Thursday , 19 October 2017
News update
Home >> Videos

Videos

मेलिना राइको ‘गाइदेउन गीत ए कान्छा’गीतको भिडियो सार्वजनिक

पछिल्लो समय निक्कै चर्चामा रहेकी गायिका मेलिना राइको स्वर रहेको नया गीतको भिडियो सार्वजनिक गरिएको छ ।शुभ दिपावलीकोको अबसर परेर रिलिज गरिएको लोक आधुनिक शैलीमा तयार पारिएको ‘गाइदेउन गीत ए कान्छा’ बोलको गीतको भिडियो राजधानीमा एक कार्यक्रमका बिच सार्वजनिक गरिएको हो ।

सार्वजनिक गीतमा प्रमोद श्रेष्ठको शब्द तथा टंक बुढाथोकीको संगीत रहेको छ । भिडियोमा अस्मिता बुढाथोकीको साथमा केही कोरसहरुलाई देखन सकिन्छ ।नबिन निरौलाको सम्पादन,ज्ञानेन्द्र शर्माको छायांकन र गम्भिर बिष्टको निर्देशनमा बनेको गीतका निर्माता भने नबिन बुढाथोकी हुन ।भिडियो निकै आकर्षक बनेको छ ।

बलिउड चर्चित पाश्र्व गायक अकिंत तिवारी कार्तीक ६ गते नारायणगढको क्याम्पाचौरमा आउदै

बलिउडका चर्चित पाश्र्व गायक तथा संगितकार अकिंत तिवारी क्याम्पाचौर नारायणगढमा कार्तीक ६ गते ईभेन्टसका लागि आउने चितवनमा पत्रकार सम्मेलन गरि जानकारी गराईएको छ ।

बलिउडका चर्चित पाश्र्व गायक तिवारी पहिलो पटक चितवन आउने हुनुभएको छ । चितवनमा आयोजना हुन लागेको कन्सर्टमा आफ्नो प्रस्तुती दिन र उहाकै नया एल्बम तुम हर दफाहको प्रमोशनको लागि चितवन आउन लाग्नुभएको आयोजक कमिटिका सदस्य सन्दिप झा ले बताउनुभएको छ । जजी ईन्टरटेगमेन्ट एण्ड नबिन उपाध्यायको प्रस्तुतीमा हुने टि एस एन चितवन म्युजिक फिस्टामा तिवारीको प्रस्तुती रहने छ ।

चितवनकै ठुलो ईभेन्टका रुपमा लिईएको यस ईन्भेटको लागि भव्य तयारी भईरहेको आयोजकले जनाएको छ । बलिउडका चर्चित पाश्र्व गायक तथा संगित निर्देशक अकिंत तिवारी संगै सो ईभेन्टसमा डिजे, स्थानिय गायक , ब्रोहुड व्यान्ड तथा नेपाली कथानक चलचित्र रोमीयोका कलाकारहरु निशा अधिकारी लगायतको प्रस्तुती रहने पत्रकार सम्मेलनमा जनाईएको छ ।

दुई हजार , एक हजार र पाच सय रुपैयाको टिकटदर तोकीएको सो ईभेन्टमा सुरक्षाको लागि सिसिटिभी क्यामरा र फ्रि वाईफाईको पनि व्यवस्था गरिएको झा ले बताउनुभएको छ । ईभेन्टस क्याम्पाचौर नारायणगढमा कार्तीक ६ गते हुनेछ । बैष्णब मिष्ठान भण्डार, फुटकोर्ट , चुल्हो लगायतका स्थानबाट टिकट लिन सकिने व्यवस्था रहेको छ । भव्य र सभ्य रुपमा आयोजना गर्न लागिएको ईभेन्टसका लागि करिब २० लाख खर्च हुने आयोजकले जनाएको छ ।

बाबु कान्छा नायक सलोन बस्नेत र आमेष भण्डारी रूम नम्बर १०८ मा भेटिए (भिडियो )

पछिल्लो समय फेरी चर्चामा रहेका नायक सलोन बस्नेतको स्वर रहेको नया गीतको भिडियो सार्वजनिक भएको छ । होस्टेल, लव सब, गजालु, ए मेरो हजुर २ जस्ता सफल चलचित्र मार्फत दर्शकको मन जितेका सलोनले यस अघि आफ्नो नया चलचित्र बाबु कान्छाको गीतमा समेत र्‍याप हानेका छन् । रूम नम्बर १०८ बोलको सार्वजनिक गीतमा सलोन सगै अर्का नायक आमेष भण्डारीको पनि स्वर रहेको छ ।गीतमा कम्पोज सुरज ब्लुजको रहेको छ ।

