनेश पाख्रिनको निर्देशन रहेको चलचित्र टिनएज मा ‘टिनएज ‘उमेर का युवा पुस्ताको बास्तबिक कथा समेटिएको छ ।

चलचित्रमा नरेश बिर सिं , एन्जीला खड्गी , प्रतिक्षा खड्का , सरोज शाह , कृष्ण सिवाकोटी , सरिता राजउप्रेती , निर्मल स्याङतान रेशम फिरीरी लगायतका कलाकारको अभिनय रहेको छ ।

हेलेन पाख्रिन फिल्मस्को व्यानरमा हेलेन पाख्रिनको प्रस्तुती चलचित्र टिनएज लाइ बिरु मगर , बुद्धिमान स्याङतान , चिनिमाया पाख्रिन र देबिका खड्गीले सयुक्त रुपमा निर्माण गरेका हुन् ।

‘कायरा’को रोमान्टिक गीतमा आर्यन र साम्राज्ञी फिलिपिन्सको समुन्द्री किनारमा रोमान्स गर्दै (भिडियो)

आर्यन सिग्देल र साम्राज्ञी राज्यलक्ष्मी शाहको मुख्य अभिनय रहेको प्रतिक्षीत चलचित्र ‘कायरा’को गीत रिलिज गरिएको छ । ‘सुखमा…’ बोलको रोमान्टिक सार्वजनिक गीतमा फिलिपिन्सको समुन्द्री किनारको सुन्दर लोकेशनमा आर्यन र साम्राज्ञीलाई आकर्षक तवरले खिचिएको छ ।

सार्वजनिक गीतमा केतन क्षेत्रीले स्वर तथा कोशिश क्षेत्रीको शब्द तथा संगीत छ । गीतको कोरियोग्राफी प्रविण सिंहले गरेका छन् । युटुबमा दुई हप्ता अगाडी आएको ट्रेलर हेर्न अधिकांश दर्शकले आर्यन र साम्राज्ञीलाई उत्कृष्ट जोडी भन्दै यि दुईको केमेस्ट्रीको खुलेर चर्चा गरेका छन् ।

चलचित्रमा आर्यन र साम्राज्ञी सगै शिशिर राणा, हितेश शर्मा, मरिषा श्रेष्ठ ,रोजेट्टे काय पब्लोलगायतका कलाकारहरु पनि अभिनय छ । श्रावण १८ गते रिलिज हुने चलचित्रलाई लक्ष्मण रिजालले निर्देशन गरेका हुन् ।

‘कायरा’मा कोशिष क्षेत्री ,अर्जुन पोखरेल र कल्याण सिंहको संगीत, प्रविन सिंहको कोरियोग्राफी, बनिष शाह र मिलन श्रेष्ठको सम्पादन र शिवराम श्रेष्ठ (आशिकी)को छायाँकन छ । आर्यन सिग्देल इन्टरटेनमेन्टको र आर एण्ड आर प्रोडक्सनको व्यानरमा निर्माण भएको सिनेमाका कार्यकारी निर्माता राजेन्द्र भट्ट हुन् । भने, दिनेश थापा र दिवस पराजुली सहनिर्माता हुन् ।

नायिका करिश्मा श्रेष्ठको नायक सलोन बस्नेतको पहिलो प्रेम (भिडियो)

यहि शुक्रबार अर्थात् असार २९ गते प्रदर्शनमा आउने लागेको चलचित्र ‘बाबु कान्छा’ को रोमान्टिक गीत सार्वजनिक भएको छ ।सार्वजनिक गीतमा रियल जोडी सलोन बस्नेत र करिश्मा श्रेष्ठलाई फ़िचरिङ्ग गरिएको छ ।

प्रदर्शनको अन्तिम तयारीमा रहेको चलचित्र ‘बाबु कान्छा’ ‘मेरो पहिलो प्रेम’ बोलको रोमान्टिक गीतमा शुशील पंगेनीको शब्द तथा कमल खत्री र सुधा रत्नको स्वर रहेको छ। टंक बुढाथोकीको संगीत रहेको यस गीतलाई रामजी लामिछानेको कोरियोग्राफी गरेका हुन् । लमजुङको घले गाउमा छायांकन गरिएको गीतमा हिमाल को रमरीय दृश्यहरु समाबेश गरिएको छ ।