चलचित्र ‘मेला’मार्फत एक्कै साथ पर्दामा आउन लागेका सलोन र आमेष निकै मिल्ने साथी हुन् । सलोन बस्नेतको मुख्य भूमिका रहेको चलचित्र बाबु कान्छा मङ्सिर १५ गते बाट प्रदर्शनमा आउदै छ ।पर्फेक्ट प्लान इन्टरटेनमेन्टको प्रस्तुति रहेको यस गीतमा सलोन र आमेष सगै गिरिश खतिवडालाई फ़िचरिङ्ग गरिएको छ ।

शिशिर खातीको निर्देशन रहेको यस म्युजिक भिडियोलाई खातीले निकै सुन्दर तरिकाले निर्देशन गरेका छन् । पवन सुस्लिङ्गको छायांकन रहेको यस गीतलाई गौतम राज खड्काले सम्पादन गरेका हुन् ।

‘ह्याप्पी न्यु ईयर’को गीत सार्वजनिक (भिडियो)

चलचित्र ‘ह्याप्पी न्यु ईयर’को गीत सार्वजनिक गरिएको छ । आइतवार राजधानीमा एक कार्यक्रमका बीच चलचित्रको टाइटल गीत रिलिज गरिएको हो। ‘ह्याप्पी न्यु ईयर’ बोलको सार्वजनिक गीतमा विनोद ढकालको शब्द तथा संगीतरहेको छ भने नवराज बस्नेतको स्वर रहेको छ ।नायक कुशल थापा र सन्ध्या केसी फिचरिङ यस गीतलाई रोहन नेपालीले कोरियोग्राफि गरेका छन् ।

पुष १४ गतेलाई प्रदर्शन मिति घोषणा गरिएको फिल्म ‘ह्याप्पी न्यु ईयर’लाई देवकुमार श्रेष्ठ निर्देशन गरेका हुन् । अधिकांश छायांकन अष्ट्रेलियामा गरिएको यस चलचित्रलाई नायक कुशलकी श्रीमति रती थापाले निर्माण गरेकी हुन् ।

लभस्टोरी कथामा निर्माण भएको यस चलचित्रमा कुशल थापा, पुकार गौतम, सन्ध्या केसी, इश्वर थापा, पदम शाक्य लगायतका कलाकारको अभिनय छ । चलचित्रलाई अस्ट्रेलियन छायाँकार बेन्जामिन ड्रेको छायांकन, विनोद ढकाल र टंक बुढाथोकीको संगीत र कुशल थापाको कथा रहेको छ ।

गीत सार्वजनिक कार्यक्रममा बोल्दै नायक थापाले ‘ह्याप्पी न्यु ईयर’लाई उत्कृष्ट बनाउन कुनै कसर बाँकी नराखेको बताए । यस्तै, नायिका सन्ध्या केसीले ‘ह्याप्पी न्यू ईयर’को कथावस्तु उत्कृष्ट रहेको बताइन् ।

रेकर्ड तोड्न नभई मन जित्न आएको ः दिपाश्री निरौला

ध्रुवराज न्यौपाने ,असोज २७ ,दाङ
चलचित्र छक्का पञ्जा २ कि निर्देशक दिपाश्री निरौलाले आफु चलचित्र क्षेत्रमा कायम भएका रेकर्ड तोड्न नभई दर्शकको मन जित्न आएको बताएकि छिन् । चलचित्र पत्रकार संघ दाङले आज शुक्रवार आयोजना गरेको साक्षात्कार कार्यक्रममा बोल्दै उनले छक्का पञ्जाले नेपाली सिनेमाका सबै रेकर्ड ब्रेक गर्दै आएको तर आफुले रेकर्ड ब्रेक भन्दा पनि दर्शकको मन चोर्न सफल भएको बताएकि छिन् ।

कार्यक्रममा वोल्दै उनले आफुले निर्देशन गरेको पहिलो चलचित्र सफल र राम्रो भएको तर दोस्रो चलचित्र छक्का पञ्जा २ को वारेमा केहि व्यक्तीले नकारात्मक टिकाटिप्पणी गरेपनि, अधिकाशं दर्शकले फिल्म मन पराएको बताउदै उनले फिल्म राम्रो भएकै कारण फिल्मले आफ्नो पहिलो चलचित्र छक्का पञ्जाको समेत रेकर्ड ब्रेक गर्ने सम्भावना बढेको उल्लेख गरिन् ।