चलचित्र ‘ए मेरो हजुर २’बाट निकै तारिफ पाएका सलोन बस्नेत सगै नीर शाह, सरोज खनाल, राजाराम पौडेल,लय संगौला , करिष्मा श्रेष्ठ,ऋतिक शाही,सम्राट सापकोटा,मञ्जु पौडेल ,गीता अधिकारी, रामेश्वर रिजाल , शुशान्त श्रेष्ठ,बिक्रम कंडेल लगायतको अभिनय रहेको छ ।यस चलचित्र बाट अश्लिन ज्ञवाली र ज्योत्सना महर्जनले डेव्यू गर्दैछिन्।

शोभित बस्नेतको लेखन, निर्माण तथा निर्देशनमा तयार भएको यस चलचित्रमा सञ्चारकर्मी रबि अधिकारी कार्यकारी निर्माता रहेका छन् ।
‘बाबु कान्छा’ मा सन्तोष राज भण्डारी र सुरज घिमिरे सह-निर्माताको रुपमा रहेका छन् । बाबु श्रेष्ठ र कृष्ण श्रेष्ठको छायांकन रहेको फिल्ममा रामजी लामिछाने र दिपेन्द्र तिमिल्सेनाको कोरियोग्राफी रहेको छ ।

चलचित्रमा अस्ट महर्जनको एक्शन,गौतम राज खड्काको सम्पादन ,टंक बुढाथोकी संगीत रहेको छ भने ओम सुनारले ‘कर्णवीरको चन्द्रमा झैं राम्री छौ’गीत लाई रिमिक्स गरेका हुन् ।

नायिका मरिश्का पोख्रेलले कण्डम मागे पछि…. (भिडियो)

चलचित्र ‘मिस्टर भर्जिन’को अफिसियल टीजर सार्वजनिक गरिएको छ।भदौ १ गतेबाट प्रदर्शनमा आउन लागेको चलचित्र ‘मिस्टर भर्जिन’को कमेडी टीजरमा कण्डमलाई मात्रै बढी फोकश गरिएको छ ।चलचित्रको केही समय अघि ‘टुल्की’ बोलको गीत युट्युबमार्फत सार्वजनिक भइसकेको छ ।

चलचित्र ‘मिस्टर भर्जिन’मा गौरव पहारी , विजय बराल, कमलमणि नेपाल, मरिश्का पोख्रेल, भोलाराज सापकोटा, रविन्द्र झा, सिर्जना सुब्बा लगायतका कलाकारको अभिनय रहेको छ ।

नामकै कारणले चर्चामा रहेको चलचित्र ‘मिस्टर भर्जिन’वर्ल्ड वाइड फिल्मस् डिस्ट्रिब्यूसन प्रालिको ब्यानरमा निर्माण भएको चलचित्रलाई विशारद बस्नेतले निर्देशन गरेका हुन् ।चलचित्रमा महेश दवाडीको कथा, रामेश्वर कार्कीको छायांकन, विक्रम स्वाँर, दीपक याम सिंहको कोरियोग्राफी, मिलन डी काप्रिको सम्पादन रहेको छ ।

तीन यूवाको यौन मनोविज्ञानको कथालाई यो चलचित्रले उठान गरेको छ । चलचित्रमा खिलेन्द्र तिमिल्सिना, प्रजापति सिवाकोटी, मुकेश रेग्मी र विशारद बस्नेतको लगानी छ । सन्दिप उप्रेती चलचित्रका सह-निर्माता हुन् ।

दुई व्यापारीले नायिका आँचल शर्मालाई मायाको ‘निवेदन’ दिदै (भिडियो)

नायिका आँचल शर्मा अभिनित नयाँ म्यूजिक भिडियो सार्वजनिक भएको छ ।नायिका शर्मा नेपाली चलचित्र क्षेत्रमा जति चर्चित छन् त्यति नै म्यूजिक भिडियोमा पनि छन् ।

सार्वजनिक गीतमा बि. पाण्डेका शब्द तथा सुवास भुषालले संगीत दिएका छन् ।गीतमा गुणराज श्रेष्ठको स्वर रहेको छ भने उदयराज पौडेल एरेन्जर हुन् ।

यूट्युबमा सार्वजनिक ‘निवेदन’ बोलको गीतको भिडियो रमाईलो छ । दुई व्यापारी युवाहरु नायिका आँचललाई देखेपछि उनलाई आफ्नो जीवनमा प्राप्त गर्न निवेदन बोकेर हिँडिरहेका देखिन्छन् । भिडियोमा कसैलाई प्रेम गर्नेको भावनासँग पैसाको खेल खेल्ने मानिस पनि हुन्छन् भन्ने संकेत दिईएको छ । आँचललाई मिलाईदिन्छु भन्दै निवेदन लेखिदिएर पैसा असुलेको रमाईलो दृश्य पनि भिडियोमा देख्न पाईन्छ ।

विकास सुवेदीले निर्देशन गरेको भिडियोमा आँचलको साथमा गुणराज र राजेशको अभिनय छ । भिडियोमा अनुराग ठकुरीको कोरियोग्राफी छ । अनिल के. मानन्धरको छायांकन तथा सुप्रिम पराजुलीको सम्पादन रहेको छ ।

‘रोमियो एण्ड मुना’को स्याड भर्सन गीत रिलिज (भिडियो)

साउन ११ गते बाट प्रदर्शनमा आउन लागेको चलचित्र ‘रोमियो एण्ड मुना’को स्याड भर्सन गीत रिलिज भएको छ । कालीप्रसाद बाँस्कोटाको संगीत रहेको गीतमा शब्द काली र एकतारेको रहेको छ।गीतमा गौरव डगाओंकरको स्वर रहेको छ ।

सार्वजनिक गीतमा विनय श्रेष्ठ ‘रोमियो’ र सृष्टि श्रेष्ठ ‘मुनाp घर फर्कदै छन् ।गीतमा धरानबाट रोमियो काठमाडौँतर्फ हानिदै छन् भने मुना आफ्नो गाउँ फिरेकी छन् । ‘साँझ पर्यो’ बोलको गीत मार्मिक छ ।

नरेश कुमार केसी निर्देशित फिल्म ‘रोमियो एण्ड मुना’मा विनय र सृष्टि शिर्ष भूमिकामा प्रस्तुत भएका छन् । यी सँगै फिल्ममा सुस्मा कार्की, सुरक्षा पन्त, प्रज्ववल सुजल गिरीको अभिनय छ ।फिल्म निर्माणमा प्रशन्न गोपाली, राजी श्रेष्ठ, राम शर्मा र कविन शाक्यले निर्माण गरेका छन् ।

चलचित्र ‘अदालत’को छायांकन सकियो

चलचित्र ‘अदालत’को छायांकन सकिएको छ । दिनेश लिङ्देनको निर्देशन रहेको ‘अदालत’लाई फाल्गुनन्द लिङ्देन फिल्म्स्को व्यानरमा निर्माण गरिएको हो ।

निर्देशक लिङ्देनले समाजमा देखा परेका महिला हिंसा, हत्या, अपहरणलगायत विभिन्न अवैधानिक तथा आपराधिक क्रियाकलापमा संलग्न अपराधीलाई सजाय दिने काम अदालतको हो भन्ने सन्देश फिल्मले दिनेछ । ‘फिल्मको विषयबस्तु नै अपराधीलाई कारवाही गर्दै अदालतले कसरी पीडितलाई न्याय दिन्छ भन्ने सन्देश दिनेछ,’उनले भने,‘हामीले फिल्ममार्फत अदालतको न्याय प्रक्रियालाई देखाउन खोजेका छौं ।’ उनका अनुसार फिल्मको छायांकन उपत्यकाको विभिन्न स्थानमा गरिएको थियो ।

फिल्मका प्रस्तुतकर्ता हस्त लिवाङका अनुसार नेपाली समुदायको बाहुल्यता रहेको मुलुकमा फिल्मको प्रदर्शन गरिएपछि मात्र नेपालमा प्रदर्शन हुनेछ । निर्देशक दिनेशकै कथा रहेको फिल्ममा मदन भुजेल, एलिना बास्कोटा, रुद्र पाहिम, राजकुमार अधिकारी, शान्ति घिसिङ, दिपक क्षेत्री, प्रेम आले, उदय सुब्बा, मेखबहादुर मगर, दिलिप ठकुरी, हस्त लिवाङ, राजु घिमिरेको अभिनय छ ।

मेखबहादुर मगर कार्यकारी निर्माता र कविता राई निर्माता रहेको फिल्ममा डा. डिजन भट्टराईको गीत, रोशन वान्तवा राईको संगीत, दिनेश माङ्मुको नृत्य, राजु किराँतीको द्वन्द्व, सुसन साम्सोहाङ, यदु राई र मेनका राईको स्वर, राजु घिमिरेको मुख्य सहायक निर्देशक र विक्रम डिसीको छायांकन छ ।