चलचित्र पत्रकार संघ दाङका अध्यक्ष ध्रुवराज न्यौपानेको अध्यक्षतामा भएको साक्षात्कार कार्यक्रममा उनले चलचित्र छक्का पञ्जा २ को दोस्रो हाफमा अलि जटिल विषयवस्तु उठाएकाले सबै दर्शकलाई फिल्मको कथा बुझ्न गाह«ो भएको महशुस आफुले पनि गरेको भन्दै अव निर्देशन गर्ने तेस्रो चलचित्रमा विषयलाई सामान्य ढगंबाट प्रस्तुत गर्ने र चलचित्रलाई लोक संस्कृतीमय बनाउने बताईन् । साथै उनले नेपाली चलचित्रको व्यापार केहि समय अघि निराशाजनक भएको र नेपाली चलचित्रहरु हिन्दी चलचित्रको छायाँमा बस्नु परेपनि अहिलेको समयमा केहि नेपाली चलचित्रले हिन्दी चलचित्रलाई पनि चुनौति दिएको बताईन् ।

चलचित्र पत्रकार संघ दाङका कोषाध्यक्ष शिव पुनको स्वागत मन्तव्यबाट सुरु भएको कार्यक्रममा निर्देशक निरौला,चलचित्र छक्का पञ्जाकी नायिका स्वस्तिमा खड्का र निमार्ता सुमन गिरीले चलचित्रलाई सफल बनाउनुभएकोमा सबै दर्शक र शुभचिन्तकहरुमा धन्यवाद ज्ञापन गरेका थिए । कार्यक्रमको संचालन सचिव सन्तोष केसीले गरेका थिए ।

‘पिंजडा व्याक अगेन’को गीत रिलिज (भिडियो)

एक्सन स्टार निखिल उप्रेतीको अभिनय रहेको चलचित्र ‘पिंजडा व्याक अगेन’को गीत रिलिज गरिएको छ ।निखिल उप्रेतीको पहिलो चलचित्र ‘पिंजडा’ को नाम सापटी लिएर निर्माण गरिएको ‘पिंजडा व्याक अगेन’को बिहीवार राजधानीमा एक कार्यक्रमका बीच गीत रिलिज सगै माघ ४ गतेलाई प्रदर्शन मिति घोषणा गरिएको छ  ।

चलचित्रको ‘यता पनि छैन उता पनि छैन’ बोलको गीत सार्वजनिकमा राजनराज सिवाकोटीको शब्द तथा संगीत रहेको छ भने राजनराज र अन्जु पन्तको स्वर सुन्न सकिन्छ । रामजी लामिछानेको कोरियोग्राफी गीतमा चलचित्रका मुख्य कलाकार निखिल उप्रेती र सारा सिर्पालीलाई फिचरिङ गरिएको छ ।

चलचित्र ‘पिंजडा व्याक अगेन’लाई हिमाल केसीले निर्देशन गरेका हुन् । चलचित्रमा निखिल र साराका अलावा सुस्मिता केसी, पुकार भट्टराई, ज्याक श्रेष्ठ लगायतका कलाकारहरुको अभिनय रहेको छ । मौनता श्रेष्ठको कथा रहेको यस चलचित्रलाई सौरभ लामाले खिचेक हुन्। चलचित्रलाई श्रीराम बराल, रोहित पुरी, गोविन्द गैरे , चन्द्र बहादुर क्षेत्री,सुसान्त श्रेष्ठले मिलेर निर्माण गरेका हुन् ।

साम्राज्ञी र सलिनमानको ‘कसम हो कसम ‘गीतलाई युट्युबमा करोड पटक हेरियो

पछिल्लो समय नेपाली चलचित्रको गीत संगीतले निकै राम्रो गर्न थालेका छन् ।बिशेष गरेर नेपाली चलचित्रका गीतलाई युट्युबमा करौडौ पटक हेर्न थालिएको छ ।चलचित्र दुई रुपियाको गीत करिड तिन करोडको नजिक पुग्न लागेको छ भने अन्य थुप्रै फिल्मको गीतले करोड भन्दा बढी पटक युट्युबमा हेरिएको छ ।

यस्तै गत भाद्र १६ गते बाट प्रदर्शन चलचित्र ‘ए मेरो हजुर २’को गीतलाई पनि युट्युबमा १ करोड भन्दा बढी पटक हेरिएको छ ।चलचित्रमा समाबेश
‘कसम हो कसम ‘को बोलको गीतलाई साढे ६  महिनामा एक करोड पटक हेरिएको हो ।कृष्ण हरि बरालको शब्द रहेको यस गीतमा सुगम पोखरेलको स्वर रहेको छ । कल्याण सिंहको संगीत रहेको यस गीतमा रेनाषा बान्तवा राईको कोरियोग्राफी रहेको छ ।