चलचित्र ‘बोबी’ युनिट प्रचार-प्रसारको क्रममा चितवनमा,कन्सर्टमा दर्शकको भिड(भिडियो)

असार २९ गते बाट प्रदर्शनमा आउन लागेको चलचित्र ‘बोबी’ प्रचार-प्रसारको क्रममा चितवन आएको छ।चलचित्र युनिटले बुधबार बिहान चितवनमा पत्रकार भेटघाट गरेर चलचित्रको बारेमा जानकारी दिएको थियो ।

चलचित्रका निर्देशक मिलन चाम्स ‘बोबी’का मुख्य पात्र कविता गुरुङ र उमेश थापाको जिन्दगीको कथा मन परेर नै चलचित्र निर्माण गरेको बताए ।यो चलचित्रमा कलाकारको पैसा न परेको र कथाले मन छोएर नै आफुले यो चलचित्र निर्माण गरेको बताए।

कलाकार तथा विमान चालक विजय लामाले आफुले यो चलचित्रको कथा मन परेर चलचित्रमा अभिनय गरेको भन्दै निर्देशक मिलन चाम्सको कम र चलचित्रकी नायिका कविता गुरुङको खुलेरै तारिफ गरे। चलचित्र ‘बोबी’हेर्न एक्लै हैन परिवार सहित जना र चलचित्र हेरेर कमेन्ट गर्न समेत लामाले अनुरोध गरे।

‘बोबी’का मुख्य पात्र कविता गुरुङ र उमेश थापाले एउटा गाऊ बाट सुरु भएको आफ्नो यात्रा कसरी नर्वे सम्म पुगो यो अबस्थ सम्म आउदा कति दुख गर्नु पारो सबै चलचित्र मार्फत देखाउन खोजिएको बताउनु भयो ।

मिलन चाम्सको निर्माण तथा निर्देशन रहेको ‘बोबी’लाई नर्वेमा बसेर इन्जिनियरिङ पेशामा आवद्ध उमेश र होस्टेल म्यानेजरको रुपमा काम गर्दै आएकी कविताको प्रेमकथालाई संचारकर्मी नरेश भट्टराइले लेखेका हुन् । पर्दामा देखिने लभस्टोरी झैँ उमेश र कविताको आफ्नै कथा’ रहेको निर्देशक चाम्सले बताए ।। विवाहित कविता र उमेश नर्वेका एनआरएन हुन्।

सम्पूर्ण छायाँकन नर्वेमै गरिएको सिनेमामा दुबै जनाको प्रेम, संघर्ष र सफलताको कथा छ । चलचित्रमा कविता गुरुङ र उमेश थापा सगै विजय लामा, रुबी राणा शाह, देशभक्त खनाल, रश्मि भट्ट, रवि गिरी, सुरवीर पण्डित, बादल भट्ट, पुर्णिमा लामा, शिशिर राणा लगायतका कलाकारको अभिनय रहेको छ ।चाम्स इन्टरटेनमेन्ट र लण्डन आई इन्टरटेनमेन्टको व्यानरमा निर्माण भएको ‘बोबी’मा संचारकर्मी नरेश भट्टराईको स्क्रिप्ट, नवराज कृष्ण थापाको छायाँकन, अर्जुन जिसीको सम्पादन र ताराप्रकाश लिम्बुको संगीत रहेको छ ।

यस्तै चलचित्र मंगलबार बेलुका नारायणी नदीमा कन्सर्ट समेत गरेको थियो । ‘बोबी: लाइभ कन्सर्ट – नेपाल टुर’ नाम दिइएको कन्सर्ट हेर्न नारायणी नदि किनारमा दर्शकको ठुलै भिड लागेको थियो ।

कन्सर्ट टिभी सिरियल ‘भद्रगोल’ टिमबाट कक्रोज , बले र रक्षाले आफ्नो प्रस्तुति दिएका थिए भने चर्चित गायक राजेशपायल राईले गीत गएर दर्शकलाई नचाएका थिए ।१८ गते पोखराबाट सुरु भएको देश दौडाहा २६ गते किर्तिपुर र भक्तपुरको सुर्यविनायकमा पुगेर टुर समाप्त हुनेछ ।