नायिका झरना थापाको निर्देशन रहेको ‘ए मेरो हजुर २’लाई नेपाली बक्स अफिसमा सुपर हिट साबित भएको थियो ।चलचित्रमा साम्राज्ञी राज्यलक्ष्मी शाह, सलिनमान बनियाँ, सलोन बस्नेत, अम्बर सुवेदी, अम्बर पौडेल, अनुभव रेग्मी, विल्सनविक्रम राई, बुद्दी तामाङ लगायतको अभिनय रहेको छ।चलचित्र ‘ए मेरो हजुर २’सुहाना इन्टरटेनमेन्टको व्यानरमा यो सिनेमालाई सुनिलकुमार थापाले निर्माण गरेका हुन् ।

’ऐश्वर्य’को नया पोस्टरमा केकी अधिकारी

गीत संगीत र ट्रेलरले निकै चर्चामा रहेको चलचित्र ’ऐश्वर्य’को  प्रचार प्रसारको लागि नायिका केकी अधिकारीलाइ अगाडी ल्याएको छ । ट्रेलरमा मात्र रिभिल गरिएको केकीलाई निर्माण पक्षले सार्वजानिक गरेको नयाँ पोष्टरमा केकीलाई अभिनेता रमेश उप्रेतीसंग प्रस्तुत गरेको छ । ट्रेलरमा दर्शकलाई सरप्राइज दिएपछि निर्माण टीमले केकीलाई पोष्टरमा पनि रिलिज गरेको छ । दर्शकले ट्रेलरमा केकीलाई रुचाएका छन् भने फिल्म भित्र उनि दमदार भूमिकामा रहेको निर्माण पक्षले बताउदा आएको छ ।

कार्तिक ९ मा रिलिज हुने ’ऐश्वर्य’ रमेश उप्रेती , दीपिका प्रसाई , केकी अधिकारी , प्रशान्त ताम्राकार , अर्जुन श्रेष्ठ , निर्मल शर्मा , तेंजु योन्जन लगायतको अभिनय रहेको छ । रमेश उप्रेती प्रस्तुतकर्ता रहेको यस फिल्ममा अर्जुन श्रेष्ठ र किरण राणा उप्रेती निर्माता रहेका छन् । । अमेरिकाको बसाइपछी नेपाल फर्किएका रमेशले यसै फिल्म मार्फत निर्माताको रुपमा पनि डेब्यु गरेका छन् ।

निर्मल शर्मा सह निर्माता रहेको यस फिल्ममा लेखन तथा निर्देशन दिवाकर भट्टराईको रहेको छ । सुदीप वरालको छायाँकन रहेको यो फिल्म कार्तिक ९ मा रिलिज हुनेछ । फिल्मलाई अल नेपाल डिसीएनले वितरण गर्नेछ ।

दिवाकर भट्टराई लेखक , निर्देशक :हामीले केकीजीलाई हाइड गर्यौ भन्ने पनि कहिँ कतै सुने तर यो सब टीमको प्लानिङ नै हो । केकीजी फिल्ममा महत्वपूर्ण भूमिकामा हुनुहुन्छ भने उहाले सबैको मन पनि जित्नु हुनेछ भन्नेमा हामी विश्वस्त छौ । केवल हामीले पब्लिसिटी प्लानिङ अनुसार उहालाई अगाडी ल्याएका हौ । हामी यतिबेला रिलिजको अन्तिम तयारीमा छौ , जहाँ नयाँ पोष्टरमा केकी जीलाइ दर्शकले देखन सक्नुहुनेछ ।

रमेश उप्रेती र अभिनेता तथा निर्माता : फिल्मको सार्वजनिक गीत र ट्रेलर मार्फत आएको रेस्पोन्सले खुसि बनाएको छ । एउटा राम्रो फिल्म बनाउने र मेकिङको स्तरीयता पनि देखाउने सपना पुरा भए जस्तो लाग्छ । म विदेशमा बस्ने नेपालीलाई क्वालिटीको फिल्म देखाउन चाहन्थे । हामीले नयाँ पोष्टरमा केकी जी लाई रिलिज गरेका छौ ।

हङकङ आइडल राज तामाङको गीतको भिडियो सार्वजनिक

हङकङ आइडलको उपाधि विजेता गायक राज तामाङको गीतको भिडियो सार्वजनिक भएको छ ।राजको आफ्नै शब्द तथा संगीतको नया“ पप गीत‘हाइ हेल्लो…’ को म्युजिक भिडियो लिएर दर्शकमाझ आएका छन् । डान्सिङ शैलीको यस गीतमा सञ्जीव बराइलीद्वारा संगीत संयोजन गरिएको उक्त गीतको म्युजिक भिडियोलाई पार्टि थिममा छायांकन गरिएको छ ।

भिडियोमा क्रिस्टिना थापा तथा साजन तामाङले आकर्षक नृत्य तथा अभिनय गरेका छन् । साजन नृत्यमा आधारित रियालिटी शो छमछमी–२ का विजेता पनि हुन् । ज्ञानेन्द्र शर्माद्वारा छायांकन गरिएको उक्त भिडियोको निर्देशन मिलन थापाले गरेका हुन् । भिडियोमा साजन थापाको कोरियोग्राफी छ ।

 

‘छक्का पञ्जा २’ले १३ दिनमा चितवनमा कमायो १ करोड ३० लाख (भिडियो )

असोज ११गते बाट प्रदर्शनमा आएको चलचित्र ‘छक्का पञ्जा २’ ले नेपाली बक्स अफिसमा १३ दिनमा ११ करोड बढीको व्यापार गरेको छ ।लगातार ९ दिनसम्म दशैं विदाले चलचित्रको ब्यापारमा निकै ठुलो साथ दियो ।

प्रदर्शनमा आएको पहिलो दिनमा १ करोड ६३ लाखको कलेक्सन गरेर एक दिनमा नेपालमा कुनै पनि भाषाको चलचित्रको सर्वाधिक एक दिने कमाई गर्ने फिल्ममा आफ्नो नाम लेखाऊना सफल छ यस चलचित्रले कोहिनुरको १० करोडको कलेक्सनलाई उछिन्दै आफ्नै चलचित्र छक्का पञ्जाको रेकडको नजिक पुग्न थालेको छ ।छक्का पञ्जाले कमाएको १६ करोडको नजिक पुदै चलचित्र ‘छक्का पञ्जा २’ ले ११ करोड माथिको व्यापार गरि सकेको छ ।

पछिल्लो समय नेपाली चलचित्रको निकै ठुलो बजारको रुपमा देखा परेको चितवनमा चलचित्र ‘छक्का पञ्जा २’करोड माथिको व्यापार गरेको छ ।राजधानीमा भन्दा राजधानी बाहिर उच्च कलेक्सन रहेको ‘छक्का पञ्जा २’ले चितवनमा मात्रै १३ दिनमा १ करोड तिस लाख माथिको व्यापार गरेको छ ।

चितवनको ५ वटा सिनेमा घरमा प्रदर्शनमा आएको ‘छक्का पञ्जा २’ले सबै भन्दा बढी इन्द्रदेव सिनेमा कलेक्सन गरेको छ ।इन्द्रदेवमा १३ दिनमा चलचित्रले ५८ लाख माथिको कलेक्सन गरेको छ ।त्यस्तै चितवनमा रहेको एक मात्र मल्टिप्लेक्सक क्युएफएक्स जलमामा १३ दिनमा ५७ लाख ५० हजारको कलेक्सन गरेको छ ।

त्यस्तै चितवनको गणेश चलचित्र मन्दिर,जनज्योति हल पर्सा र नारायणी हल टाँडीमा करिब ५l५ लाखको कलेक्सन गरेको छ ।१३दिनमा नै चितवनमा मात्रै १ करोड तिस लाख माथिको व्यापार गरेको छ ।आज १३ तिनमा पनि चितवनमा चलचित्र हेर्ने दर्शकको कुनै कमि आएको छैन ।सार्वजनिक बिदा सकिद पनि चितवनमा अहिले पनि हरेक दिन ५ लाख माथिको व्यापार भै रहेको छ ।छक्का पञ्जाले चितवन मात्रै करिद्ब २ करोडको हाराहारीमा व्यापार गरेको थियो भने ‘छक्का पन्जा २’ पनि तिहारको बिदा सम्म चलेमा त्यति व्यापार हुने अनुमान गरिएको छ ।

‘छक्का पञ्जा २’लाई पनि दिपाश्री निरौलाले निर्देशन गर्नु भएको हो ।चलचित्र ‘छक्का पन्जा २’मा दीपकराज गिरी, केदार घिमिरे, जितु नेपाल,स्वस्तिमा खड्का , स्वरूप पुरुष ढकाल शिवहरी पौडेल, वुद्धि तामाङ, प्रियंका कार्की, किरण केसी, बर्षा राउत, सरोज खनाल लगायतका कलाकारहरुको मुख्य भूमिका रहेको छ ।